ଅର୍ଗସ ବ୍ୟୁରୋ: ପିଲାଙ୍କୁ ମିଳିଲା ଫୁଲ ମାର୍କ। କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ହସ୍ତକ୍ଷେପ ପରେ ସମାଧାନ ହେଲା।ସିବିଏସଇ ଦଶମ ଓଡିଆ ପରୀକ୍ଷା ମୂଲ୍ୟାଙ୍କନ ତ୍ରୁଟି ଘଟଣାରେ ପିଲାଙ୍କୁ ଫୁଲ୍ ମାର୍କ ମିଳିଛି।ବିଶେଷଜ୍ଞ କମିଟିଙ୍କ ରିପୋର୍ଟ ଆଧାରରେ ସିବିଏସଇ ମାର୍କ ଦେଇଛି। ତେବେ କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ହସ୍ତକ୍ଷେପ ପରେ ୨୪ ଘଣ୍ଟାରେ ସମସ୍ୟାର ସମାଧାନ ହୋଇଛି। ଏହା ପରେ ପିଲାଙ୍କୁ ମିଳିଛି ଫୁଲ୍ ମାର୍କ।
ଦଶମ ଟର୍ମ-୧ ଓଡିଆ ପ୍ରଶ୍ନପତ୍ରରେ ତ୍ରୁଟିଯୁକ୍ତ ପ୍ରଶ୍ନ ଆସିଥିଲା। ଏଥିରେ ଉପକୃତ ହୋଇଛନ୍ତି ୨୮୩୧୦ ଛାତ୍ରଛାତ୍ରୀ। ଭୁଲ୍ ପ୍ରଶ୍ନ ସତ୍ତ୍ଵେ ଉତ୍ତର ଦେବାକୁ ଚେଷ୍ଟା କରିଥିବା ପିଲାଙ୍କୁ ଫୁଲ ମାର୍କ ମିଳିଛି।
ଭୁଲ୍ ପ୍ରଶ୍ନ ନେଇ ଛାତ୍ର-ଛାତ୍ରୀ ଅଭିଯୋଗ କରିଥିଲେ। ଓଡିଆ ପ୍ରଶ୍ନ ପତ୍ର ଏବଂ ଉତ୍ତରରେ କୌଣସି ସାମଞ୍ଜସ୍ୟ ନଥିଲା। କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଏହାକୁ ଗମ୍ଭୀରତାର ସହ ନେଇଥିଲେ। ୨୪ ଘଣ୍ଟା ଭିତରେ ସମାଧାନ ପାଇଁ ସେ ନିର୍ଦ୍ଦେଶ ଦେଇଥିଲେ। ଯାହାକୁ ନେଇ କେନ୍ଦ୍ରମନ୍ତ୍ରୀଙ୍କୁ ଧନ୍ୟବାଦ ଜଣାଇଛନ୍ତି ଛାତ୍ରଛାତ୍ରୀ।
ଆଜିଠୁ ଖୋଲିଲା ଏକ ନମ୍ବର ମାର୍କେଟ । ୫ ଦିନ ବନ୍ଦ ରହିବା ପରେ ବିଏମ୍ସି ପକ୍ଷରୁ ମିଳିଛି ଦାବି ପୂରଣ ନେଇ ପ୍ରତିଶ୍ରୁତି । ଆଜିଠୁ ମାର୍କେଟ ଖୋଲିବା ନେଇ ଏକ ନମ୍ବର ମାର୍କେଟ ସଭାପତି ଗୟାଧର ସ୍ବାଇଁ କହିଛନ୍ତି । ଗତକାଲି ବିଏମସି ଅତିରିକ୍ତ କମିଶନରଙ୍କ ସହ ଏସସିପି ନିଜେ ଆସି ମାର୍କେଟର ସ୍ଥିତି ପରଖିଥିଲେ । ସ୍ଥାୟୀ ପାର୍କିଂ ବ୍ୟବସ୍ଥା ନ ହେବା ଯାଏଁ କିଭଳି ଅସ୍ଥାୟୀ ପାର୍କିଂକୁ ଗୁରୁତ୍ଵ ଦିଆଯିବ ଓ ଭିଡ଼ ନ ହେବା, ସେଥିପ୍ରତି ପୋଲିସ ଓ ବିଏମ୍ସି ତଦାରଖ କରିବା ସହ ବ୍ୟବସ୍ଥା କରିବେ ବୋଲି ପ୍ରତିଶ୍ରୁତି ଦେଇଛନ୍ତି ।
ଅଧିକ ପଢନ୍ତୁ ଓଡିଶା ଖବର
ଫଳରେ ରାସ୍ତା ଉପରେ ୩ ଲାଇନ୍ ପାର୍କିଂ ନ ହୋଇ ୧ ଲାଇନ୍ ପାର୍କିଂ ହେବ । ଫୁଟ୍ ପାଥକୁ ବି ଖାଲି କରାଯିବ । ଅସ୍ଥାୟୀ ବ୍ୟବସାୟୀ ଯେଉଁଭଳି ଅଧିକ ଜାଗା ଅକ୍ତିଆର ନ କରନ୍ତି ସେଥିପ୍ରତି ଧ୍ୟାନ ଦିଆଯିବ ।
ଅର୍ଗସ ବ୍ୟୁରୋ : ଏସିଆନ ରୌପ୍ୟ ବିଜୟୀ ଓଡ଼ିଆ ପୁଅ କିଶୋର ଜେନାଙ୍କୁ ବାଲୁକାକଳାରେ ଶୁଭେଚ୍ଛା ।ଏସିଆନ ଗେମ୍ସର ଜାଭେଲିନ ଥ୍ରୋ ଇଭେଣ୍ଟରେ ଅଲିମ୍ପିକ ସ୍ଵର୍ଣ୍ଣ ବିଜେତା ନିରଜ ଚୋପ୍ରାଙ୍କ ସହ କଡା ଟକ୍କର ଦେଇ ଅଳ୍ପକେ ସ୍ୱର୍ଣ୍ଣ ପଦକ ହରେଇଥିବା ବେଳେ ରୌପ୍ୟ ହାତେଇଛନ୍ତି ନିରଜ । ଅନ୍ୟପଟରେ ସ୍ୱର୍ଣ୍ଣ ବିଜୟୀ ହୋଇଛନ୍ତି ନିରଜ ।ତେବେ ଦୁହେଁ ଭାରତ ପାଇଁ ଗର୍ଵ ଆଣିଥିବା ବେଳେ ବାଲୁକାକଳା ମାଧ୍ୟମରେ ଉଭୟଙ୍କୁ ଶୁଭେଛା ଜଣାଇଛନ୍ତି ବାଲୁକାଶିଳ୍ପୀ ପଦ୍ମଶ୍ରୀ ସୁଦର୍ଶନ ।
ଅଧିକ ପଢନ୍ତୁ : ଏସୀୟ କ୍ରୀଡାରେ ଭାରତ ଦମଦାର ପ୍ରଦର୍ଶନ; ନୀରଜଙ୍କୁ ସ୍ୱର୍ଣ୍ଣ, କିଶୋରଙ୍କୁ ରୌପ୍ୟ
ଏହି ରଙ୍ଗୀନ ବାଲୁକାକଳାରେ ପ୍ରାୟ ୫୦୦ ଷ୍ଟିଲ ବାଉଲ ଇଂଷ୍ଟାଲ ହୋଇଥିବା ବେଳେ ଖୁବ ସୁନ୍ଦର ଭାବରେ ଭାରତ ହାତକୁ ଆସିଥିବା ସ୍ୱର୍ଣ୍ଣ ଓ ରୌପ୍ୟ ପଦକ ଉଭୟକୁ ସ୍ଥାନିତ କରିଛନ୍ତି ସୁଦର୍ଶନ।ଏହାସହିତ ପ୍ରାୟ ୧୦ ଫୁଟର ଏହି କଳାରେ ଜାଭେଲିନକୁ ସ୍ଥାନିତ କରିଛନ୍ତି ଶ୍ରୀଯୁକ୍ତ ପଟ୍ଟନାୟକ ।ବିଶେଷକରି ଓଡ଼ିଆ ତଥା ପୁରୀର ସୁନା ପୁଅ କିଶୋର ଓଡିଶା ର ଗର୍ଵ ଓ ଗୌରବକୁ ବଢ଼ାଇଥିବାରୁ ତାଙ୍କର ଉତ୍ତରାତ୍ତୋର ସଫଳତା କାମନା କରିଛନ୍ତି ସୁଦର୍ଶନ ।ସେପଟେ କିଶୋରଙ୍କ ସଫଳତା ପରେ ତାଙ୍କ ଜନ୍ମ ମାଟି ଓ ପୁରୀ ସହର ତଥା ରାଜ୍ୟର ତମାମ ଜାଗାରେ ଉତ୍ସବର ମାହୋଲ ସୃଷ୍ଟି ହୋଇଛି ।
ଭୁବନେଶ୍ୱର: ବୀରେଶ୍ୱର ମହାନ୍ତିଙ୍କ ତୃତୀୟ ଗଳ୍ପ ସଂକଳନ "କୃଷ୍ଣଚୂଡାର ହସ ଓ ଅନ୍ୟାନ୍ୟ ଗଳ୍ପ'ର ଶୁଭ ଉନ୍ମୋଚନ ହୋଇଯାଇଛି। ଖଣ୍ଡଗିରି ପାହାଡରେ ଅବସ୍ଥିତି ଥିବା ଶୁଭମ୍ ସତ୍ୟମ ରୟାଲ ଆପାର୍ଟମେଣ୍ଟ ଘାଟିକିଆର ବରିଷ୍ଠ ନାଗରିକ ମଞ୍ଚ ଆନୁକୂଲ୍ୟରେ ଏହି ଗଳ୍ପର ଉନ୍ମୋଚନ କରାଯାଇଥିଲା। ଆପାର୍ଟମେଣ୍ଟର କମ୍ୟୁନିଟି ହଲ୍ ରେ ବରିଷ୍ଠ ନାଗରିକଙ୍କ ଉପସ୍ଥିତିରେ ଆନୁଷ୍ଠାନିକ ଭାବରେ ଉନ୍ମୋଚିତ ହୋଇଛି ବୀରେଶ୍ୱର ମହାନ୍ତିଙ୍କ ତୃତୀୟ ଗଳ୍ପ ।
ଏହି ଗଳ୍ପ ସଙ୍କଳନଟିରେ ସବୁ ବର୍ଗର ପାଠକଙ୍କ ମନକୁ ଛୁଇଁଲା ଭଳି ୨୫ ଟି ଗଳ୍ପ ସ୍ଥାନ ପାଇଛି। ତେବେ ଉନ୍ମୋଚନ ଉତ୍ସବରେ ବରିଷ୍ଠ ନାଗରିକ ମଞ୍ଚର ସଭାପତି ଶ୍ରୀଯୁକ୍ତ ସରୋଜ ଦାଶ, ଭାରତୀୟ ପ୍ରଶାସନିକ ସେବାର ଅବସରପ୍ରାପ୍ତ ଅଧିକାରୀ ଓ ଉପସଭାପତି ଡ. ଆର. ବି ଦାସ , ଯୁଗ୍ମ ସମ୍ପାଦକ ଶ୍ରୀ ଶରତ କୁମାର ସାହୁ, କୋଷାଧ୍ୟକ୍ଷ ଶ୍ରୀ କୈଳାଶ ଚନ୍ଦ୍ର ପୃଷ୍ଟି , ମୁଖ୍ୟବକ୍ତା ଶ୍ରୀ ଜଗନ୍ନାଥ ଦାସଙ୍କ ସହ ଆପାର୍ଟମେଣ୍ଟର ଅନ୍ୟ ବରିଷ୍ଠ ନାଗରିକମାନେ ମଧ୍ୟ ଉପସ୍ଥିତ ଥିଲେ । ଉନ୍ମୋଚନ ଉତ୍ସବରେ ଅନ୍ୟାନ୍ୟ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।
ଅଧିକ ପଢନ୍ତୁ ଓଡ଼ିଶା ଖବର
