ଚୀନର ଯୁବ ଡାକ୍ତର ଲିଃ ଓ୍ୱେନଲିୟାଙ୍ଗଙ୍କୁ ଦିଆଗଲା ସହିଦ, ଭାଇରସ ବ୍ୟାପିବାର ପ୍ରଥମେ ସୂଚନା ଦେଇଥିଲେ ଡାକ୍ତର

ଅର୍ଗସ ବ୍ୟୁରୋ:  ଚୀନର ଯୁବ ଡାକ୍ତର ଲିଃ ଓ୍ୱେନଲିୟାଙ୍ଗଙ୍କୁ ଦିଆଗଲା ସହିଦ୍  ମାନ୍ୟତା । ଓ୍ୱେନଲିୟାଙ୍ଗ ହେଉଛନ୍ତି ଚୀନର ସେହି 34 ବର୍ଷିୟ ଯୁବ ଡାକ୍ତର, ଯିଏକି ଚୀନରେ ଭାଇରସ ବ୍ୟାପିବା ନେଇ ପ୍ରଥମେ ସୂଚନା ଦେଇଥିଲେ । ଡାକ୍ତର ଲିଃ କେରୋନା ଦ୍ୱାରା ସବୁଠାରୁ ଅଧିକ ପ୍ରଭାବିତ ହୋଇଥିବା ଚୀନର ହୁବେଇ ପ୍ରଦେଶର ରାଜଧାନୀ ଉହାନ ସ୍ଥିତ ଏକ ପ୍ରମୂଖ ସରକାରୀ ହସ୍ପିଟାଲରେ କାର୍ଯ୍ୟ କରୁଥିଲେ ।

 ଚୀନ ଗଣମାଧ୍ୟମରେ ପ୍ରକାଶ ପାଇଥିବା ରିପୋର୍ଟ ଅନୁଯାୟୀ ଉହାନରୁ ଏକ ମାଂସ ବଜାରରୁ ହିଁ ପ୍ରଥମେ ଏହି ଭାଇରସ ବ୍ୟାପିବା ଆରମ୍ଭ କରିଥିଲା । ସେହି ବଜାରରେ କାମ କରୁଥିବା 8ଜଣ ବ୍ୟକ୍ତି ଡଃ ଲିଃଙ୍କ ହସ୍ପିଟାଲରେ ଚିକିତ୍ସିତ ହେଉଥିଲେ । ଆଉ ଏନେଇ ଡାକ୍ତର ଜଣକ ଏକ ସୋସିଆଲ ମିଡିଆ ଗ୍ରୃପରେ ପୋଷ୍ଟ କରି ନିଜ ସହକର୍ମିମାନଙ୍କୁ ଚେତାଇ ଦେଇଥିଲେ । କିନ୍ତୁ ଏହି ପୋଷ୍ଟ ଲିକ୍ ହୋଇଯାଇ ଥିଲା ଏବଂ ଏହା ଚୀନର ସୋସିଆଲ ମିଡିଆରେ ଭାଇରାଲ ହୋଇ ଯାଇଥିଲା ।

ଏନେଇ ଉହାନ ପ୍ରଶାସନ ଜାଣିବା ପରେ ଡାକ୍ତର ଲିଃଙ୍କ ସହ 8ଜଣ ଡାକ୍ତରଙ୍କୁ ଅଟକ ରଖିଥିଲେ । ଏଭଳି ପ୍ରଚାର ନକରିବାକୁ ଚେତାଇ ଦେଇଥିଲେ । ତେବେ ଯଦି ସେହି ସମୟରେ ଚୀନ ସରକାର ଏହି କଥାକୁ ଗୁରୁତର ସହ ନେଇଥାନ୍ତେ ହୁଏତ ସମଗ୍ର ବିଶ୍ବ ଆଜି ଏଭଳି ଏକ ଦଶା ଭୋଗୁ ନଥାନ୍ତା । ତେବେ ଦୁଃଖର କଥା ହେଉଛି କୋରୋନା ସଂପର୍କିତ ସୁଚନା ଦେଇଥିବା ଡାକ୍ତର ଲିଃ ମଧ୍ୟ ଏହି ଭାଇରସ ଦ୍ୱାରା ସଂକ୍ରମିତ ହୋଇ ମୃତ୍ୟୁ ବରଣ କରିଥିଲେ ।

ଯଦିଓ ପରବର୍ତ୍ତି ସମୟରେ ଡାକ୍ତର ଲିଃଙ୍କର ଭାଇରସ ଯୋଗୁଁ ନୁହେଁ ବରଂ ତାଙ୍କୁ ଜାଣିଶୁଣି ମାରି ଦିଆଯାଇଥିବା ଉହାନବାସୀଙ୍କ ପକ୍ଷରୁ ଅଭିଯୋଗ ହୋଇଥିଲା । ହେଲେ ଏନେଇ ଏଯାବତ୍ କୌଣସି ପ୍ରମାଣ ମିଳି ନଥିଲା । ଏହାକୁ ନେଇ ଚୀନ ସରକାର ଦେଶରେ ସମାଲୋଚନାର ସରବ୍ୟ ହୋଇଥିଲେ  । ତେବେ ସବୁଠାରୁ ବଡ଼ କଥା ହେଲା ଡାକ୍ତରଙ୍କ ମୃତ୍ୟୁ ପରେ ଚୀନ ସରକାର ଯେତେବେଳେ କୋରୋନାର ଭୟାବହତା ସଂପର୍କରେ ହୃଦୟଙ୍ଗମ କଲେ ସେତେବେଳେ ସେ ଡାକ୍ତରଙ୍କ ପରିବାରଙ୍କୁ କ୍ଷମା ପ୍ରାର୍ଥନା ମାଗିଥିଲେ ।

 ଏବେ ସେଠାକାର ସରକାର ଆଉ ପାଦେ ଆଗକୁ ଯାଇ ଡଃ ଲିଃ ଓ୍ବେନଲିୟାଙ୍ଗଙ୍କୁ ସହିଦ୍ ର ମାନ୍ୟତା ଦେଇଛନ୍ତି । ସେପଟେ  ଚୀନରେ ପୁଣିଥରେ ଭାଇରସ ଫେରିଥିବା କୁହାଯାଉଥିବା ବେଳେ  ଏନେଇ ଚୀନ ରାଷ୍ଟ୍ରପତିଙ୍କ ବିରୋଧରେ ଅସନ୍ତୋଷ ତେଜିବାରେ ଲାଗିଛି । ଆଉ ଖାସ୍ ଏଥିପାଇଁ ଚୀନ ସରକାର ଜାଣିଶୁଣି ନିଜ ଉପରେ ଦୃଷ୍ଟି ଆକର୍ଷଣ କରିବା ଲାଗି ଏପରି କରି ଥିବାର ଜାତୀୟ ଗଣମାଧ୍ୟମରେ ଚର୍ଚ୍ଚା ହେଉଛି ।