ଅର୍ଗସ ବ୍ୟୁରୋ: ସିକନ୍ଦରାବାଦ ରେଲୱେ ଷ୍ଟେସନରେ ଜଣେ ମହିଳାଙ୍କୁ ମୃତ୍ୟୁମୁଖରୁ ବଞ୍ଚାଇ ପ୍ରଶଂସାର ପାତ୍ର ହୋଇଛନ୍ତି ଜଣେ ରେଲୱେ କନଷ୍ଟେବଳ।
ସିକନ୍ଦରାବାଦ ଷ୍ଟେସନରେ ଚଳନ୍ତି ଟ୍ରେନରେ ଚଢିବାକୁ ଚେଷ୍ଟା କରିବା ସମୟରେ ଜଣେ ମହିଳା ଖସି ପଡିଥିଲେ। ଟ୍ରେନ ତଳକୁ ସେ ଖସି ଯାଉଥିବା ବେଳେ ସେଠାରେ ଉପସ୍ଥିତ ଥିବା ଦିନେଶ ସିଂହ ନାମକ ଜଣେ କନଷ୍ଟେବଳ ତାଙ୍କୁ ଧରିପକାଇ ଟ୍ରେନ ବାହାରକୁ ଟାଣି ଆଣିଥିଲେ। ମହିଳାଜଣକ ସାମାନ୍ୟ ଆହତ ହୋଇଥିଲେ ମଧ୍ୟ କିଛି ସମୟ ପରେ ସୁସ୍ଥ ହୋଇଥିଲେ।
ତେବେ ରେଲୱେ କନଷ୍ଟେବଳ ଦିନେଶ ସିଂହଙ୍କ ଉପସ୍ଥିତ ବୁଦ୍ଧି ଓ ସାହାସ ପାଇଁ ସେ ବେଶ୍ ପ୍ରଶଂସିତ ହୋଇଛନ୍ତି। ସିସି ଟିଭି କ୍ୟାମେରାରେ ପୁରା ଦୃଶ୍ୟ ରେକର୍ଡ ହେବାପରେ ଏବେ ତାହା ଭାଇରାଲ ହେବାରେ ଲାଗିଛି ।
ଅର୍ଗସ ବ୍ୟୁରୋ : ବରିଷ୍ଠ ସାମ୍ବାଦିକ ସ୍ୱର୍ଗତ ଦିଲ୍ଲୀପ ଶତପଥୀ ଜଣେ ବ୍ୟକ୍ତି ନଥିଲେ । ସେ ଥିଲେ ଜଣେ ଅନୁଷ୍ଠାନ । ନିଜ ପାଇଁ ନୁହେଁ ବରଂ ସେ ଅନ୍ୟ ମାନଙ୍କ ପାଇଁ ସମର୍ପିତ ଥିଲେ, ଯାହାକୁ ଶବ୍ଦରେ ବର୍ଣ୍ଣନା କରାଯାଇ ପାରିବ ନାହିଁ । ଶୁକ୍ରବାର ଭୁବନେଶ୍ୱର ଠାରେ ‘ଦିଲ୍ଲୀପ ଶତପଥୀ ମେମୋରିଆଲ ରାଜ୍ୟସ୍ତରୀୟ କୁଇଜ୍ ପ୍ରତିଯୋଗିତା’ ସମାରୋହରେ ଯୋଗଦେଇ ଏହା କହିଛନ୍ତି କେନ୍ଦ୍ର ଶିକ୍ଷା, ଦକ୍ଷତା ବିକାଶ ଓ ଉଦ୍ୟମିତା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ।
ଅଧିକ ପଢନ୍ତୁ ଓଡ଼ିଶା ଖବର
ସ୍ମୃତି ଏକାଡେମୀ ଅଫ୍ ମ୍ୟାନେଜମେଣ୍ଟ ଓ ଦିଲ୍ଲୀପ ଶତପଥୀ ମେମୋରିଆଲ ଟ୍ରଷ୍ଟର ମିଳିତ ଉଦ୍ୟମରେ ଆୟୋଜିତ ଏହି ସମାରୋହରେ ଶ୍ରୀ ପ୍ରଧାନ କହିଛନ୍ତି ଯେ ଓଡ଼ିଶା ଗଣମାଧ୍ୟମ ଜଗତରେ ଆର୍ଥିକ କ୍ଷେତ୍ରରେ ସାମ୍ବାଦିକତା ଓ ରାଜନୈତିକ ବିଶ୍ଲେଷଣ କ୍ଷେତ୍ରରେ ନିଜ ପାଇଁ ଦିଲ୍ଲୀପ ଭାଇ ଏକ ସ୍ୱତନ୍ତ୍ର ସ୍ଥାନ ତିଆରି କରିଥିଲେ । ଦିଲ୍ଲୀପ ଭାଇ ଜଣେ ବଡ ବ୍ୟକ୍ତିତ୍ୱ ଥିଲେ । ଅନେକ ଗୁଣର ଅଧିକାରୀ ଥିଲେ । ଜଣେ ଭଲ ମଣିଷ ହେବା ସହ ନିଜ କାର୍ଯ୍ୟବଳରେ ସମାଜ ଓ ଯୁବପିଢିଙ୍କୁ ପ୍ରେରଣାଦାୟୀ ବାର୍ତ୍ତା ଦେଉଥିଲେ। ଗୋଟିଏ ଜୀବନ୍ତ ସମାଜ ତାଙ୍କର ସୁପୁତ୍ରକୁ ମନେପକାଇଲେ ହିଁ ସମାଜରେ ପରିଚୟ ତିଆରି ହୁଏ । ସେପରି ଭାବରେ ଦିଲ୍ଲୀପ ଶତପଥୀଙ୍କ ଆଦର୍ଶ, ସଂସ୍କାର ଓ ପ୍ରବାହ ଆଗାମୀ ୧୦୦ ବର୍ଷ ପର୍ଯ୍ୟନ୍ତ ଅତୁଟ ରହିବା ଦରକାର ।
ଓଡ଼ିଆ ପିଲା ମାନଙ୍କ ଭିତରେ ଗୁଣ ଓ ଜ୍ଞାନର ଅଭାବ ନାହିଁ । ଓଡିଆ ପିଲା ମାନଙ୍କୁ ଦେଖିଲେ ମୋ ମନରେ ଆତ୍ମବିଶ୍ୱାସ ବଢେ । ସେଭଳି ଭାବେ ସେମାନଙ୍କ ବିଶ୍ୱାସକୁ ଉଜ୍ଜିବୀତ କରିବା ପାଇଁ ‘ସ୍ମୃତି ଏକାଡେମୀ ଅଫ୍ ମ୍ୟାନେଜମେଣ୍ଟ’ ଓ ଦିଲ୍ଲୀପ ଶତପଥୀ ମେମୋରିଆଲ ଟ୍ରଷ୍ଟ ଯୁବଶକ୍ତିଙ୍କ ଜ୍ଞାନକୁ ପ୍ରତିଯୋଗିତା ମାଧ୍ୟମରେ ପୁରସ୍କୃତ କରିବା ଏକ ଭଲ ପରମ୍ପରା । ଦିଲ୍ଲୀପଙ୍କ ସ୍ମୃତି ଓ ସଂସ୍କାରକୁ ଆଗକୁ ନେବାରେ ଦିଲ୍ଲୀପ ଶତପଥୀ ମେମୋରିଆଲ ଟ୍ରଷ୍ଟର ଉଦ୍ୟମ ପାଇଁ ଶ୍ରୀ ପ୍ରଧାନ ଧନ୍ୟବାଦ ଜଣାଇଛନ୍ତି ।
“ପାଠ ପଢିବି, କାଳିଆ ଘୋଡ଼ାରେ ଚଢ଼ିବି, ମଧୁ ବାବୁ ସଙ୍ଗେ ଲଢ଼ିବି” । ଏହାକୁ ଅନୁସରଣ କରି ଓଡ଼ିଆ ଅସ୍ମିତା ଓ ସ୍ୱାଭିମାନ ପାଇଁ ଲଢେଇ କରିଥିବା ମଧୁବାବୁଙ୍କର ଓଡ଼ିଶା ପ୍ରତି ଅବଦାନକୁ ମନେ ପକାଇବାର ଆବଶ୍ୟକତା ରହିଛି । ତାଙ୍କ ବିଚାର ଓ ଆଦର୍ଶରେ ଯୁବପିଢି ଯୁଗଯୁଗ ଧରି ଅନୁପ୍ରାଣିତ ହେବେ।
ଶ୍ରୀ ପ୍ରଧାନ କହିଛନ୍ତି ଯେ ଆଜି ଓଡ଼ିଶା ସମସ୍ୟାରେ ଅଛି । ମଧୁବାବୁ ଓଡ଼ିଆ ସ୍ୱଭିମାନ ଲଢେଇ କରିଥିଲେ । ତାଙ୍କୁ ମଏକବିଂଶ ଶତାବ୍ଦୀରେ ମନେପକାଇବାର ଆବଶ୍ୟକତା ରହିଛି । ଯେଉଁ ଜାତିର ମହାପ୍ରଭୁ ହେଉଛନ୍ତି ଶ୍ରୀଜଗନ୍ନାଥ, ଯେଉଁ ଜାତିର ୫୬ ଭୋଗର ପରମ୍ପରା ଅଛି, ଯେଉଁ ଜାତିରେ କେହି ଭୋକିଲା ନ ରହିବାର ସଂସ୍କାର ଅଛି, ଆଜି ସେହି ଓଡ଼ିଶା ରାଜ୍ୟକୁ ଅପପୁଷ୍ଟି କବଳିତ କରିଛି । ଜାତୀୟ ସ୍ୱାସ୍ଥ୍ୟ ସୂଚକାଙ୍କ ତାଲିକାରେ ଓଡିଶାର ସ୍ଥାନ ଚିନ୍ତାଜନକ ଏବଂ କୁପୋଷଣ ଗୋଟିଏ ଜାତୀୟ ପ୍ରସଙ୍ଗ ହୋଇଛି ।
ଆଜି ଓଡ଼ିଶାରେ ଯେ ଆଦେଶ ପାଳନ କରିବା ଲୋକ, ସେ ଆଜି ଆଦେଶ ଦେଉଛି । ଏହା ଅଗଣତାନ୍ତ୍ରିକ । ଏହା ମଧୁବାବୁ, ଗୋପବନ୍ଧୁ, ହରେକୃଷ୍ଣ ମହତାବଙ୍କ ସଂସ୍କାର ନୁହେଁ । ଆଜି ଓଡ଼ିଶାର ମୁଖ୍ୟମନ୍ତ୍ରୀ ସ୍ୱର୍ଗତ ନନ୍ଦିନୀ ଦେବୀଙ୍କ ଜନ୍ମ ଜୟନ୍ତୀ । ତାଙ୍କ ହାତରେ ଓଡ଼ିଶାର ନିର୍ଣ୍ଣୟ ନେବାର କ୍ଷମତା ଥିଲା । ମାତ୍ର ସେ ଯେଉଁ ଓଡ଼ିଶା ନିର୍ମାଣ କରିଥିଲେ, ସେ ଓଡ଼ିଶା ଆଜି ଦ୍ୱନ୍ଦରେ । ଓଡ଼ିଶାକୁ ବିଶ୍ୱର ଅଗ୍ରଣୀ ଅଞ୍ଚଳ ଭାବରେ ତିଆରି କରିବା ଆମ ସମସ୍ତଙ୍କର ଦାୟିତ୍ୱ ବୋଲି କେନ୍ଦ୍ରମନ୍ତ୍ରୀ କହିଥିଲେ । ଉଲ୍ଲେଖନୀୟ ଯେ, ‘ଦିଲ୍ଲୀପ ଶତପଥୀ ମେମୋରିଆଲ ରାଜ୍ୟସ୍ତରୀୟ କୁଇଜ୍ ପ୍ରତିଯୋଗିତା’ରବିଜେତା ମାନଙ୍କୁ ପୁରସ୍କାର ବିତରଣ କରିବା ସହ ଶ୍ରୀ ପ୍ରଧାନ ଛାତ୍ରଛାତ୍ରୀଙ୍କୁ ଅଭିନନ୍ଦନ ଜଣାଇଥିଲେ ।
କୋଟପାଡ: ବେକାର ଯୁବକ ଯୁବତୀଙ୍କୁ ମାଗଣାରେ ଟ୍ରେନିଂ । ସାମରିକ ବାହିନୀରୁ ଅବସରପ୍ରାପ୍ତ କୋଟପାଡ଼ ଅଞ୍ଚଳର ତିନି ଜଣ ବନ୍ଧୁ ନିଜସ୍ୱ ଖର୍ଚ୍ଚରେ ସାମରିକ ବାହିନୀର ତାଲିମ ଦେଉଛନ୍ତି । କୋଟପାଡ଼ ଭଇରବ ପଡ଼ିଆରେ ଚାଲିଛି ସେନା ତାଲିମ । ଦଳ ଦଳ ଯୁବକ ଯୁବତୀ ଏଥିରେ ତାଲିମ ନେଇ ନୂଆ ନୂଆ ଶାରିରୀକ ଅଭ୍ୟାସ କରୁଛନ୍ତି । ପ୍ରତ୍ୟେକ ଦିନ ଭୋରୁ ଆରମ୍ଭ ହେଉଥିବା ଏହି ତାଲିମ କୋରାପୁଟ ଜିଲ୍ଲାର କୋଟପାଡ଼ ଭଳି ଏକ ଦୂର୍ଗମ ଅଞ୍ଚଳରେ ରହିଥିବା ଯୁବକ ଯୁବତୀ ମାନଙ୍କୁ ଦେଇଛି ନୂତନ ଆଶାର କିରଣ ।
ଯେଉଁ ମାନେ କି ସାମରିକ ବାହିନୀରେ ଯାଇ ଦେଶ ପାଇଁ କିଛି କରିବାକୁ ଯିବାକୁ ଚାହୁଁଛନ୍ତି ସେମାନଙ୍କୁ ଦେଇଛି ନୂତନ ଆଶାର କିରଣ । କୋଟପାଡ଼ ବ୍ଲକ ତଥା ପାଖାପାଖି ବିଭିନ୍ନ ଅଞ୍ଚଳ ତଥା ଦୂର ଦୁରାନ୍ତରୁ ଆସିଥିବା ଯୁବକ ଯୁବତୀଙ୍କୁ ଏହି ଶିବିରରେ ଦେଖିବାକୁ ମିଳିଥାଏ ।
ସେନାରୁ ଅବସର ନେଇଥିବା ତିନି ଜଣ ବନ୍ଧୁ ଗୌରାଙ୍ଗ ଚରଣ ନାୟକ, ରୁପୁ ଭତ୍ରା ଓ ଚନ୍ଦ୍ର ଧୋଜ ମାଙ୍ଗାଲି, ଦେଶ ସେବାରେ ଯୁବକ ଯୁବତୀଙ୍କୁ ନିୟୋଜିତ କରିବା ପାଇଁ ଆରମ୍ଭ କରିଛନ୍ତି ଏହି ମିଶନ ।
ୟୁଥ ଫିଜିକାଲ ଏକାଡେମୀ ନାମରେ ଏକ ଅନୁଷ୍ଠାନ ଗଢି, ଅନେକଙ୍କ ମନରେ ବୁଣିଛନ୍ତି ସ୍ୱପ୍ନର ବିଜ । ବିଗତ 7 ରୁ 8 ମାସ ହେଲା ଏଠାରେ ଶାରୀରିକ ଓ ଲିଖିତ ପରୀକ୍ଷାର ଅଭ୍ୟାସ ହେବା ଫଳରେ 5 ରୁ 6 ଜଣ ଅଗ୍ନିବୀର, 2 ଜଣ ଆସାମ ରାଇଫଲ, 2 ଜଣ ପୋଲିସ, ବିଏସଏଫରେ 5 ଜଣ ପୁଅ, 6 ଜଣ ଝିଅ ମଧ୍ୟ ଚୟନ ହୋଇଛନ୍ତି । ଏବଂ ସେହି ତାଲିମ ନେଇଥିବା ଯୁବକ ଯୁବତୀ ନିଜର ସଫଳ ହେବା ପଛରେ 3 ଜଣ ଗୁରୁଙ୍କ ଠାରୁ ତାଲିମ ନେଇଥିବା ଦ୍ଵାରା ସଫଳ ହୋଇପାରିଛନ୍ତି ବୋଲି କହିଛନ୍ତି ।
ପ୍ରତିଦିନ 50 ରୁ ଉର୍ଦ୍ଧ୍ୱ ଯୁବକ ଯୁବତୀ ପ୍ରତିଦିନ ଉପସ୍ଥିତ ରହି ତାଲିମ ଦାତାଙ୍କ ନିର୍ଦେଶ କ୍ରମେ କରୁଛନ୍ତି କଠିନ ଅଭ୍ୟାସ । ଦୌଡ଼, ରଶି ଚଡିବା, ପୁସଅପ, ଵିମ,ହାଇ ଜମ୍ପ୍ , ଲଙ୍ଗ୍ ଜମ୍ପ୍ ପରି ବିଭିନ୍ନ ପ୍ରକାରର ଶାରୀରିକ ଅଭ୍ୟାସ କରାଯିବା ସହ ଜୀବନରେ କିପରି ଉନ୍ନତି କରିହେବ ସେ ବିଷୟ ପ୍ରତିଦିନ ତାଲିମ ଦେବାର ଦେଖିବାକୁ ମିଳୁଛି ।
ସେହିପରି ସନ୍ଧ୍ୟା ସମୟରେ ଲିଖିତ ପରିକ୍ଷା ନିମନ୍ତେ 4 ରୁ 6:30 ପର୍ଯ୍ୟନ୍ତ ମଧ୍ୟ ତାଲିମ ଦିଆଯାଉଛି । ଏହି ଅବସରପ୍ରାପ୍ତ ତିନି ସାମରିକ ବାହିନୀ ନିଜସ୍ପ ଖର୍ଚ୍ଚରେ ବିଭିନ୍ନ ସାମଗ୍ରୀ ମାନ ଆଣି ପ୍ରଶିକ୍ଷଣ ଦେଉଛନ୍ତି ଏବଂ ସମସ୍ତଙ୍କୁ ବିନା ମୂଲ୍ୟରେ ତାଲିମ ମଧ୍ୟ ଦେଉଛନ୍ତି ।
ଏହି ୟୁଥ ଫିଜିକାଲ ଏକାଡେମୀ ଅନେକ ଯୁବକ ଯୁବତୀ ସଫଳ ହୋଇଥିବାବେଳେ ଭବିଷ୍ୟତରେ ମଧ୍ୟ ଆହୁରି କିଛି ଯୁବକଙ୍କୁ ସଫଳ କରିବାର ଲକ୍ଷ୍ୟ ରଖିଛନ୍ତି l
ଆହୁରି ପଢନ୍ତୁ ଓଡିଶା ଖବର...
