ଅର୍ଗସ ବ୍ୟୁରୋ: ଥମିବାର ନାଁ ଧରୁନି ପଶ୍ଚିମବଙ୍ଗରେ ରାଜନୈତିକ ହିଂସା। ହିଂସାକାଣ୍ଡ ଚଳାଇଛି ଶାସକ ଟିଏମସି। ଆଜି ଏହି ରାଜନୈତିକ ହିଂସା ଅତି ଉଗ୍ରରୁପ ଧାରଣ କରିଛି।
ଜଣେ ଟିଏମସି କର୍ମୀଙ୍କ ହତ୍ୟା ପ୍ରତିବାଦରେ ଦୁର୍ବୁତ୍ତମାନେ କେତେକ ଘରେ ନିଆଁ ଲଗାଇ ଦେଇଛନ୍ତି ଯାହା ଫଳରେ ଅତି କମରେ ୧୦ ଜଣ ପୋଡ଼ି ମରିବାର ସୂଚନା ମିଳିଛି। ପଶ୍ଚିମବଙ୍ଗର ବିରଭୁମ୍ ଜିଲ୍ଲାରେ ଥିବା ରାମପୁର ହାଟ ଗାଁରେ ଘଟିଛି ଏହି ଅଭାବନୀୟ କାଣ୍ଡ।
ଏହାକୁ ନେଇ ସେଠାରେ ଏବେ ଉତ୍ତେଜନାପୂର୍ଣ୍ଣ ରହିଛି ପରିସ୍ଥିତି। ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ଇସ୍ତଫା ଦାବି କରା ଯାଇଥିବା ବେଳେ କେନ୍ଦ୍ର ଗୃହମନ୍ତ୍ରୀଙ୍କୁ ଭେଟି ଘଟଣା ବାବଦରେ ଆଭିଯୋଗ କରିଛନ୍ତି ବଙ୍ଗଳାର ବିଜେପି ସାଂସଦ।
ସୁବର୍ଣ୍ଣପୁର: ମାହୁନ୍ତକୁ କଚାଡି ହାତୀ ଫେରାର । ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ଧନୁଯାତ୍ରାରେ ଅଘଟଣ । ଧନୁଯାତ୍ରାରେ ସାମିଲ ଥିବା ହାତୀ ମାହୁନ୍ତକୁ କଚାଡି ଫେରାର ମାରିଥିବା ସୂଚନା ରହିଛି । ତେବେ ମାହୁନ୍ତ ଜଣକ ସୁରକ୍ଷିତ ଥିବା ଜଣାପଡିଛି । ହାତୀଟି ଗାଁ ମୁହାଁ ହୋଇଥିବା ସୂଚନା ମିଳିଛି ।
ଆଜି ଧନୁଯାତ୍ରାର ଚତୁର୍ଥ ରଜନୀ । କଂସ ମହାରାଜକୁ ହାତୀ ନେଇଥିବାବେଳେ ହଠାତ୍ ହାତୀଟି ପଳାଇବାରେ ଲାଗିଥିଲା । ମାହୁନ୍ତ ଜଣକ ହାତୀକୁ ନିୟନ୍ତ୍ରଣ କରିବା ପାଇଁ ଚେଷ୍ଟା କରିଥିଲେ ହେଁ ହାତୀ ଟି ନିୟନ୍ତ୍ରଣ ହରାଇ ମାହୁନ୍ତକୁ କଚାଡି ଦୌଡ଼ି ପଳେଇ ଥିଲା । ତେବେ ଅନ୍ଧାର ହୋଇଥିବାରୁ ହାତୀକୁ ଖୋଜିବାରେ ବାଧା ସୃଷ୍ଟି ହୋଇଛି । ବର୍ତ୍ତମାନ ପର୍ଯ୍ୟନ୍ତ ହାତୀର ସନ୍ଧାନ ମିଳି ପାରି ନାହିଁ । ଏବେ ସମସ୍ତେ ହାତୀଟିକୁ ଖୋଜିବାରେ ଲାଗିଥିବାବେଳେ ଯାତ୍ରା ମଧ୍ୟ ବାଧାପ୍ରାପ୍ତ ରହିଛି ।
ଆହୁରି ପଢନ୍ତୁ ଓଡିଶା ଖବର...
