ଏହାସହ ସେ କହିଛନ୍ତି, କୋରୋନାରୁ ନିଜକୁ ଓ ନିଜ ପରିବାରକୁ ସୁରକ୍ଷା ଦେବା ପାଇଁ ଲକ ଡାଉନ ସମୟରେ ନିଜ ଘରେ ସୀମିତ ରହିବା ପାଇଁ ଶପଥ କରନ୍ତୁ । କୋରୋନା ଭାଇରସ ଚୀନରେ ଥିଲା ବହୁ ଦୂରରେ ଥିଲା । ଆମେରିକା ଓ ୟୁରୋପରେ ଥିଲା ଇରାନକୁ ଆସିଲା ଦିଲ୍ଲୀରେ ପହଞ୍ଚିଲା ଏବେ ଆମ ଘର ପାଖରେ ପହଞ୍ଚିଛି । ଏବେ ଆମ ଦାୟିତ୍ୱ ହେଉଛି ଏହାକୁ ଆମ ଘର ଭିତରକୁ ପୁରାଇ ଦେବା ନାହିଁ ।
ମୋ ଜୀବନ କାର୍ଯ୍ୟକ୍ରମ ନାଁରେ ଓଡିଶାବାସୀଙ୍କ ସାମ୍ନାରେ ବିଶେଷ ଅନୁରୋଧ ରଖି ମୁଖ୍ୟମନ୍ତ୍ରୀ କହିଛନ୍ତି, ‘ବାହାରକୁ ଗଲେ କରୋନା ଭାଇରସ ମୋ ସାଥୀରେ ମୋ ଘରକୁ ଆସିପାରେ ଏବଂ ମୋ ପରିବାରର କ୍ଷତି କରିପାରେ । ଯଦି ଜରୁରୀ କାମରେ ବାହାରକୁ ଯିବି ଫେରିବା ସମୟରେ ଅନ୍ୟୁନ ୨୦ ସେକେଣ୍ଡ ଭଲ ଭାବେ ହାତକୁ ସଫା କରି ଘରେ ପଶିବି । କରୋନା ଭାଇରସକୁ କେବେବି ମୋ ଘରକୁ ପଶିବାକୁ ଦେବି ନାହିଁ ମୋ ପରିବାର ପାଇଁ ବିପଦର କାରଣ ହେବି ନାହିଁ ।’
ମୁଁ ମୋର ପିଲାଛୁଆ, ବାପାମା'ଙ୍କ ନାମରେ ଶପଥ କରି କହୁଛି ଯେ; ବର୍ତ୍ତମାନ ସମୟରେ ବାହାରକୁ ଯିବି ନାହିଁ। ବାହାରକୁ ଗଲେ କରୋନା ଭାଇରସ ମୋ ସାଥିରେ ମୋ ଘରକୁ ଆସି ପାରେ ଏବଂ ମୋ ପରିବାରର କ୍ଷତି କରିପାରେ। ତେଣୁ ମୁଁ ଏବେ ବାହାରକୁ ଯିବି ନାହିଁ। #MoJeebana pic.twitter.com/PE7ZYQLrpG— Naveen Patnaik (@Naveen_Odisha) March 24, 2020
ଏହି ଶପଥକୁ ପରିବାର ସହ ମିଶି ପଢନ୍ତୁ । ନିଜ ଘରର ପ୍ରବେଶ ଦ୍ୱାରରେ ଏହାକୁ ଲଗାନ୍ତୁ । ଏହାକୁ ଭିଡିଓ କରି ମୁଖ୍ୟମନ୍ତ୍ରୀଙ୍କ ପାଖକୁ ପଠାନ୍ତୁ ବୋଲି ସେ ତାଙ୍କ ଭିଡିଓ ବାର୍ତ୍ତାରେ ଅନୁରୋଧ କରିଛନ୍ତି ।
ଗତ ୨୦ ବର୍ଷର ତାଙ୍କର ସେବା ଭିତରେ ଓଡିଶାବାସୀ ତାଙ୍କ କଥାକୁ ମାନିଛନ୍ତି ଓ ଆଜି ଦିନରେ ସେମାନେ ତାଙ୍କ ଅନୁରୋଧକୁ ନିଶ୍ଚିତ ରକ୍ଷା କରିବେ ବୋଲି ମୁଖ୍ୟମନ୍ତ୍ରୀ ଆଶା ବ୍ୟକ୍ତ କରିଛନ୍ତି ।
