ଭିକେ ସିଂହଙ୍କ କଟାକ୍ଷ, କହିଲେ ମଶା କାମୁଡିଲେ ହିଟ୍ ଲଗାଏ, କେତେ ମଲେ କାହିଁକି ଗଣିବି ?

ନୂଆଦିଲ୍ଲୀ: ପୁଲୱାମା ହମଲା ଓ ଏହାପରେ ପିଓକେରେ ଭାରତୀୟ ବାୟୁସେନାର ଏୟାରଷ୍ଟ୍ରାଇକ୍ ଘଟଣା ଲୋକଙ୍କ ମନରୁ ନଲିଭୁଣୁ ଏହାକୁ ନେଇ ରାଜନୀତି ଆରମ୍ଭ ହୋଇଛି । ନିର୍ବାଚନୀ ଫାଇଦା ପାଇଁ ମୋଦି ସରକାର ଜାଣିଶୁଣି ଏଭଳି ଏୟାରଷ୍ଟ୍ରାଇକ୍ କରିଥିବା ବିରୋଧୀମାନେ ଅଭିଯୋଗ ଆଣିଛନ୍ତି । ଆରୋପ-ପ୍ରତ୍ୟାରୋପ ଓ ବୟାନବାଜି ଭିତରେ ବୈଦେଶିକ ରାଷ୍ଟ୍ରମନ୍ତ୍ରୀ ଭି.କେ ସିଂହ ନିଜର ମନ୍ତବ୍ୟ ଦେଇଛନ୍ତି ।

रात ३.३० बजे मच्छर बहुत थे,

तो मैंने HIT मारा। अब मच्छर कितने मारे, ये गिनने बैठूँ, या आराम से सो जाऊँ? #GenerallySaying — Vijay Kumar Singh (@Gen_VKSingh) March 6, 2019

ବୈଦେଶିକ ମନ୍ତ୍ରୀ ଜେନେରାଲ ଭିକେ ସିଂହ ଏକ ଟ୍ୱିଟ ସେୟାର କରିଛନ୍ତି । ସେ ଏକ ଜୋକ୍ ସେୟାର କରି ଲେଖିଛନ୍ତି କି, ଯଦି ମୁଁ ରାତିରେ ମଶା ମାରି ଶୁଏ ତେବେ ସକାଳୁ ଉଠି ମୁଁ ମଶା ଗଣେ ନାହିଁ ।  ଗତକାଲି ମଧ୍ୟ ସେ ଆଉ ଏକ ଟ୍ୱିଟ୍ କରି ବିପକ୍ଷଙ୍କୁ ପରାମର୍ଶ ଦେଇଛନ୍ତି କି, ସେଠାକୁ ଯାଇ ପରିଦର୍ଶନ କରି ନିଅନ୍ତୁ ଏବଂ ଗଣିଆସନ୍ତୁ । ପଚାରିଲେ କିଛି ଲାଭ ମିଳିବ ନାହିଁ । ତେଣୁ ବିପକ୍ଷଙ୍କ ପାଇଁ ଏହା ଏକ ମାତ୍ର ରାସ୍ତା ବୋଲି କହିଛନ୍ତି ଭି.କେ ସିଂହ ।

ସୂଚନାଯୋଗ୍ୟ, ଭାରତୀୟ ବାୟୁସେନା ବାଲାକୋଟ ଯାଇ ସେଠାରେ ଏୟାରଷ୍ଟ୍ରାଇକ୍ କରିଥିଲା । ଏଥିରେ 250ରୁ ଅଧିକ ଆତଙ୍କବାଦୀଙ୍କର ମୃତ୍ୟୁ ହୋଇଥିବା କୁହାଯାଇଥିଲା । ମାତ୍ର ବିଭିନ୍ନ ରାଜନୈତିକ ଦଳ ଏହା ଉପରେ ପ୍ରଶ୍ନ ଉଠାଇଛନ୍ତି ।