ଅର୍ଗସ ବ୍ୟୁରୋ: ହିମାଚଳ ପ୍ରଦେଶର ବିଧାନସଭା ନିର୍ବାଚନ ପାଇଁ ଶନିବାର ସକାଳ ୮ଟାରେ ଭୋଟଗ୍ରହଣ ଆରମ୍ଭ ହୋଇଛି। ଏହା ସନ୍ଧ୍ୟା ୫ଟା ପର୍ଯ୍ୟନ୍ତ ଚାଲିବ। ଏଠାରେ ସମସ୍ତ ୬୮ ଆସନ ଲାଗି ଗୋଟିଏ ପର୍ଯ୍ୟାୟରେ ମତଦାନ ହେଉଛି। ଏଥିରେ ୪୧୨ ଜଣ ପ୍ରାର୍ଥୀଙ୍କ ଭାଗୀ ପରୀକ୍ଷା ଆଜି ହେବ। ୫୫.୯୨ ଲକ୍ଷ ଲୋକ ସେମାନଙ୍କ ଭାଗ୍ୟ ନିର୍ଦ୍ଧାରଣ କରିବେ। ଡିସେମ୍ବର ୮ରେ ଏହାର ଫଳାଫଳ ଘୋଷଣା କରାଯିବ।
ମତଦାନ ପୂର୍ବରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଟ୍ବିଟ କରି ସମସ୍ତ ରାଜ୍ୟବାସୀଙ୍କୁ ଅଧିକରୁ ଅଧିକ ଭୋଟ ଦେବାକୁ ଅପିଲ କରିଛନ୍ତି। ଏହାସହ ଦେବଭୂମିର ସମସ୍ତ ଜନତାଙ୍କୁ ଭୋଟ ଦେବାକୁ ଅନୁରେଧ କରିଛନ୍ତି। ଅନ୍ୟପଟେ ପ୍ରଥମଥର ଲାଗି ଭୋଟ ଦେଉଥିବା ଯୁବବର୍ଗଙ୍କୁ ବି ଶୁଭେଚ୍ଛା ଜଣାଇଛନ୍ତି।
ଭୋଟ ଦେବାପୂର୍ବରୁ ହିମାଚଳ ପ୍ରଦେଶର ମୁଖ୍ୟମନ୍ତ୍ରୀ ଜୟରାମ ଠାକୁର, ତାଙ୍କ ପତ୍ନୀ ସାଧନା ଠାକୁର ଦୁଇ ଝିଅ ଚନ୍ଦ୍ରିକା ଓ ପ୍ରିୟଙ୍କା ମନ୍ଦିର ଯାଇ ଈଶ୍ବରଙ୍କ ଆଶୀର୍ବାଦ ନେଇଛନ୍ତି। ମୁଖ୍ୟମନ୍ତ୍ରୀ ଠାକୁର କହିଛନ୍ତି ଆମେ ନିଶ୍ଚିତ ଜିତିବୁ।
ଭାରତ ଖବର ଆହୁରି ପଢ଼ନ୍ତୁ ।
ଅର୍ଗସ ବ୍ୟୁରୋ: ବିଜେଡିର 2014 ନିର୍ବାଚନ ପ୍ରତିଶ୍ରୁତି 2023ରେ ଆଉଟଡେଟେଡ୍ କେମିତି ? । ଶୀତଳ ଭଣ୍ଡାର ପ୍ରତିଶ୍ରୁତିର ବିଫଳତା ଢାଙ୍କିବାକୁ କୋଲ୍ଡ ଚେନ୍ ନାଁରେ ଭୂଆଁ ବୁଲାଇବାକୁ ରାଜ୍ୟ ସରକାରଙ୍କ ପ୍ରୟାସ । କୃଷି ବିଭାଗରେ କୌଣସି ହେରଫେର୍ ହୋଇପାରିବନି କହୁଛନ୍ତି କୃଷିମନ୍ତ୍ରୀ। ତାହେଲେ ରେମୁଣାରେ ବିଜେଡି ବିଧାୟକ କେମିତି ଲୁଟିଲେ ଚାଷୀଙ୍କ ସବସିଡି ଟଙ୍କା?
2014ରେ ବିଜେଡି ପକ୍ଷରୁ ଜାରୀ ଏହି ନିର୍ବାଚନ ଇସ୍ତାହାରକୁ ଭଲଭାବରେ ଦେଖନ୍ତୁ। ଶାସକ ଦଳ ପ୍ରତିଶ୍ରୁତି ଦେଇଥିଲା କୃଷି ଉତ୍ପାଦର ସଂରକ୍ଷଣ ପାଇଁ ସବୁ ବ୍ଲକରେ ପିପିପି ମୋଡରେ ପ୍ରତିଷ୍ଠା ହେବ ଶୀତଳ ଭଣ୍ଡାର। ଏବେ କୃଷି ମନ୍ତ୍ରୀ କହୁଛନ୍ତି ଶୀତଳ ଭଣ୍ଡାର ଆଉଟ୍ ଡେଟେଡ୍। 9 ବର୍ଷ ତଳେ ନିଜ ଦଳ ଦେଇଥିବା ପ୍ରତିଶ୍ରୁତି ଆଉଟ୍ ଡେଟେଡ୍ ଟେକ୍ନୋଲୋଜି ହୋଇଗଲା କେମିତି। ଏବେ କୃଷିମନ୍ତ୍ରୀ କହୁଛନ୍ତି ଆମେ କୋଲ୍ଡ ଚେନ୍ ବ୍ୟବସ୍ଥା କରୁଛୁ। ଚାଷୀଙ୍କୁ ପୁଣି ଭୁଆଁ ବୁଲାଇବାକୁ ବିଜେଡି ସରକାରଙ୍କର ଇଏ ଆଉ ଏକ ନୂଆ ଚାଲ କି।
ବିଜେପି ବିଧାୟକ ଗଣେଶରାମ ସିଂହ ଖୁଣ୍ଟିଆଙ୍କ ଏକ ପ୍ରଶ୍ନର ଉତ୍ତରରେ କୃଷିମନ୍ତ୍ରୀ ରଣେନ୍ଦ୍ର ପ୍ରତାପ ସ୍ବାଇଁ କହିଛନ୍ତି କୃଷି ବିଭାଗରେ ସବୁକିଛି ସ୍ବଚ୍ଛତାର ସହ ଚାଲିଛି। କୌଣସି ହେରଫେର ହୋଇପାରିବନି। ଯଦି ଏତେ ସ୍ବଚ୍ଛ କୃଷି ବିଭାଗ ତାହାହେଲ ତାଙ୍କ ଦଳ ରେମୁଣା ବିଧାୟକ ସୁଧାଂଶୁ ପରିଡ଼ାଙ୍କୁ ଜନବିରୋଧୀ କହି ଦଳରୁ ବହିଷ୍କାର କଲା କାହିଁକି। 18 କୋଟି ଟଙ୍କାର ଧାନ କଟା ମେସିନ ସବିସିଡି ଠକେଇରେ ଫସିଛନ୍ତି ରେମୁଣା ବିଧାୟକ ସୁଧାଂଶୁ ପରିଡ଼ା । ଭିଜିଲାନ୍ସ ମଧ୍ୟ ସୁଧାଂଶୁ 4 କୋଟି ଟଙ୍କା ଠକିଥିବା ତା ରିପୋର୍ଟରେ ଉଲ୍ଲେଖ କରିଛି। ସୁଧାଂଶୁଙ୍କ ବ୍ୟବସାୟିକ ସଂସ୍ଥା ନିଗମାନନ୍ଦ ଆସୋସିଏଟସ ଚାଷୀଙ୍କୁ ବିକିଥିଲା ମିଛ ଧାନକଟା ମେସିନ୍। ପ୍ରତି ଟ୍ରାକ୍ଟର ପିଛା 6 ଲକ୍ଷ ଟଙ୍କାର ସବସିଡି ହିସାବରେ ମୋଟ୍ 18 କୋଟି ବଡ଼ ଘୋଟାଲା ହୋଇଥିବା ଅଭିଯୋଗ ହୋଇଛି। ଏକଥା କଣ କୃଷିମନ୍ତ୍ରୀଙ୍କୁ ଜଣା ନାହିଁ।
ନିଜ ଦଳ ଓ ସରକାରର ଅପାରଗତା ଢାଙ୍କିବାକୁ କୃଷିମନ୍ତ୍ରୀ ଯେତେ ଭୁଆଁବୁଲାଇବାକୁ ପ୍ରୟାସ କଲେ ବି ପ୍ରମାଣ ସବୁକିଛି ସ୍ପଷ୍ଟ ଭାବେ ବୟାନ କରୁଛି।
ଅଧିକ ପଢ଼ନ୍ତୁ ଓଡ଼ିଶା ଖବର
ଅର୍ଗସ ବ୍ୟୁରୋ : ବିରୋଧୀ ଦଳ ବିଧାୟକଙ୍କୁ ଜନ ବିରୋଧୀ କହିବା ମୁଖ୍ୟମନ୍ତ୍ରୀଙ୍କୁ ପଡ଼ିଲା ମହଙ୍ଗା । ସିଏମଙ୍କ ବିରୋଧରେ ବିଧାନସଭାରେ ସ୍ବାଧୀକାର ଭଙ୍ଗ ନୋଟିସ ଆଣିଲା ବିଜେପି । ଦଳ କହିଲା ଲୋକଙ୍କ ଦ୍ବାରା ନିର୍ବାଚିତ ପ୍ରତିନିଧିଙ୍କୁ ଜନବିରୋଧୀ କହିବାର ମୁଖ୍ୟମନ୍ତ୍ରୀଙ୍କର ନାହିଁ କୌଣସି ଅଧିକାର । ବିରୋଧୀ ଦଳ ମୁଖ୍ୟ ସଚେତକ ପ୍ରଶ୍ନ କରିଛନ୍ତି ଯଦି ମୁଖ୍ୟମନ୍ତ୍ରୀ ପ୍ରଧାନମନ୍ତ୍ରୀଙ୍କ ପ୍ରଦର୍ଶନକୁ ୧୦ରୁ ୮ ନମ୍ବର ଦେଉଛନ୍ତି । ପ୍ରଧାନମନ୍ତ୍ରୀଙ୍କ ଦଳର ବିଧାୟକ କିପରି ହୋଇପାରିବେ ଜନବିରୋଧୀ । ଏଥିସହ ମୁଖ୍ୟମନ୍ତ୍ରୀଙ୍କ କ୍ଷମାପ୍ରାର୍ଥନା ଦାବି କରିଛନ୍ତି ମୋହନ ମାଝି ।
ଅଧିକ ପଢନ୍ତୁ ଓଡ଼ିଶା ଖବର
କଂଗ୍ରେସ ବିଧାୟକ ଦଳ ନେତା ବିଜେପି ମୁଖ୍ୟମନ୍ତ୍ରୀଙ୍କ ବିରୋଧରେ ଆଣିଥିବା ସ୍ବାଧୀକାର ଭଙ୍ଗ ନୋଟିସକୁ ସମର୍ଥନ କରିଛନ୍ତି । ନରସିଂହ ମିଶ୍ର କହିଛନ୍ତି ବିରୋଧୀ ଦଳଙ୍କ ପ୍ରତି ମୁଖ୍ୟମନ୍ତ୍ରୀଙ୍କ ଶବ୍ଦ ଅପମାନ ସୂଚକ । ଏହା ଚୋର ଓଲଟା କଟୁଆଳକୁ ଗାଳିଦେବା ପରି ଘଟଣା ବୋଲି କହିଛନ୍ତି ନରସିଂହ । ଅନ୍ୟପକ୍ଷରେ ମୁଖ୍ୟମନ୍ତ୍ରୀଙ୍କ ବିବୃତ୍ତିକୁ ଠିକ୍ ବୋଲି କହିଛି ବିଜେଡି ।
ଗୋଟିଏ ପଟେ ବିଭିନ୍ନ ପ୍ରସଙ୍ଗରେ ବିରୋଧୀଙ୍କ ଦାବି ସତ୍ତ୍ବେ ମୁଖ୍ୟମନ୍ତ୍ରୀ ଗୃହରେ ବିବୃତ୍ତି ରଖୁନଥିବା ବେଳେ କେଉଁ ଉଦ୍ଦେଶ୍ୟରେ ନିଜଆଡୁ ରଖିଲେ ବିବୃତ୍ତି । ମୁଖ୍ୟମନ୍ତ୍ରୀଙ୍କ ଏହି ବିବୃତ୍ତି ନିଜ ବ୍ୟକ୍ତିଗତ ସଚିବଙ୍କୁ ଘଣ୍ଟ ଘୋଡ଼ାଇବା ପାଇଁ ଉଦ୍ଧିଷ୍ଟ ବୋଲି ଅଭିଯୋଗ କରିଛନ୍ତି ବିରୋଧୀ । ମୁଖ୍ୟମନ୍ତ୍ରୀଙ୍କ କ୍ଷମାପ୍ରାର୍ଥନା ଦାବିରେ ଏବେ ନାଛୋଡବନ୍ଦା ବିଜେପି । ସେପେଟେ ନବୀଙ୍କ ବିବୃତ୍ତିକୁ ନେଇ ବ୍ୟାକଫୁଟରେ ଥିବା ଶାସକ ଦଳର ପରବର୍ତ୍ତୀ ରଣନୀତି ଉପରେ ରହିଛି ସଭିଙ୍କ ନଜର ।
ଅର୍ଗସ ବ୍ୟୁରୋ: ଧାନର MSPକୁ ନେଇ ପୁଣି ତେଜିଲା ରାଜନୀତି । କୁଇଣ୍ଟାଲ ପିଛା 2 ହଜାର183 ଟଙ୍କା କେନ୍ଦ୍ର ଦେଉଥିବାବେଳେ ରାଜ୍ୟ ସରକାରଙ୍କ ଅବଦାନ କ'ଣ ? ଖରିଫରେ 500 ଟଙ୍କା ବୋନସ ଦେବା ନେଇ ବିଜେପିର ପ୍ରଶ୍ନକୁ ଏଡାଇ ଗଲେ ରାଜ୍ୟ ସରକାର । ନିଜ ମୁଣ୍ଡରୁ ଦାୟିତ୍ବ ଖସାଇ କେନ୍ଦ୍ର କୋର୍ଟକୁ ବଲ୍ ଫିଙ୍ଗିଛନ୍ତି କୃଷିମନ୍ତ୍ରୀ।
ଜୋର ଧରିଲା ଧାନ ଦର ବୃଦ୍ଧି ରାଜନୀତି । ଏମଏସପି ଉପରେ ବୋନସ ଦେବେ କହି କେମିତି ଭୁଲି ଗଲେ ସରକାର ? ଚାଷୀ ଉତ୍ତର ମାଗୁଥିବା ବେଳେ ବିରୋଧୀଙ୍କ ପ୍ରଶ୍ନର ଉତ୍ତର ବି ବାଆଁରେଇ ଦେଉଛନ୍ତି କୃଷି ମନ୍ତ୍ରୀ । 2016ରେ ବରଗଡ଼ ଜିଲ୍ଲା ସୋହେଲା ଠାରେ ଏକ ଚାଷୀ ସମାବେଶରେ ଖୋଦ୍ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଧାନର ସର୍ବନିମ୍ନ ସହାୟକ ମୂଲ୍ୟ ଉପରେ ଚାଷୀଙ୍କୁ 100 ଟଙ୍କା ବୋନସ ଦେବେ ।
ହେଲେ ଏ ଘୋଷଣାକୁ 7 ବର୍ଷ ବିତି ଯାଇଥିଲେ ସୁଦ୍ଧା ଚାଷୀଙ୍କୁ ବୋନସ ଦେଇନାହାନ୍ତି ରାଜ୍ୟ ସରକାର । ତେବେ ବିଧାନସଭାରେ ଧାମନଗର ବିଜେପି ବିଧାୟକ ସୂର୍ଯ୍ୟବଂଶୀ ସୂରଜ ଧାନର ସର୍ବ ନିମ୍ନ ସହାୟକ ମୂଲ୍ୟରେ ରାଜ୍ୟ ସରକାରଙ୍କ ଅବଦାନ ସମ୍ପର୍କରେ ପ୍ରଶ୍ନ କରିଥିଲେ । ଚଳିତ ଖରିଫ ବିକ୍ରୟ ଋତୁ ପାଇଁ ସରକାର ଧାନ କ୍ଵିଣ୍ଟାଲ ପିଛା ୫୦୦ ଟଙ୍କା ଦେବେ କି ନାହିଁ ସେ ସଂପର୍କରେ ପ୍ରଶ୍ନ କରିଥିଲେ ସୁରଜ । କିନ୍ତୁ ସୁରଜଙ୍କ ପ୍ରଶ୍ନକୁ ସଂପୂର୍ଣ୍ଣ ଏଡାଇ ଦେଇଛନ୍ତି କୃଷି ମନ୍ତ୍ରୀ। କିନ୍ତୁ ଅନ୍ୟପଟେ ଧାନର ସର୍ବନିମ୍ନ ସହାୟକ ମୂଲ୍ୟ 2930 ଟଙ୍କା କରାଯାଉ ବୋଲି ମଙ୍ଗଳବାର କେନ୍ଦ୍ର ବିରୋଧରେ ବଡ଼ ପାଟିରେ ନାରା ଦେଇଥିଲେ ବିଜେଡ଼ି ବିଧାୟକ । ଏହା ଚାଷୀଙ୍କ ପାଇଁ ଶାସକ ଦଳ ବିଧାୟକଙ୍କ କୁମ୍ଭୀର କାନ୍ଦଣା ବୋଲି କହିଛନ୍ତି ବିରୋଧୀ ।
2021ବେଳକୁ ଏମଏସପି 558 ଟଙ୍କା ବୃଦ୍ଧି ପାଇ 1868ରେ ପହଞ୍ଚିଥିଲା । ପୁଣି ବର୍ଷେ ପରେ ଏହା 72 ଟଙ୍କା ବଢି ହେଲା 1940 ଟଙ୍କା। 2022-23ରେ ରେ କେନ୍ଦ୍ର ସରକାର ଆଉ 100 ଟଙ୍କା ବୃଦ୍ଧି କରି ସର୍ବନିର୍ମ ସହାୟକ ମୁଲ୍ୟ 2040 ଟଙ୍କା କଲେ ଏଥର ଜୁନରେ ଆଉ 143 ଟଙ୍କା ବଢିବା ପରେ ଧାନର କୁଇଣ୍ଟାଲ ପିଛା ମୁଲ୍ୟ 2183 ଟଙ୍କାରେ ପହଁଞ୍ଚିଛି।
କିନ୍ତୁ ଓଡ଼ିଶାରେ ମଣ୍ଡି ଅବ୍ୟବସ୍ଥା, ଧାନ କିଣାରେ ମିଲରଙ୍କ ମନମାନୀ, ବ୍ୟାପକ କଟନୀ ଛଟନୀ ଏବଂ ଅଭାବୀ ବିକ୍ରି ଯୋଗୁଁ ଚାଷୀ କ୍ଷତି ସହୁଛନ୍ତି । ଯେଉଁଥିପାଇଁ ଓଡ଼ିଶା ଚାଷୀଙ୍କ ମାସିକ ଆୟ ମାତ୍ର 5 ହାଜର 112 ଟଙ୍କା । ଓଡ଼ିଶା ସବୁ ରାଜ୍ୟ ଭିତରେ ଚାଷୀଙ୍କ ଆୟ କ୍ଷେତ୍ରରେ ତଳ ଆଡୁ 2 ନମ୍ୱର।
ଅଧିକ ପଢ଼ନ୍ତୁ ରାଜନୀତି ଖବର
