
ନବରଙ୍ଗପୁର: କୋରୋନା ଭାଇରସ ସଂକ୍ରମଣକୁ ରୋକିବା ପାଇଁ ନବରଙ୍ଗପୁର ଜିଲ୍ଲା ପ୍ରଶାସନ ଲକ୍ ଡାଉନ୍ କୁ ଆହୁରି କଡାକଡି କରିଛନ୍ତି । ଆଜି ଠାରୁ ତେଜରାତି, କ୍ଷୀର, ପନିପରିବା, ଫଳ ଦୋକାନ ସକାଳ ୬.ଟାରୁ ୧୦ ଏବଂ ଅପରାହ୍ନ ୩ ଟାରୁ ସନ୍ଧ୍ୟା ୭ ପର୍ଯ୍ୟନ୍ତ ଖୋଲା ରଖିବାକୁ ନିର୍ଦ୍ଦେଶ ଦେଇଛନ୍ତି ।
କିନ୍ତୁ ଏଥିରେ କିଛି ବ୍ୟତିକ୍ରମ ଦେଖା ଦେଇଥିଲା । ଜିଲ୍ଲା ପ୍ରଶାସନ ତରଫରୁ ବଜାରରେ ଚଢାଉ କରିବା ସହ ଦୋକାନୀ ଙ୍କୁ ତାଗିଦ କରୁଥିବା ଦେଖାବାକୁ ମିଳିଛି । ଆଗାମୀ ଦିନରେ ସନ୍ଧ୍ୟା ସାତ ଟା ସମୟରେ ବନ୍ଦ କରିବାକୁ ନିର୍ଦ୍ଦେଶ ଦେଇଛନ୍ତି । ବଜାରରେ ଆଳୁ ଦର ବୃଦ୍ଧି ପାଇଥିବା ଯୋଗୁଁ ଆଳୁ ଗୋଦାମ ଗୁଡିକରେ ଚଢାଉ କରାଯାଇଥିଲା । କିନ୍ତୁ ଗୋଦାମ ମାନଙ୍କରେ ଆଳୁ ଗଚ୍ଛିତ ନଥିବା ଜଣାପଡିଛି । ତଥାପି ବଜାରରେ ଆଳୁର ଅଭାବ ରହିବ ନାହିଁ ବୋଲି ଉପ ଜିଲ୍ଲାପାଳ କହିଛନ୍ତି ।
