କୋରୋନା ଆତଙ୍କ: ଲକ୍‌ଡାଉନ୍‌ ଫଳରେ ଖାଦ୍ୟ ପାଇଁ ଡ଼ହଳ ବିକଳ ମାଙ୍କଡ଼ ପଲ...

କୋରୋନା ଆତଙ୍କ: ଲକ୍‌ଡାଉନ୍‌ ଫଳରେ ଖାଦ୍ୟ ପାଇଁ ଡ଼ହଳ ବିକଳ ମାଙ୍କଡ଼ ପଲ...

by Manini Pattanayak

ଅର୍ଗସ ବ୍ୟୁରୋ: ସାରା ବିଶ୍ଵ ଆଜି ମହାମାରୀ କରୋନାକୁ ନେଇ ଚିନ୍ତାରେ ଥିବାବେଳେ ଏଥିରୁ ବର୍ତ୍ତି ନାହାନ୍ତି ଜୀବ ଜନ୍ତୁ। ଲକ୍ ଡାଉନ ଫଳରେ ଖାଦ୍ୟ ପାଇଁ ଡ଼ହଳ ବିକଳ ମାଙ୍କଡ଼ ମାନେ। ଜୀବଜନ୍ତୁଙ୍କ ଉପରେ କୋରୋନା ପ୍ରଭାବ ବିପୁଳ ମାତ୍ରାରେ ପଡିଛି । ଲକ୍‌ ଡାଉନ ଯୋଗୁଁ ପଶୁ ପକ୍ଷୀଙ୍କୁ ମିଳୁନି ଖାଦ୍ୟ । ଖାଦ୍ୟ ପାଇଁ ଡହଳ ବିକଳ ହେଉଛନ୍ତି ମାଙ୍କଡ଼ । ଯାଜପୁର ଜିଲ୍ଲା ଚଣ୍ଡିଖୋଲ ସ୍ଥିତ ଚଣ୍ଡି ମନ୍ଦିର । ଦୀର୍ଘ ବର୍ଷ ହେବ ବା ବହୁ ପୁରାତନ ଅମଳରୁ ଚଣ୍ଡୀ ମନ୍ଦିର ପାଇଁ ଆଜି ଚଣ୍ଡିଖୋଲ ନାମ ପାଇଁଛି।

ଏହି ମନ୍ଦିର ପାଶ୍ୱର୍ରେ ହଜାର ହଜାର ମାଙ୍କଡ଼ ବସ ବାସ କରନ୍ତି। ଯଦି ଆମେ କହିବା ଆଜି ମହାମାରୀ କରୋନା ଭୁତାଣୁ କୁ ନେଇ ସାରା ବିଶ୍ୱରେ ଆହାକାର ସୃଷ୍ଟି ହୋଇଥିବା ବେଳେ। ଭାରତ ସରକାରଙ୍କ ସାରା ଦେଶରେ ଲକ୍ ଡାଉନ ନିୟମ ଲାଗି ରହିଛି। ଯାହା ଫଳରେ ପର୍ଯ୍ୟଟନ ମାନେ ମଧ୍ୟ ଏଠାକୁ ଆସିବା ବନ୍ଦ ହୋଇଯାଇଛି । ଫଳରେ ହଜାର ହଜାର ମାଙ୍କଡ଼ ଗୁଡ଼ିକ ଖାଦ୍ୟ ଅଭାବରୁ ଡହଳ ବିକଳ ହେଉଛନ୍ତି। ମାଙ୍କଡ଼ ମାନଙ୍କ ପାଇଁ ସ୍ଥାନୀୟ ସ୍ୱେଚ୍ଛା ସେବୀ ଅନୁଷ୍ଠାନ କିଛି ଶୁଖିଲା ଖାଦ୍ୟ ସାମଗ୍ରୀ ଯୋଗାଇ ଦେଇଛନ୍ତି । ସେତକ ଖାଇ ସେମାନେ ବଞ୍ଚିଛନ୍ତି ।

ମନ୍ଦିରରେ ମାଙ୍କଡ଼ଙ୍କ ସଂଖ୍ୟା ଅନେକ ହୋଇଥିବାରୁ ସେମାନଙ୍କୁ ଖାଦ୍ୟ ନିଅଣ୍ଟ ପଡ଼ୁଛି । ଏହି ପରିପେକ୍ଷିରେ କିଛି ବୁଦ୍ଧିଜୀବି, ଆଇନଜୀବୀ ମାଙ୍କଡ଼ ମାନଙ୍କ ପ୍ରତି ସ୍ଥାନୀୟ ପ୍ରଶାସନ ଦୃଷ୍ଟି ଦେବାକୁ ଦାବି କରିଛନ୍ତି। ଏହାସହ ମାଙ୍କମାନଙ୍କୁ ପେଟ ପୁରା ଖାଇବାକୁ ଯୋଗାଇ ଦେବାକୁ ଦାବି ହେଉଛି ।

ଆଜି ସାର ବିଶ୍ୱ ମହାମାରୀକୁ ନେଇ ଯେଉଁ ଭଳି ବଡ଼ ସଂକଟରେ ପହଁଚିଛି। ଏଥିରେ ପ୍ରତ୍ୟୋକ ଟି ଜୀବନ ବଞ୍ଚିବା ମୂଲ୍ୟବାନ । ଏଥିପ୍ରତି ସ୍ଥାନୀୟ ପ୍ରଶାସନ ଯତ୍ନବାନ ହେବା ନିହାତି ଆବଶ୍ୟକ। ଯାହା ଫଳରେ ନିରୀହ ଅଜ୍ଞାନୀ ପଶୁପକ୍ଷୀ ଏହି ମହାମାରୀରୁ ବି ବଞ୍ଚି ପାରିବେ।

ଅର୍ଗସ ନ୍ୟୁଜରେ ନିଯୁକ୍ତି ସୁଯୋଗ !

ଉଚ୍ଚାଭିଳାଷୀ ପେଷାଦର ଆବଶ୍ୟକ।

ଆବେଦନ କରନ୍ତୁ

ଅନୈତିକ କାର୍ଯ୍ୟ ପାଇଁ ରାଜି ନହେବାରୁ ଦୁଇ ଯୁବତୀଙ୍କୁ ହତ୍ୟା ଉଦ୍ୟମ

by Banajyotshna Ray

Attempted murder of two young women for not consenting to an immoral act

ଅର୍ଗସ ବ୍ୟୁରୋ: ଅନୈତିକ କାର୍ଯ୍ୟ ପାଇଁ ରାଜି ନହେବାରୁ ଦୁଇ ଯୁବତୀଙ୍କୁ ଗାଡି ମଡାଇ ହତ୍ୟା ଉଦ୍ୟମ । ଅଭାବନୀୟ ଘଟଣା ଘଟିଛି କଟକ ଜିଲ୍ଲା ନେମାଳ ଥାନା ଅଞ୍ଚଳରେ । ୨ ତାରିଖ ଅପରାହ୍ନରେ ଦୁଇ ଭଉଣୀ ସାଙ୍ଗ ହୋଇ ନିଜ ମାମୁଁ ଘରକୁ ଯିବା ରାସ୍ତାରେ ଘଟିଥିଲା ଘଟଣା । ନରେନ୍ଦ୍ରପୁର ଫାଣ୍ଡି କାକୁଡିଆପଦାଠାରେ ଦୁଇ ଯୁବତୀଙ୍କ ସ୍କୁଟି ସହ ଜାଣିଶୁଣି ନିଜ ବାଇକ୍ ଧକ୍କା କରାଇଥିଲେ ତେଣ୍ଡାକୋଡା ଅଞ୍ଚଳର ଦୁଇ ଜଣ ଯୁବକ ।

କଟକର ଏକ ଘରୋଇ ହସ୍ପିଟାଲରେ ଜୀବନ ମରଣ ସହ ଲଢ଼ୁଛନ୍ତି ପୀଡିତା ଦୁଇ ଭଉଣୀ ଅଫିଫା ତସଲିନ ଓ ନିହା ଫରଦୋଷ । ଏନେଇ ଥାନାରେ ଗତ 5 ତାରିଖରୁ ଅଭିଯୋଗ ସତ୍ତ୍ବେ ପୋଲିସର କାର୍ଯ୍ୟାନୁଷ୍ଠାନ ଶୂନ ।

ଅଧିକ ପଢ଼ନ୍ତୁ ଓଡିଶା ଖବର:

ବିଭିନ୍ନ ରାଜ୍ୟର ୨ ଜଣ ବରିଷ୍ଠ ମନ୍ତ୍ରୀଙ୍କ ସହ ମୁଖ୍ୟମନ୍ତ୍ରୀ ଯୋଗଦେବେ ବୈଠକରେ

by Banajyotshna Ray

Amit Shah to chair 26th meeting of Eastern Zonal Council in Bihar on Sunday

ଅର୍ଗସ ବ୍ୟୁରୋ: ଆଜି କେନ୍ଦ୍ର ଗୃହମନ୍ତ୍ରୀ ଅମିତ ଶାହଙ୍କ ଅଧ୍ୟକ୍ଷତାରେ ବସିବ ପୂର୍ବାଞ୍ଚଳ ପରିଷଦର ୨୬ ତମ ବୈଠକ । ଗୃହ ମନ୍ତ୍ରଣାଳୟ ଅଧୀନରେ ଥିବା ଆନ୍ତଃରାଜ୍ୟ ପରିଷଦ ସଚିବାଳୟ ଦ୍ୱାରା ଏହି ବୈଠକ ଆୟୋଜିତ ହେଉଛି । ଏହି ବୈଠକରେ ବିଭିନ୍ନ ରାଜ୍ୟର ୨ ଜଣ ବରିଷ୍ଠ ମନ୍ତ୍ରୀଙ୍କ ସହ ମୁଖ୍ୟମନ୍ତ୍ରୀ ଯୋଗଦେବେ । ବୈଠକରେ ଯୋଗଦେବା ପାଇଁ ଓଡ଼ିଶା, ବିହାର, ପଶ୍ଚିମବଙ୍ଗ ଓ ଝାରଖଣ୍ଡର ମୁଖ୍ୟମନ୍ତ୍ରୀଙ୍କୁ ନିମନ୍ତ୍ରଣ କରାଯାଇଛି ।

ବୈଠକରେ ଯୋଗଦେବା ପାଇଁ ଓଡ଼ିଶାର ଗୃହ ରାଷ୍ଟ୍ରମନ୍ତ୍ରୀ ତୁଷାର କାନ୍ତି ବେହେରା ଓ ପଞ୍ଚାୟୟତରାଜ ମନ୍ତ୍ରୀ ପ୍ରଦୀପ ଅମାତ ବିହାର ଯାଇଛନ୍ତି । ରାଜ୍ୟଗୁଡିକର ଉତ୍ତମ ବୁଝାମଣା ଓ ସହଯୋଗ ଏହାସହ ପୁର୍ବାଞ୍ଚଳ ରାଜ୍ୟଗୁଡ଼ିକର ଭିତିଭୁମି ତଥା ସାମଗ୍ରିକ ବିକାଶ ପାଇଁ ହେବ ଆଲୋଚନା ।

ଅଧିକ ପଢ଼ନ୍ତୁ ଦେଶ ଖବର:

ଜଙ୍ଗଲରେ ପଡିଛି ବସ୍ତା ବସ୍ତା ପିଡିଏସ୍ ଚାଉଳ

by Ritu Das

ଅର୍ଗସ ବ୍ୟୁରୋ: ଜଙ୍ଗଲରେ ପଡିଛି ବସ୍ତା ବସ୍ତା ପିଡିଏସ୍ ଚାଉଳ । ଜଙ୍ଗଲ ଭିତରେ ବିଭିନ୍ନ ସ୍ଥାନରେ ଚାଉଳ ବସ୍ତା ମାନ ଲୁଚାଇ ରଖାଯାଇଛି । ପାଖାପାଖି ୩୦ରୁ ଅଧିକ ପିଡିଏସ୍ ବସ୍ତା ଜଙ୍ଗଲରେ ପଡିଥିବା ଦେଖିବାକୁ ମିଳିଛି । ଏଭଳି ଚିତ୍ର ସାମ୍ନାକୁ ଆସିଛି ଉଦଳା ଥାନା ବହୁବନ୍ଧ ପଟାଶ ଜଙ୍ଗଲରୁ । ଆଜି ସକାଳ ସମୟରେ ଜଙ୍ଗଲରେ ଅନେକ ଗୁଡିଏ ପିଡିଏସ୍ ଚାଉଳ ବସ୍ତା ପଡିଥିବା ସ୍ଥାନୀୟ ଲୋକେ ଦେଖିବାକୁ ପାଇଥିଲେ ।

ଯାହାକୁ ନେଇ ଗ୍ରାମବାସୀମାନେ ସନ୍ଦେହରେ ଦୁଇ ଜଣ ଯୁବକଙ୍କୁ ମଧ୍ୟ ଅଟକ ରଖିଛନ୍ତି । ଏହି ପିଡିଏସ୍ ଚାଉଳ ବସ୍ତା ଗୁଡିକ ଜଙ୍ଗଲର କେବଳ ଗୋଟିଏ ସ୍ଥାନରେ ନୁହେଁ ବରଂ ଜଙ୍ଗଲର ବିଭିନ୍ନ ସ୍ଥାନରେ ଲୁଚାଇ ରଖାଯାଇଥିବା ଦେଖିବାକୁ ମିଳିଛି । ଏହି ପିଡିଏସ୍ ଚାଉଳ ନିକଟସ୍ଥ ମିଲରୁ କେହି ଚୋରି କରି ନେଇ ବିକ୍ରୀ ନିମନ୍ତେ ଲୁଚାଇ ରଖିଥିବା କୁହାଯାଉଛି । ତେବେ ଏହି ଚାଉଳ କେଉଁଠୁ ଆସିଲା ଏବଂ କୁଆଡେ ଯିବାର ଥିଲା ତାହାର ଖୋଳତାଡ ନିମନ୍ତେ ଘଟଣାସ୍ଥଳରେ ପହଞ୍ଚିଛି ପୋଲିସ।