ଯାଜପୁର : ମହାମାରୀ କୋରୋନା ପାଇଁ ସାରା ବିଶ୍ୱ ବଞ୍ଚିବାକୁ ଲଢେଇ କରୁଥିବାବେଳେ ସରକାର ଲକ ଡାଉନ ଜାରି କରି ସଂକ୍ରମଣକୁ ରୋକିବାକୁ ପ୍ରୟାସ ଜାରି ରଖିଛନ୍ତି । ମାତ୍ର ଏହି ଲକଡାଉନ ପ୍ରଭାବ ସିଧା ଚାଷୀ କୂଳକୁ ଶକ୍ତ ଆଘାତ ଦେଇଛି । ଯାହାଫଳରେ ଅମଳ ଫସଲକୁ ବିକ୍ରି କରିନପାରି ଫଳନ୍ତି ଫସଲ ଏବେ ନଷ୍ଟ ହେଉଥିବା ଦେଖି ହତାଶ ହୋଇପଡିଛନ୍ତି ପୋଟଳ ଚାଷୀ । କୋରୋନା ଆଣିଦେଇଛି ଲୋକଙ୍କ ପାଇଁ ଅନେକ ଦୁଃଖ । କିଏ ଜୀବିକା ହରାଇଛି ତ କାହାର ବର୍ଷକର ପରିଶ୍ରମ ପାଣିରେ ମିଳେଇ ଯାଇଛି । ଆଉ ଲକଡାଉନ ପରେ ବସି ଖାଇ ନଈ ବାଲି ସରେ ଭଳି ଲୋକଙ୍କ ପରିସ୍ଥିତି ହୋଇଛି । ତାଲା ବନ୍ଦ ଯୋଗୁଁ ଜୀବନଯାତ୍ରା ଠପ ହୋଇଯାଇଥିବା ବେଳେ ଚିନ୍ତାରେ ପଡିଯାଇଛନ୍ତି ପୋଟଳ ଚାଷୀ । ହଜାର ହଜାର ଏକରରେ ଚାଷ ହୋଇଥିବା ରବି ଫସଲ ବିକ୍ରି ହୋଇନପାରି ଆଖି ଆଗରେ ନଷ୍ଟ ହୋଇଯିବା ଦେଖି ହତାଶ ହୋଇପଡିଛନ୍ତି । ଏକ ଗୁଣ୍ଠ ଜମିରେ ପୋଟଳ ଚାଷ ପାଇଁ 2ହଜାର ଟଙ୍କାରୁ ଅଧିଜ ଖର୍ଚ୍ଚ ହେଉଥିବାବେଳେ ଗୁଣ୍ଠ ପ୍ରତି 5 ହଜାରରୁ 7 ହଜାର ଟଙ୍କା ଲାଭ ପାଇଥାଆନ୍ତି । କିନ୍ତୁ ଲକ ଡାଉନ ଯୋଗୁଁ ଗାଡ଼ି ମୋଟର ସବୁ ବନ୍ଦ ରହିଛି । ଫଳରେ ଚାଷୀମାନେ ପୋଟଳ ବିକ୍ରି ପାଇଁ କେଉଁଆଡେ ଯାଇ ପାରୁନାହାନ୍ତି । ପୋଟଳ ଗୁଡିକୁ ଗାଁରେ 10ରୁ 15ଟଙ୍କାରେ ବିକ୍ରି କରିବାକୁ ବାଧ୍ୟ ହେଉଛନ୍ତି । ଧାର କରଜ କରି ଚାଷ କରିଥିବା ପୋଟଳ ପାଇଁ ସାହୁକାର ଋଣ କିପରି ସୁଝିବେ ଆଉ ପରିବାର କିପରି ଚଳାଇବେ ତାକୁ ନେଇ ଚିନ୍ତାରେ ପଡିଯାଇଛନ୍ତି ଚାଷୀ ।
ଯାଜପୁର ଜିଲ୍ଲା ବଡ଼ଚଣା ବ୍ଲକର କୋଲଣଗିରି, ରଇପୁର, ସାଉଡ଼ିଆ, ବରପଦା, ବଡ଼ ବାଲିକୁଦା ଓ ମଝିପଡ଼ା ପଞ୍ଚାୟତବାସୀ ପୋଟଳ ଚାଷ ଉପରେ ନିର୍ଭର କରିଥାନ୍ତି । ଚାଷୀମାନେ ପାଖାପାଖି 2ଶହରୁ ଅଧିକ ଜମିରେ ପୋଟଳ ଚାଷ କରିଥାନ୍ତି । ସ୍ଥାନୀୟ ଅଞ୍ଚଳରୁ ଟ୍ରିପ ଟ୍ରିପ ପୋଟଳ କଟକ, ଭୁବନେଶ୍ୱର ସମେତ କୋଲକତା, ରାଞ୍ଚି, ଟାଟା, ସମ୍ବଲପୁର ଓ ରାଉରକେଲାକୁ ଚାଲାଣ କରିଥାନ୍ତି । ମାତ୍ର ଏବେ କୋରୋନା ସବୁ ପୋଟଳ ଚାଷୀଙ୍କ ମେରୁଦଣ୍ଡ ଭାଙ୍ଗି ଦେଇଛି । ଏବେ ମହାମାରୀ କୋରୋନା ସାରା ବିଶ୍ୱରେ ଆତଙ୍କ ଖେଳିଥିବାବେଳେ ସମ୍ପୂର୍ଣ୍ଣ ଭାରତ ଏବେ ଲକ ଡାଉନରେ । ଏଭଳି ମହାବିପତ୍ତି ସମୟରେ କୃଷିକୁ ନେଇ ଅନେକ ପରିବାର ବା ପେଟକୁ ଦାନାକନା ପାଉଥିବାବେଳେ ଆଖି ଆଗରେ ବେଉସା ବୁଡିଯାଉଥିବା ଦେଖି ମୁଣ୍ଡରେ ହାତ ଦେଇ ବସିଛି ଚାଷୀ କୂଳ । ସେପଟେ ସହରରେ ପରିବା ଅଭାବ ଯୋଗୁଁ, ଚଢାଦରରେ ବିକ୍ରି ହେଉଛି ।
ଭୁବନେଶ୍ବର: ଜନ୍ମମାଟିରେ ପହଞ୍ଚିଲେ ଉତ୍ତରକାଶି ସୁଡ଼ଙ୍ଗରୁ ମୁକୁଳିଥିବା ଶ୍ରମବୀର । ଭୁବନେଶ୍ବରରୁ ଯାଇ ପହଞ୍ଚିବା ପରେ ଗାଁରେ ଭାବବିହ୍ବଳ ପରିବେଶ । ଶ୍ରମିକଙ୍କୁ ନେଇ କ୍ଷଣିକ ଖୁସି, କିନ୍ତୁ ଦାଦନ ସମସ୍ୟା ପାଇଁ ଚିରସ୍ଥାୟୀ ଦୁଃଖ । କଥା ହେଲା ଏମାନେ ଏବେ ଆଗକୁ କରିବେ କଣ। ଓଡ଼ିଶାରେ ରୋଜଗାର ସମ୍ଭାବନା ନ ଥିବାରୁ ଏମାନେ ପୁଣି ବାହାର ରାଜ୍ୟକୁ ଦାଦନ ଖଟିବାକୁ ଯିବେ। ପ୍ରଶ୍ନ ହେଲା ଅପାର ସମ୍ଭାବନା ସତ୍ତ୍ବେ ରାଜ୍ୟରେ ରୋଜଗାର ସୃଷ୍ଟିରେ କାହିଁକି ବିଫଳ ହୋଇଛି ବିଜେଡି ସରକାର ।
ଜନ୍ମମାଟିରେ ପହଞ୍ଚିଲେ ଉତ୍ତରକାଶି ସୁଡ଼ଙ୍ଗ ଶ୍ରମବୀର
ଭୁବନେଶ୍ବରରୁ ଯାଇ ପହଞ୍ଚିବା ପରେ ଗାଁରେ ଭାବବିହ୍ବଳ ପରିବେଶ
ଶ୍ରମିକଙ୍କୁ ନେଇ କ୍ଷଣିକ ଖୁସି, କିନ୍ତୁ ଦାଦନ ସମସ୍ୟା ପାଇଁ ଚିରସ୍ଥାୟୀ ଦୁଃଖ
ଅପାର ସମ୍ଭାବନା ସତ୍ତ୍ବେ ରାଜ୍ୟରେ ରୋଜଗାର ସୃଷ୍ଟିରେ ବିଫଳ ବିଜେଡି ସରକାର
ପେଟ ପାଇଁ ପୁଣି ବିଦେଶ ଯିବାକୁ ବାଧ୍ୟ ଓଡ଼ିଆ ଶ୍ରମିକ
ଉତ୍ତରାଖଣ୍ଡ ସୁଡ଼ଙ୍ଗରୁ ଉଦ୍ଧାର ଶ୍ରମିକଙ୍କ ସହ ଶୁକ୍ରବାର ଭୁବନେଶ୍ବର ବିମାନ ବନ୍ଦରରେ ପହଞ୍ଚିବା ପରେ ଇଏ ଥିଲା ରାଜ୍ୟ ଶ୍ରମମନ୍ତ୍ରୀଙ୍କ ଅଧିକୃତ ବୟାନ। ଶାରଦା ନାୟକଙ୍କ ଅନୁସାରେ କେତେ ଦାଦନ ଓଡ଼ିଶା ବାହାରେ ସଂଘର୍ଷ କରୁଛନ୍ତି ସେଥିନେଇ ସରକାରଙ୍କର କିଛି ପରବାୟ ନାହିଁ । ପେଟ ପାଇଁ ବାଧ୍ୟରେ ବାହାର ରାଜ୍ୟକୁ ଯାଉଥିବା ଶ୍ରମିକଙ୍କୁ ରାଜ୍ୟରେ ନିଯୁକ୍ତି ଦେବା ବିଜେଡି ସରକାର ପାଇଁ ପ୍ରସଙ୍ଗ ହିଁ ନୁହେଁ । ଅର୍ଥାତ୍ ଦାଦନଙ୍କୁ ନେଇ କିଛି କରିବ ନାହିଁ ବିଜେଡି । ଏମାନେ ପୁଣି ଦାଦନ ଖଟିବାକୁ ଯିବେ । ଗୋଟିଏ ପଟେ ଶ୍ରମମନ୍ତ୍ରୀଙ୍କ ଏ ବୟାନରେ ଲୁଚିଛି ପ୍ରଚାରରେ ମାତିଥିବା 24 ବର୍ଷର ସରକାରର ଚରମ ଅପାରଗତା ଅନ୍ୟପଟେ ରାଜ୍ୟର ଦାଦନ ସମସ୍ୟା ପ୍ରସଙ୍ଗରେ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ ବାରମ୍ବାର ପ୍ରକଟ କରିଛନ୍ତି ଚିନ୍ତା।
ରାଜ୍ୟରେ କାମ ମିଳୁଥିଲେ ବିଦେଶ ଯାଉ ନ ଥାନ୍ତେ ଓଡ଼ିଆ । କେତେବେଳେ ଜୀବନ ଧରି ଫେରିବେ ତ ଆଉ କେତେବେଳେ ଶବ ହୋଇ। ଆଉ ଏମାନଙ୍କ ଅବସ୍ଥାକୁ ନେଇ ଏମିତି ଆଶଙ୍କାରେ ରହିବେ ପରିଜନ। ଏମିତି ହେବେ ବିକଳ।
ସେପଟେ ଦାଦନ ସମସ୍ୟା ନେଇ ରାଜ୍ୟ ସରକାରଙ୍କ ଉପରେ ଜୋରଦାର ବର୍ଷିଛି ବିଜେପି। ତେଜେଶ୍ବର ପରିଡ଼ା କହିଛନ୍ତି ଶ୍ରମିକଙ୍କ ଅସହାୟତାର ଫାଇଦା ନେଉଛନ୍ତି ରାଜ୍ୟ ସରକାର। ଉତ୍ତରାଖଣ୍ଡରୁ ଫେରିଥିବା ଓଡ଼ିଆ ଶ୍ରମିକ କାମ ନାହିଁ ବୋଲି ପୁଣି ସୁଡ଼ଙ୍ଗକୁ ଫେରିବେ କହିବା ବିଜେଡି ପାଇଁ ଲଜ୍ଜାଜନକ। ଗୋଟିଏ ପଟେ ଓଡ଼ିଆଙ୍କୁ କାମ ଯୋଗାଇବାରେ ବିଫଳ ରାଜ୍ୟ ସରକାର। ଅନ୍ୟପଟେ ବିଧାନସଭାରେ ମିଛ କହୁଛନ୍ତି ଶ୍ରମମନ୍ତ୍ରୀ। ଯଦି ଉତ୍ତରାଖଣ୍ଡରେ ଫସିଥିବା 41 ଶ୍ରମିକଙ୍କ ମଧ୍ୟରେ 5 ଜଣ ଓଡ଼ିଆ, ତେବେ ସାରା ଦେଶରେ କେତେ ଓଡ଼ିଆ ଦାଦନ ଅଛନ୍ତି ସ୍ପଷ୍ଟ ଅନୁମେୟ।
24 ବର୍ଷର ଶାସନରେ ପୁରୁଷାର୍ଥ ଅଭାବରୁ ପରିଶ୍ରମୀ ଓଡ଼ିଆ ସାଜିଛି ବେକାର। ଯଦି 24 ବର୍ଷ ଭିତରେ ଓଡ଼ିଶାରେ ଭରି ରହିଥିବା ପ୍ରାକୃତିକ ସଂଶାଧନର ସୁବିନିଯୋଗ କରାଯାଇଥାନ୍ତା ଆଜି କଣ ଲକ୍ଷ ଲକ୍ଷ ଓଡ଼ିଆଙ୍କୁ ଦାଦନ ଖଟିବା ପାଇଁ ବାହାର ରାଜ୍ୟକୁ ଯିବାକୁ ପଡ଼ୁଥାନ୍ତା ? ଉତ୍ତରାଖଣ୍ଡରୁ ଫେରିଥିବା 5 ଶ୍ରମିକଙ୍କ ଉପରେ ଫୋକସ୍ କରୁଛନ୍ତି ରାଜ୍ୟ ସରକାର। କିନ୍ତୁ ପ୍ରଶ୍ନ ହେଲା ଦାଦନ ଖଟିବାକୁ ଯାଉଥିବା ଲକ୍ଷ ଲକ୍ଷ ଓଡ଼ିଆ କେତେଦିନ ରୋଜଗାର ପାଇଁ ଅନ୍ୟ ରାଜ୍ୟ ଉପରେ ନିର୍ଭର କରିବେ ? ଅପାର ସମ୍ଭାବନା ସତ୍ତ୍ବେ କାହିଁକି ରାଜ୍ୟରେ ରୋଜଗାର ସୃଷ୍ଟିରେ ବିଫଳ ବିଜେଡି ସରକାର ?
ଅଧିକ ପଢନ୍ତୁ ଓଡ଼ିଶା ଖବର