ଅର୍ଗସ ବ୍ୟୁରୋ:ମୟୂରଭଞ୍ଜ କରଞ୍ଜିଆ ବ୍ଲକ ରସମତଳା ପଞ୍ଚାୟତର କୋହ୍ଲ ସାହି ଏବଂ ଖେଳିଆ ସାହିରେ ପାଣି ପାଇଁ ସଂଘର୍ଷ ହୋଇଛି। କୋହ୍ଲ ସାହିରେ 25 ପରିବାର ଏବଂ ଖେଳିଆ ସାହିରେ 50 ପରିବାର ଏବେ ପାଣି ଚିନ୍ତାରେ। ଗାଁରେ ବସୁଧା ଯୋଜନାରେ ପାଣି ଟାଙ୍କି ନିର୍ମାଣ ହୋଇଛି। ପାଇପ ଲାଇନ ମଧ୍ୟ ବିଛା ଯାଇଛି ହେଲେ ପାଣି ଆସୁନି। ଆଉ କିଛି ଘରକୁ ସୂତା ଖିଅ ଧାରାରେ ପାଣି ଆସୁଛି। ଫଳରେ ଗୋଟିଏ ବାଲ୍ଟି ପାଣି ପାଇଁ ଘଣ୍ଟା ଘଣ୍ଟା ସମୟ ସରୁଛି। ଜନ ପ୍ରତିନିଧିଙ୍କ ଠାରୁ ଆରମ୍ଭ କରି RWSS କାର୍ଯାଳୟକୁ ଦୌଡ଼ି ଦୌଡ଼ି ନୟାନ୍ତ ହେଲେଣି ଗ୍ରାମବାସୀ। ହେଲେ କେହି ଣୁଣୁ ନାହାଁନ୍ତି।
ଖାଲି ଏତିକି ନୁହେଁ ପାଣି ପାଇଁ ଗ୍ରାମବାସୀ ପୋଖରୀ ଉପରେ ନିର୍ଭର କରୁଛନ୍ତି। ତେବେ ଯଦିଓ ଗାଁରେ ଗୋଟିଏ ନଳକୂପ ରହିଛି ହେଲେ ସେଥିରୁ ଗୋଳିଆ ପାଣି ବାହାରୁଛି। ଖାଲି ଏତିକି ନୁହେଁ ଲୋକଙ୍କ ପାଇଁ ପର୍ଯ୍ୟାପ୍ତ ପାଣି ନଥିବା ବେଳେ ଗୃହ ପାଳିତ ପଶୁ ମଧ୍ୟ ସଠିକ୍ ଭାବେ ପାଣି ପାଇ ପାରୁ ନାହାଁନ୍ତି। ସେପଟେ କିନ୍ତୁ ପମ୍ପ ହାଉସରୁ ଅନବରତ ପାଣି ନଷ୍ଟ ହେଉଥିବା ବେଳେ ଶୋଷରେ ଛାଟି ପିଟି ହେଉଛନ୍ତି ଗ୍ରାମବାସୀ।
ଅଧିକ ପଢନ୍ତୁ ଓଡିଶା ଖବର
