Thank HM Shri @AmitShah for approving an additional central assistance under National Disaster Response Fund (NDRF) to eight States, including Odisha, which were affected by floods/ landslides/ cyclone/ drought during 2019. https://t.co/olPCZCxgLh— Dharmendra Pradhan (@dpradhanbjp) March 27, 2020
ଏହି କେନ୍ଦ୍ରୀୟ ଅନୁଦାନ ବାତ୍ୟାରେ ହୋଇଥିବା କ୍ଷତି ଭରଣା କରିବାରେ ସହାୟକ ହେବ । ଓଡ଼ିଶାବାସୀ ଉପକୃତ ହେବେ । ଓଡ଼ିଶା ଏବଂ ରାଜ୍ୟବାସୀଙ୍କ ଉନ୍ନତ୍ତି ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବଦ୍ଧପରିକରତାର ଏହା ମଧ୍ୟ ଏକ ପ୍ରତିଫଳନ ବୋଲି ଟ୍ୱିଟର ମାଧ୍ୟମରେ କହିଛନ୍ତି ଧର୍ମେନ୍ଦ୍ର ପ୍ରଧାନ ।
ଆଜି ବସିଥିବା ଏହି ବୈଠକରେ 8 ରାଜ୍ୟକୁ 2019ରେ ହୋଇଥିବା ପ୍ରାକୃତିକ ଦୁର୍ବିପାକ ପାଇଁ ଏନଡିଆରଏଫ୍ ଫଣ୍ଡରୁ ଅତିରିକ୍ତ ସହାୟତା ରାଶି ଘୋଷଣା କରିଛନ୍ତି କେନ୍ଦ୍ର ସରକାର । ତେବେ ଏଥିରେ ଓଡ଼ିଶାକୁ ବାତ୍ୟା ବୁଲବୁଲ ଜନିତ କ୍ଷୟକ୍ଷତି ବାବଦକୁ 179.64 କୋଟି ଟଙ୍କା ମିଳିବ ।
ଏହାସହ ଧର୍ମେନ୍ଦ୍ର ପ୍ରଧାନ ଆହୁରି ଉଲ୍ଲେଖ କରିଛନ୍ତି ଯେ, 2019-20 ବର୍ଷ ପାଇଁ 10937.62 କୋଟି ଟଙ୍କା 29 ରାଜ୍ୟ ପାଇଁ ଦେଇସାରିଥିବା ବେଳେ ଅତିରିକ୍ତ ସହାୟତା ବାବଦକୁ 14108.58 କୋଟି 8 ରାଜ୍ୟକୁ ଏନଡିଆରଏଫ୍ ଫଣ୍ଡରୁ ଦେଇଛନ୍ତି କେନ୍ଦ୍ର ସରକାର ।
