ଲକ୍‌ଡାଉନ୍‌ର ୯ ଦିନରେ ଦେଶବାସୀ ଅନୁଶାସନ ଓ ସେବା ମନୋଭାବର ପରିଚୟ ଦେଇଛନ୍ତି: ମୋଦି

ନୂଆଦିଲ୍ଲୀ: ଆଜି ପୁଣି ତୃତୀୟ ଥର ପାଇଁ  ଦେଶକୁ ସମ୍ବୋଧିତ କରିଛନ୍ତି  ମୋଦି । ପ୍ରଧାନମନ୍ତ୍ରୀ  ନରେନ୍ଦ୍ର ମୋଦି ଆଜି ସକାଳ 9ଟାରେ ଦେଶବାସୀଙ୍କୁ ଭିଡିଓ କନ୍‌ଫରେନ୍ସ ମାଧ୍ୟମରେ ବାର୍ତ୍ତା ଦେଇଛନ୍ତି । ମୋଦି କହିଛନ୍ତି ମହାମାରୀ କୋରୋନା ବିରୋଧରେ ଲକ୍‌ଡାଉନ୍‌ ଆଜିକୁ  9 ଦିନ ପୁରିଲା । ଏହି ସମୟରେ ଦେଶବାସୀ ଅନୁସାଶନ ଓ ସେବା ମନୋଭାବର ପରିଚୟ  ଦେଇଛନ୍ତି ।  ଶାସନ-ପ୍ରଶାସନ ଏବଂ ଜନତା  ଜନାର୍ଦ୍ଦନ  ଏହି ପରିସ୍ଥିତିକୁ ବହୁତ ସୁନ୍ଦର ଭାବେ ସମ୍ଭାଳି କାର୍ଯ୍ୟ କରିଛନ୍ତି  ।

ଦେଶକୁ ସମ୍ବୋଧିତ କରି ମୋଦି ପୁଣି ଅପିଲ କରିଛନ୍ତି ରବିବାର (ଏପ୍ରିଲ 5) ରାତି 9ଟାରେ ନିଜ ଘର ବାହାରେ ଦୀପ, ଟର୍ଚ୍ଚ ବା ମହମବତୀ ଜଳାଇବେ । ଏହି ଏକତା ବାର୍ତ୍ତା ଦେଇ ଆମେ କୋରୋନାର ଅନ୍ଧାରକୁ ଦୂରେଇପାରିବା ବୋଲି ଦେଶବାସୀଙ୍କୁ ମୋଦି ଆହ୍ୱାନ ଦେଇଛନ୍ତି  ।

22 ମାର୍ଚ୍ଚ  ରବିବାର ଦିନ ଯେଉଁ  ପ୍ରକାରେଏହି କୋରୋନା  ଯୁଦ୍ଧକୁ ଲଢିଥିବା ସମସ୍ତଙ୍କୁ ବ୍ୟକ୍ତିଙ୍କୁ ଧନ୍ୟବାଦ ଜଣାଇଛନ୍ତି ମୋଦି । ଆଜି ବହୁ ଦେଶ ଆମର ଜନତା କର୍ଫ୍ୟୁ କୁ ସମର୍ଥନ ଜଣାଇ ଏହାର ଅନୁକରଣ କରୁଛନ୍ତି ଏବଂ ସାରା ବିଶ୍ୱ ପାଇଁ ଏହା ମିଶାଲ ହୋଇଗଲା ବୋଲି ମୋଦି କହିଛନ୍ତି ।