କାଳବୈଶାଖି ପରେ ସକାଳ ୯ଟା ପରେବି କୁହୁଡ଼ି

ସୁନ୍ଦରଗଡ:  କରୋନା ଭଳି ସଂକ୍ରମିତ ରୋଗରୁ ଦୂରେଇ ରହିବା ପାଇଁ ସରକାର ବିଭିନ୍ନ ପଦକ୍ଷେପ ନେବା ସହିତ ଅନେକ ନିୟମାବଳୀ ଜନସାଧାରଣଙ୍କ ପାଇଁ ସ୍ଥିର କରିଛନ୍ତି । ଯାହାକୁ ନେଇ ଏବେ ସାରା ଦେଶରେ ଲକଡାଉନ ଲାଗି ରହିବା ଫଳରେ କେହି ଘରୁ ବାହାରି ପାରୁନାହାନ୍ତି । କିନ୍ତୁ ପରିବେଶ ସୁଛଳ ହେଉଛି ଯାହାଫଳରେ ଆଜି ସୁନ୍ଦରଗଡ଼ ଜିଲ୍ଲା ବଣ ପାହାଡ ଘେରା କୋଇଡା ଅଞ୍ଚଳରେ ଘନ କୁହୁଡ଼ି ଦେଖିବାକୁ ମିଳିଛି ।

ଦୁଇ ଦିନ ପୂର୍ବରୁ କାଳ ବୈଶାଖି କାରଣରୁ ବର୍ଷା ହୋଇଥିଲା । ଏହାସହ ଆଜି କୁହୁଡ଼ି ଲାଗି ରହିଛି । ଏହିପରି କେବେ ଗ୍ରୀଷ୍ମ ଋତୁରେ କୁହୁଡ଼ି ଦେଖାଯାଇନଥିବା ବେଳେ ଚଳିତ ବର୍ଷ ଲକ ଡାଉନ୍ ପାଇଁ ପରିବେଶ ଏତେ ସ୍ୱଛ  ଯେ କୁହୁଡ଼ି ଦେଖିବାକୁ ମିଳିଛି । କେହି କେହି ପରିବେଷ ପ୍ରେମି କହୁଛନ୍ତି ଯେ, କୋଇଡା ଅଞ୍ଚଳଟି ଏମିତି ବଣ ପାହାଡରେ ପରିପୂର୍ଣ୍ଣ ଥିଲା । ଏବେ କୁହୁଡ଼ି ହୋଇଥିବାରୁ ଯେମିତି କାଶ୍ମୀର ପରି ଲାଗୁଛି ।