What do these senior cricketers say about Dhoni?

ମାହି........ନାଁ ନୁହେଁ ତ ଇମୋସନ. କେତେବେଳେ ସେ ଲିଜେଣ୍ଡ ମାହି, ତ କେତେବେଳେ ସେ ଥାଲା ମାହି . ମୈଦାନକୁ ଆସିଲେ କ୍ରିକେଟ ପ୍ରେମୀଙ୍କ ଆଖିରେ ପଲକ ପଡେନି. ବସିବା ସ୍ଥାନରୁ ହଠାତ ଛିଡା ହୋଇ ଯାଆନ୍ତି ଦର୍ଶକ . ଆଉ କୁହନ୍ତି, ମାହି, ଆ ରାହା ହେ....
ମହେନ୍ଦ୍ର ସିଂ ଧୋନି .. ଯାହାଙ୍କ ହେଲିକ୍ୟାପଟର ସଟର ଦିୱାନା ପ୍ରତ୍ୟେକ କ୍ରିକେଟ ପ୍ରେମୀ . ବ୍ୟାଟିଂ ବେଳେ କରତାଳିରେ କମ୍ପୁଥାଏ ପୁରା ଷ୍ଟାଡିଅମ .
 ମାହିଙ୍କୁ ନେଇ କେତେ କାହାଣୀ, ପୁଣି କେତେ ଚର୍ଚ୍ଚା. ଆଜି ସେଇ ଚର୍ଚ୍ଚିତ ନାୟକଙ୍କ ଜନ୍ମଦିନ. ଯାହାଙ୍କ ପାଇଁ ବିଭିନ୍ନ ମାହୋଲରୁ ଛୁଟିଛି ଶୁଭେଚ୍ଛାର ସୁଅ . ଜନ୍ମଦିନ ଅବସରରେ ମାହିଙ୍କୁ ନେଇ ଅନେକ ମହାନ କ୍ରିକେଟର ଜଣେଇଛନ୍ତି  ହୃଦୟସ୍ପର୍ଶୀ ବାର୍ତ୍ତା..ଶୁଣନ୍ତୁ ଧୋନିଙ୍କୁ ନେଇ ସେମାନେ କଣ କୁହନ୍ତି..
ଇୟାନ ବିଶପ
ପୂର୍ବତନ କ୍ରିକେଟର ତଥା କ୍ରିକେଟ କମେଣ୍ଟର ଇୟନ ବିଶପ କହିଛନ୍ତି, ଯଦି ଧୋନି ବ୍ୟାଟିଂ କରିବା ବେଳେ ଲାଷ୍ଟ ଓଭରରେ ୧୫ ରନ କରିବାକୁ ପଡେ, ସେତେବେଳେ ପ୍ରେସର ବୋଲର ଉପରେ ଆସେ, ଧୋନିଙ୍କ ଉପରେ ନୁହେଁ.
ସୁନିଲ ଗାଭାଷ୍କର
ଯେତେବେଳେ ମୋର ମୃତ୍ୟୁର ସମୟ ଆସିବ ସେତେବେଳେ ମୋର ଶେଷ ଇଚ୍ଛା ଭାବେ ମୁଁ ଧୋନି ୨୦୧୧ ୱାଲ୍ଡ କପରେ ମାରିଥିବା ଶେଷ ଛକା ଦେଖିବାକୁ ଚାହିଁବି. 
ସଚ୍ଚିନ ତେନ୍ଦୁଲକର
ମୁଁ ଖେଳିଥିବା ଅନେକ କ୍ୟାପଟେନଙ୍କ ଭିତରେ ଧୋନି ହେଉଛନ୍ତି ଜଣେ ବେଷ୍ଟ କ୍ୟାପଟେନ. 
କପିଲ ଦେବ
ଧୋନି ହେଉଛନ୍ତି ମୋ ହିରୋ. ମୁଁ ଅନେକ ବିଶିଷ୍ଟ ଖେଳାଳୀ ମାନଙ୍କ ସହ କଥା ହୋଇଛି, ହେଲେ ଧୋନୀ ଭିତରେ ଯେଉଁ ଟ୍ୟାଲେଣ୍ଟ ଅଛି , ତାହା ଆଉ କୌଣସି କ୍ରିକେଟର ଭିତରେ ନାହିଁ.
ରାହୁଲ ଦ୍ରାବିଡ
ସେ ହେଉଛନ୍ତି ଜଣେ ଭଲ ଲିଡର. ମୁଁ ସବୁବେଳେ ତାଙ୍କ ଦକ୍ଷତାକୁ ଖୁବ ପ୍ରଶଂସା କରେ. ଏବଂ କ୍ୟାପଟେନ ହିସାବରେ ସେ ନିଜ ଟିମକୁ ସବୁବେଳେ ବାଲାନ୍ସର ସହ ରଖନ୍ତି. 
ସୌରଭ ଗାଙ୍ଗୁଲି
ଧୋନି ହେଉଛନ୍ତି ଆମ ଦେଶର ସବୁଠୁ ବେଷ୍ଟ କ୍ୟାପଟେନ. ତାଙ୍କ ଖେଳ ରେକର୍ଡ ହିଁ ଏହି ପ୍ରମାଣ କରେ . 
ବିରାଟ କୋହଲି
ମୁଁ ଜାଣିନ ଲୋକମାନେ ତାଙ୍କୁ କାହିଁକି କୁହନ୍ତି , ଯେ ସେ କୌଣସି ଉତ୍ତରାଧିକାରୀ ଛାଡି ନାହାନ୍ତି. ସେ ହେଉଛନ୍ତି ଭାରତର ଜଣେ ସଫଳ କ୍ୟାପଟେନ. ଏବଂ ସେ ନିଜେ ନିଜର ଉତ୍ତରାଧିକାରୀ ଅଟନ୍ତି. 
ଆଦମ ଗୀଲକ୍ରିଷ୍ଟ
ଯେତେବେଳେ ମତେ କେହି ଜଣେ କୁହନ୍ତି, ମୁଁ ତୁମକୁ ହିଁ ଦେଖିବା ପାଇଁ ପଇସା ଦଉଛି, ସେତେବେଳେ ତାହା ମୋ ପାଇଁ ସବୁଠୁ ବଡ ପ୍ରୋତ୍ସାହନ ଅଟେ. ହେଲେ ମୁଁ କହିବି ମୁଁ ଧୋନିଙ୍କ ବ୍ୟାଟିଂ ଦେଖିବାକୁ ହିଁ ପଇସା ଦିଏ. ଧୋନି ନେକ୍ସ୍ଟ ଗୀଲକ୍ରିଷ୍ଟ ନୁହନ୍ତି, ସେ ହେଉଛନ୍ତି ପ୍ରଥମ ଏବଂ ଏକମାତ୍ର ଧୋନି . 
ଷ୍ଟିଭ ୱଫ
ଅଷ୍ଟ୍ରେଲିଆ  କ୍ରିକେଟର ଷ୍ଟିଭ ୱଫ କହିଛନ୍ତି ଯଦି କୌଣସି ଟିମ ସିଲେକ୍ଟ କରିବାକୁ କହାଯାଏ, ତେବେ ସେ ସେଥିରେ ସଚ୍ଚିନଙ୍କୁ ଓପନର ଭାବେ ରଖିବେ, ଏବଂ ଧୋନିଙ୍କୁ କ୍ୟାପଟେନ ଭାବେ ରଖିବେ.