ରେଡ ଜୋନ ତାଲିକାରୁ ହଟିଲା ଖୋର୍ଦ୍ଧା, ଅରେଞ୍ଜ ଜୋନରେ ଓଡ଼ିଶାର ୬ଟି ଜିଲ୍ଲା

ଭୁବନେଶ୍ୱର:  ରେଡ ଜୋନ ତାଲିକାରୁ ହଟିଲା ଖୋର୍ଦ୍ଧା । ସଂକ୍ରମଣ କମିବା ପରେ କେନ୍ଦ୍ର ସରକାରଙ୍କ ପକ୍ଷରୁ ଜାରି ହୋଇଥିବା ସଂଶୋଧିତ ତାଲିକାରେ ଖୋର୍ଦ୍ଧା ଅରେଞ୍ଜ ଜୋନ ତାଲିକାରେ ସ୍ଥାନ ପାଇଛି । କରୋନା ପାଇଁ ହଟସ୍ପଟ ତାଲିକାରେ ଖୋର୍ଦ୍ଧାର ନାଁ ସାମିଲ କରାଯାଇଥିଲା । ମାତ୍ର ଏବେ ପରିସ୍ଥିତି ନିୟନ୍ତ୍ରଣକୁ ଆସିବା ପରେ ଅରେଞ୍ଜ ଜୋନରେ ସାମିଲ ହୋଇଛି ଖୋର୍ଦ୍ଧା । ଅରେଞ୍ଜ ଜୋନରେ ରହିଛି ଖୋଦ୍ଧା, ସୁନ୍ଦରଗଡ, କେନ୍ଦ୍ରାପଡା, କଳାହାଣ୍ଡି , କୋରାପୁଟ, ଢେଙ୍କାନାଳ ଓ ପୁରୀ ଜିଲ୍ଲା ରହିଛି । 

ରାଜ୍ୟର କରୋନା ସଂକ୍ରମଣକୁ ସାରା ଦେଶ ୩ଟି ଜୋନରେ ବିଭକ୍ତ ହୋଇଛି । ରେଡ ଜୋନରେ ଦେଶର ୧୩୦ ଜିଲ୍ଲା ମଧ୍ୟରେ ରହିଛି ଓଡିଶାର ୩ । ଅରେଂଜରେ ୬ ଜିଲ୍ଲା ଓ ଗ୍ରୀନ ଜୋନରେ ୨୧ ଜିଲ୍ଲା ରହିଛି । ରେଡରୁ ଅରେଂଜ ଜୋନକୁ ଆସିଲା ଖୋର୍ଦ୍ଧା ଜିଲ୍ଲା । ଅରେଞ୍ଜ ଜୋନରେ ଓଡ଼ିଶାର ୬ଟି ଜିଲ୍ଲା ।

ଆଉ ବାଲେଶ୍ୱର, ଭଦ୍ରକ ଓ ଯାଜପୁର ଜିଲ୍ଲା ରେଡ ଜୋନକୁ ଗଲା । କେନ୍ଦ୍ର ସରକାରଙ୍କ ପକ୍ଷରୁ ଆଜି ଜାରି ହୋଇଥିବା ତାଲିକାରୁ ଏହି ତଥ୍ୟ ମିଳିଛି । ପୂର୍ବରୁ ରେଡ ଜୋନରେ ଥିଲା ଖୋର୍ଦ୍ଧା ଜିଲ୍ଲା । ହେଲେ ଆଜି ଖୋର୍ଦ୍ଧା ଜିଲ୍ଲା ଅରେଞ୍ଜ ଜୋନରେ ତାଲିକାଭୁକ୍ତ ହୋଇଛି । ସେହିପରି ଓଡିଶାର ୩ ଜିଲ୍ଲା ବାଲେଶ୍ୱର, ଭଦ୍ରକ ଓ ଯାଜପୁର ରେଡ ଜୋନରେ ରଖାଯାଇଛି । ଅନ୍ୟପଟେ ଓଡିଶାର ୨୧ ଜିଲ୍ଲାକୁ ଗ୍ରୀନ ଜୋନରେ ରଖାଯାଇଛି । କରୋନା ସଂକ୍ରମଣକୁ ଆଖିରେ ରଖି ଦେଶର କରୋନା ଆକ୍ରାନ୍ତ ଜିଲ୍ଲାଗୁଡିକୁ ୩ଟି ଜୋନରେ ଭାଗ କରିଛନ୍ତି କେନ୍ଦ୍ର ସରକାର ।