ଅର୍ଗସ ବ୍ୟୁରୋ: ପ୍ରଧାନମନ୍ତ୍ରୀ ରାଷ୍ଟ୍ରୀୟ ବାଳ ପୁରଷ୍କାର-2020ର ମନୋନୟନ ପାଇଁ ମହିଳା  ଓ ଶିଶୁ ବିକାଶ ମନ୍ତ୍ରଣାଳୟ (ଡବ୍ଲୁସିଡି) ତରଫରୁ  ପ୍ରାର୍ଥୀପତ୍ର ଦାଖଲର ଶେଷ ତାରିଖକୁ  ସେପ୍ଟେମ୍ବର  30. 2019  ପର୍ଯ୍ୟନ୍ତ  ବୃଦ୍ଧି  କରାଯାଇଛି ।   ଅନଲାଇନ୍‌ ମାଧ୍ୟମରେ www.nic-wcd.nic.in ଓ୍ୱେବ ପୋର୍ଟାଲ୍‌ରେ  ଯୋଗ୍ୟ ପ୍ରାର୍ଥୀମାନେ ଆବେଦନ କରିପାରିବେ ।

ଦେଶର ପ୍ରତିଭାବାନ ଶିଶୁ, ବ୍ୟକ୍ତିବିଶେଷ  ଓ ପ୍ରତିଷ୍ଠାନ ମାନଙ୍କୁ ସମ୍ମାନିତ କରିବା ପାଇଁ ମହିଳା ଓ ଶିଶୁ  ବିକାଶ  ମନ୍ତ୍ରଣାଳୟ  ତରଫରୁ ପ୍ରଧାନମନ୍ତ୍ରୀ  ରାଷ୍ଟ୍ରୀୟ ବାଳ ପୁରଷ୍କାର ଆରମ୍ଭ କରାଯାଇଛି ।  ବାଳ ଶକ୍ତି ଓ ବାଳ କଲ୍ୟାଣ  ଆଦି ଦୁଇଟି ବର୍ଗରେ ଏହି ପୁରସ୍କାର  ପ୍ରଦାନ କରାଯାଇଥାଏ ।

ବାଳ ଶକ୍ତି ପୁରଷ୍କାରର ଲକ୍ଷ୍ୟ ହେଉଛି ନବୋନ୍ମେଷ, ପାଠପଢା,କଳା, ସଂସ୍କୃତି, ସମାଜସେବା ଓ ସାହସିକତା କ୍ଷେତ୍ରରେ  ଅସାଧାରଣ ସଫଳତା ହାସଲ କରିଥିବା  ପିଲାମାନଙ୍କୁ ସ୍ୱୀକୃତି ପ୍ରଦାନ  କରିବା ।  ସେହିପରି  ଶିଶୁ ବିକାଶ, ଶିଶୁ ସୁରକ୍ଷା ଓ ଶୁଶି କଲ୍ୟାଣ କ୍ଷେତ୍ରରେ ସେବା କାର୍ଯ୍ୟ କିରିଥିବା ବ୍ୟକ୍ତିବିଶେଷ  ଓ ଅନୁଷ୍ଠାନମାନଙ୍କୁ ସ୍ୱୀକୃତି ପ୍ରଦାନ ସ୍ୱରୂପ  ବାଳ କଲ୍ୟାଣ ପୁରସ୍କାର ପ୍ରଦାନ କରାଯାଇଥାଏ ।www.nic-wcd.nic.in ରେ ପୁରସ୍କାର ସମ୍ବନ୍ଧୀୟ ସମ୍ପୂର୍ଣ୍ଣ ନିର୍ଦ୍ଦେଶାବଳୀ ରହିଛି । ଏହି ପୁରସ୍କାର ପ୍ରତିବର୍ଷ ସାଧାରଣତନ୍ତ୍ର ଦିବସର ପୂର୍ବ ସପ୍ତାହରେ ରାଷ୍ଟ୍ରପତିଙ୍କ  ଦ୍ୱାରା ପ୍ରଦାନ କରାଯାଇଥାଏ ।