ରାଜ୍ୟସଭାରେ ସଂସଦୀୟ ଦଳ ନେତା ପ୍ରସନ୍ନ ଆଚାର୍ଯ୍ୟ ଆଜି ରାଷ୍ଟ୍ରପତିଙ୍କ ଅଭିବାଦନର ଧନ୍ୟବାଦ ପ୍ରସ୍ତାବ ଆଲୋଚନା ସମୟରେ ମଧ୍ୟ ଏହି ପ୍ରସଙ୍ଗ ଉଠାଇଥିଲେ। ବର୍ଷ ସାରା ଏବଂ ରଥଯାତ୍ରା ସମୟରେ ବିଦେଶରୁ ବିପୁଳସଂଖ୍ୟକ ଯାତ୍ରୀ ଆସୁଥିବାରୁ ପୁରୀରେ ଏକ ଅନ୍ତର୍ଜାତୀୟ ବିମାନ ବନ୍ଦର ସ୍ଥାପନ କରିବା ନିମନ୍ତେ ଓଡ଼ିଶା ସରକାର କରିଥିବା ଦାବି କଥା ସରକାର ବିଚାର କରିବେ କି, ନାହିଁ ବୋଲି ସାଂସଦ ସୁଜିତ କୁମାର ଏକ ପ୍ରଶ୍ନର କରିଥିଲେ।
ରାଜ୍ୟ ସରକାରଙ୍କ ଯୋଗାଇ ଦେଇଥିବା ତଥ୍ୟାବଳୀ ଆଧାରରେ ଉପରୋକ୍ତ ସ୍ଥାନର ପ୍ରାକ୍-ବ୍ୟବହାରିକ ଅଧ୍ୟୟନ କରିବା ଲାଗି ‘ଭାରତୀୟ ବିମାନ ବନ୍ଦର କର୍ତ୍ତୃପକ୍ଷ’ଙ୍କୁ ନିର୍ଦେଶ ଦିଆଯାଇଥିବା ଜଣାପଡିଛି। ପୁରୀ ସହରକୁ ଲାଗି ଖଣ୍ଡେ ଜମି ଚିହ୍ନଟ କରିବା ସହ ସେଠାରେ ଏକ ଅନ୍ତର୍ଜାତୀୟ ବିମାନ ବନ୍ଦର ସ୍ଥାପନ କରିବା ଲାଗି ଓଡ଼ିଶା ସରକାର ଭାରତ ସରକାରଙ୍କୁ ଅନୁରୋଧ କରିଥିଲେ। ଏ ନେଇ ନିକଟରେ ବେସାମରିକ ବିମାନ ଚଳାଚଳ ସଚିବ ଓଡ଼ିଶା ରାଜ୍ୟସରକାରଙ୍କ ଅଧିକାରୀ, ଭାରତୀୟ ବିମାନ ବନ୍ଦର କର୍ତ୍ତୃପକ୍ଷ, ଏବଂ ଡାଇରେକ୍ଟୋରେଟ୍ ଜେନେରାଲ୍ ଅଫ୍ ସିଭିଲ୍ ଆଭିଏସନ୍ଙ୍କ ମଧ୍ୟରେ ଏକ ବୈଠକ ହୋଇଥିଲା।
