ଅଟୋରେ ହ୍ୟାଣ୍ଡୱାସିଂ ୟୁନିଟ୍‌, ଭିଡିଓ ସେୟାର କରି ପ୍ରଶଂସା କଲେ ଆନନ୍ଦ ମହିନ୍ଦ୍ରା

ଅଟୋରେ ହ୍ୟାଣ୍ଡୱାସିଂ ୟୁନିଟ୍‌, ଭିଡିଓ ସେୟାର କରି ପ୍ରଶଂସା କଲେ ଆନନ୍ଦ ମହିନ୍ଦ୍ରା

by Aryan Cross

ନୂଆଦିଲ୍ଲୀ: ସାରା ବିଶ୍ୱରେ ଏବେ କରୋନା ମହାମାରୀର ଭୟ । ଏଭଳି ଏକ ମୁହୂର୍ତ୍ତରେ ପ୍ରତ୍ୟେକ ବ୍ୟକ୍ତି ଏହି ମହାମାରୀ ପାଖରୁ ନିଜକୁ ଦୂରେଇ ରଖିବା ପାଇଁ ବିଭିନ୍ନ ପ୍ରକାର ପଦକ୍ଷେପ ଗ୍ରହଣ କରୁଛନ୍ତି । ବିଶେଷ କରି ହାତ ସଫା ରଖିବା ପାଖରୁ ଆରମ୍ଭ କରି ମୁହଁରେ ମାସ୍କ ପିନ୍ଧିବା ପର୍ଯ୍ୟନ୍ତ ସମସ୍ତ ପ୍ରକାର ଗାଇଡଲାଇନ ମାନୁଛନ୍ତି ଲୋକେ । ଏଭଳି ସମୟରେ ଯଦି କେହି ନିଜର ଆଉ ତା ସଙ୍ଗେସଙ୍ଗେ ଅନ୍ୟମାନଙ୍କର ସୁରକ୍ଷା ଚିନ୍ତା କରି କିଛି ନୂଆ ଆବିଷ୍କାର କରୁଛି ତାଙ୍କୁ ସଙ୍ଗେସଙ୍ଗେ ପ୍ରଶଂସା କରାଯାଉଛି । ସେ ପୁଣି ଅନଲାଇନରେ ।

ଠିକ୍‌ ସେହିଭଳି ମୁମ୍ବାଇର ଏକ ଅଟୋ ଏବେ ହ୍ୟାଣ୍ଡୱାସିଂ ୟୁନିଟରେ ପରିଣତ ହୋଇଛି । ଏଥିରେ ୱାସ୍‌ବେସିନ୍‌, ଡଷ୍ଟବିନ୍‌ ମଧ୍ୟ ଖଞ୍ଜାଯାଇଛି କୌଣସି ପ୍ରକାର ମଇଳା କିମ୍ବା ଧୂଳିରୁ ବର୍ତ୍ତିପା ପାଇଁ ।

ବର୍ତ୍ତମାନ ସମୟରେ ବିଜନେସ୍‌ ଟାଇକୁନ୍‌ ଆନନ୍ଦ ମହିନ୍ଦ୍ରା ଏପରି କିଛି ଫଟୋ ଓ ଭିଡିଓ ସେୟାର କରୁଛନ୍ତି ଯାହାକି ଭାରତୀୟଙ୍କ ସୃଜନଶୀଳତାକୁ ବୁଷ୍ଟ କରିବାରେ ସହାୟକ ହେବ । ସେ ମଧ୍ୟ ଏହି ଅଟୋର ଭିଡିଓ ସେୟାର କରିଛନ୍ତି । ଲେଖିଛନ୍ତି, ‘କୋଭିଡ 19ର ଏମିତି ମଧ୍ୟ ଏକ ଦିଗ ରହିଛି ଯାହାକି ସ୍ୱଚ୍ଛ ଭାରତ ନିର୍ମାଣ ଆଡ଼କୁ ଗତି ତୀବ୍ର କରୁଛି ।’

One silver lining of Covid 19 is that it’s dramatically accelerating the creation of a Swachh Bharat...!! pic.twitter.com/mwwmpCr5da
— anand mahindra (@anandmahindra) July 10, 2020

ଏହି ଭିଡିଓରେ ଅଟୋର ଭିତରପାର୍ଶ୍ୱ ଦେଖିବାକୁ ମିଳୁଥିବା ବେଳେ ବାହାରେ ‘ବିଏମସି କୋଭିଡ 19 ହେଲ୍ପଲାଇନ୍‌’ ବୋଲି ଲେଖାଯାଇଛି । ଏହାସହ ସାର୍ସ ଭୂତାଣୁ ବ୍ୟାପିବାକୁ ବନ୍ଦ କରିବା ପାଇଁ ମଧ୍ୟ ରହିଛି ସୂଚନା । ତେବେ ଏଭଳି ଏକ ପ୍ରୟାସକୁ ବହୁ ପ୍ରଶଂସା କରାଯାଇଛି । ଟ୍ୱିଟ୍‌ରରେ ଏହି ଭିଡିଓ ଏବେ ଭାଇରାଲ ହେବାରେ ଲାଗିଛି ।

Safety, Responsibility, Innovatibility. Ahead of the Challenging Curve. https://t.co/b87jePRED6
— Pankaj Thapliyal (@PankajT04765688) July 10, 2020

Tempo driver has done a very good job, we should all learn from this.Thanks a lot.??????
— Vivekanand Rai (@Vivekanandrai96) July 10, 2020

ଅଦା ତୁଳସୀ କାଢା

by Smruti Parija

ଅର୍ଗସ ବ୍ୟୁରୋ: କାଢା । ସାଧାରଣତଃ ଥଣ୍ଡା ହେଲେ ବିଭିନ୍ନ ପ୍ରକାରର କାଢା ବନାଇ ଲୋକେ ପିଇଥାନ୍ତି । ତେବେ ଆଜି ଆମେ ଆପଣଙ୍କୁ ଏକ ଏମିତି କାଢା ବିଷୟରେ କହିବୁ ଯାହାକୁ ବନାଇବା ଅତି ସହଜ ଆଉ ସୁଆଦିଆ ।

ସାମଗ୍ରୀ- ଅଦା, ଗୋଲମରିଚ, ଡାଲଚିନି,ଲବଙ୍ଗ,ମହୁ,ତୁଳସୀ ପତ୍ର

ପ୍ରସ୍ତୁତି ପ୍ରଣାଳୀ- ପ୍ରଥମେ ଏକ ପାତ୍ରରେ କିଛି ପାଣି ନେବେ । ପାଣି ଫୁଟି ଆସିଲେ ସେଥିରେ ଅଦା ଛେଚା, ଗୋଲମରିଚ, ଡାଲଚିନି, ଲବଙ୍ଗ, ଅଳ୍ପ ମହୁ ଓ ତୁଳସୀ ପତ୍ର ପକାଇ ଫୁଟାଇବେ । ଭଲ ଭାବରେ ଫୁଟି ଆସିଲେ ତାକୁ ଛାଣି ପିଇବେ । ତେବେ ଥଣ୍ଡା ସମୟରେ ଏହାକୁ ପିଇବା ଦ୍ୱାରା ଆରାମ ମିଳିଥାଏ ।

ଫାଇଦା-

- ତୁଳସୀରେ ଭିଟାମିନ ସି ଏବଂ ଜିଙ୍କ୍ ଥାଏ । ଏହା ପଇବା ଦ୍ୱାରା ଶରୀରରେ ରୋଗ ପ୍ରତିରୋଧକ ଶକ୍ତି ବଢିଥାଏ ।
- ଯେଉଁମାନଙ୍କ ଥଣ୍ଡା, କାଶ ହେଉଥିବା ତୁଳସୀ କାଢା ପିଇବା ଦ୍ୱାରା ଆରାମ ମିଳିଥାଏ ।
- ହୃଦ ଜନିତ ସମସ୍ୟାରୁ ମଧ୍ୟ ମୁକ୍ତି ଦିଏ ତୁଳସୀ କାଢା ।

ଓ୍ବାହିଦା ରେହମାନଙ୍କୁ ମିଳିବ `ଦାଦାସାହେବ ଫାଲକେ' ପୁରସ୍କାର

by Ritu Das

ଅର୍ଗସ ବ୍ୟୁରୋ: ବଲିଉଡର ଭେଟେରାନ ଅଭିନେତ୍ରୀ ଓ୍ବାହିଦା ରେହମାନଙ୍କୁ ଦାଦାସାହେବ ଫାଲକେ ପୁରସ୍କାରରେ ସମ୍ମାନିତ କରାଯିବ। ଓ୍ବାହିଦା ସେ ସମୟରେ ଜଣେ ଲିଡିଂ ଅଭିନେତ୍ରୀ ଥିଲେ। ଫିଲ୍ମ ପ୍ୟାସା, କାଗଜ କେ ଫୁଲ, ଚୌଦବୀ କା ଚାନ୍ଦ ଏବଂ ଗାଇଡ ଭଳି ଫିଲ୍ମରେ ଲିଡ ରୋଲରେ କାମ କରିଥିଲେ।

I feel an immense sense of happiness and honour in announcing that Waheeda Rehman ji is being bestowed with the prestigious Dadasaheb Phalke Lifetime Achievement Award this year for her stellar contribution to Indian Cinema.

Waheeda ji has been critically acclaimed for her… — Anurag Thakur (@ianuragthakur) September 26, 2023

ଏନେଇ ସୂଚନା ଓ ପ୍ରସାରଣ ମନ୍ତ୍ରୀ ଅନୁରାଗ ଠାକୁର ଏହି ଘୋଷଣା କରିଛନ୍ତି ଏବଂ ନିଜ ଖୁସି ଜାହିର କରିଛନ୍ତି। ଅନୁରାଗ ଲେଖିଛନ୍ତି ଚଳିତବର୍ଷ ଦାଦା ସାହେବ ଫାଲକେ ଲାଇଫଟାଇମ ଆଚିଭମେଣ୍ଟ ପୁରସ୍କାର ଦିଆଯିବ କାରଣ ଓ୍ବାହିଦାଜୀଙ୍କର ବଲିଉଡ ତଥା ହିନ୍ଦୀ ସିନେମା ପ୍ରତି ଥିଲା ଅନନ୍ୟ ଯୋଗଦାନ। ମୁଁ ଏହି ପୁରସ୍କାରର ଘୋଷଣା କରିଥିବାରୁ ଅତ୍ୟନ୍ତ ଖୁସି।

ଅଧିକ ପଢ଼ନ୍ତୁ ମନୋରଞ୍ଜନ ଖବର

ଯୌତୁକ,ମାନସିକ ଓ ଶାରୀରିକ ନିର୍ଯାତନା ଦେଇ ଜୀବନରୁ ମାରି ଦେଇଥିବା ଅଭିଯୋଗ

by Swayangprajna Mishra

ଭଦ୍ରକ : ମହିଳାଙ୍କୁ ଯୌତୁକ,ମାନସିକ ଓ ଶାରୀରିକ ନିର୍ଯାତନା ଦେଇ ଶେଷରେ ଜୀବନରୁ ମାରି ଦେଇଥିବା ଅଭିଯୋଗ ହୋଇଛି. ଏପରି ଅଭିଯୋଗ ଆସିଛି ଭଦ୍ରକ ଜିଲ୍ଲା ସାବରଙ୍ଗ ଥାନା ଅଧିନସ୍ଥ ଏରଡ଼ା ଗ୍ରାମରୁ. ଏହି ଗ୍ରାମର ଦେବାଶିଷ ବେହେରାଙ୍କ ଝିଅ ମଧୁସ୍ମିତା ପଗଡ଼ ଗ୍ରାମର ପ୍ରଭଞ୍ଜନ ଦାସ ମହାପାତ୍ର ଙ୍କୁ 3 ବର୍ଷ ତଳେ ବିବାହ କରିଥିଲେ. ବିବାହ ବେଳେ ଯୌତୁକ ଟଙ୍କା ଓ ସୁନା ଅଳଙ୍କାର ପ୍ରଦାନ କରିଥିଲେ କନ୍ୟା ପକ୍ଷ. ତେବେ ବିବାହର କିଛି ମାସ ପରେ ତାଙ୍କ ଶଶୁର ଘର ଲୋକ ଓ ପ୍ରଭଞ୍ଜନ ମିଶି ମଧୁସ୍ମିତାଙ୍କୁ ଶାରୀରିକ ଓ ମାନସିକ ନିର୍ଯାତନା ଦେଉଥିଲେ.ତେବେ ହଠାତ ମଧୁସ୍ମିତା ମୃତ୍ୟୁ ବରଣ କରିଥିବା ତାଙ୍କ ଘର ଲୋକଙ୍କୁ ଖବର ଦିଆଯାଇ ଥିଲା.

ଅଧିକ ପଢନ୍ତୁ : ଝିଅକୁ ମାନସିକ, ଶାରୀରିକ ନିର୍ଯାତନା ଦେଉଥିଲେ ଶାଶୁଘର

ଘର ଲୋକ ପହଞ୍ଚି ଦେଖନ୍ତି ଯେ ମଧୁସ୍ମିତାଙ୍କୁ ସୁପରି କଳ୍ପିତ ଭାବେ ହତ୍ୟା କରାଯାଇଛି ବୋଲି ତାଙ୍କ ବାପା ଅଭିଯୋଗ କରିଛନ୍ତି . ତାଙ୍କ ଦେହରେ ଦାଗ ରହିଛି କିନ୍ତୁ ଖଟ ଉପରେ ପଡିଛନ୍ତି. ତେଣୁ ସେମାନେ ସାବରଙ୍ଗ ପୋଲିସ ପାଖରେ ଅଭିଯୋଗ କରିବା ପରେ ପୋଲିସ ଘଟଣା ସ୍ଥଳରେ ପହଞ୍ଚି ଶବଟିକୁ ଉଦ୍ଧାର କରି ବ୍ୟବଛେଦ ପାଇଁ ଭଦ୍ରକ ଡାକ୍ତରଖାନାକୁ ପଠାଇବା ସହିତ ତଦନ୍ତ ଆରମ୍ଭ କରିଛି. ମୃତ ମଧୁସ୍ମିତା ଙ୍କର ଗୋଟିଏ 2 ବର୍ଷର ପୁଅ ଥିବାରୁ ଏହି ଘଟଣା ଏବେ ସେଠାରେ ଏକ ଦୁଖଦଃ ପରିସ୍ଥିତି ସୃଷ୍ଟି କରିଛି. ତେବେ ମୃତ ମଧୁସ୍ମିତା ଙ୍କ ମୃତ୍ୟୁ ହତ୍ୟା ନା ଆତ୍ମହତ୍ୟା ତାହା ପୋଲିସ ତଦନ୍ତ ପରେ ଜଣା ପଡିବ. ଅନ୍ୟପଟେ ସାବରଙ୍ଗ ପୋଲିସ ମୃତ ମଧୁସ୍ମିତା ଙ୍କ ସ୍ୱାମୀ ଙ୍କୁ ଥାନାରେ ଅଟକ ରଖି ଅଧିକ ତଦନ୍ତ ଚଳାଇଛି ବୋଲି ସାବରଙ୍ଗ ପୋଲିସ ପକ୍ଷରୁ ସୂଚନା ମିଳିଛି.