ଶିକ୍ଷକଙ୍କ ଶିଶୁ ଶ୍ରମିକଙ୍କୁ କାମରେ ଲଗାଇବା ଘଟଣା

by Banajyotshna Ray

ମାଲକାନଗିରି: ଶିକ୍ଷକଙ୍କ ଶିଶୁ ଶ୍ରମିକଙ୍କୁ କାମରେ ଲଗାଇବା ଘଟଣା । ଶିଶୁ ସୁରକ୍ଷା ଓ ଶିକ୍ଷକଙ୍କ ବିରୋଧରେ କାର୍ଯ୍ୟାନୁଷ୍ଠାନ ନେଇ ଅସ୍ପଷ୍ଟ । ସପ୍ତାହକ ବିତିଗଲେ ମଧ୍ୟ କାର୍ଯ୍ୟାନୁଷ୍ଠାନ ଶୁନ୍ । ସୂଚନାନୁସାରେ, ଗତ ସପ୍ତାହରେ କାଲିମେଳା ବ୍ଲକ ଅନ୍ତର୍ଗତ ଏମଭି ୭୯ ଗ୍ରାମଠାରେ ନିଜର ହିତାହିତ ଜ୍ଞାନ ଭୁଲି ଜଣେ ବରିଷ୍ଠ ଶିକ୍ଷକ ନିଜର ଦୁଇ ମହଲା ବିଶିଷ୍ଟ ଘର ଛାତ ଉପରେ ଦୁଇ କୁନିକୁନି ଶିଶୁଙ୍କୁ କାମରେ ଲଗାଇ ଥିଲେ । ଉଦୁଉଦିଆ ଖରାବେଳେ କୁନିକୁନି ଶିଶୁ ଦୁଇଜଣ ଶିକ୍ଷକଙ୍କ ଛାତ ଉପରେ ବାଲି, ଗୋଡ଼ି ଓ ଇଟା ଘଟଣା ବୋହୁଥିବାର ଦୃଶ୍ୟ ବିଭିନ୍ନ ଗଣମାଧ୍ୟମରେ ପ୍ରକାଶିତ ହେବାପରେ ପରେ ଶିଶୁ ଶ୍ରମିକର ନଗ୍ନ ଦୃଶ୍ୟ ପଦାକୁ ଆସିଥିଲା।

ଏହାପରେ ଶିଶୁ ବିଭାଗ ଓ ଚାଇଲ୍ଡ ଲାଇନ ପକ୍ଷରୁ ତନାଘନା କରାଯାଇ ଶିଶୁ ଦୁହିଁଙ୍କୁ ଠାବ କରାଯାଇ ପ୍ରକୃତ ଘଟଣାର ତଦନ୍ତ କରାଯାଇଥିଲା । ଉଭୟ ଶିଶୁଙ୍କୁ ଉଦ୍ଧାର ପରେ ସେମାନଙ୍କ ଅସହାୟତାକୁ ହୃଦବୋଧ କରି ବିଭାଗ ପକ୍ଷରୁ ଉପଯୁକ୍ତ ସହଯୋଗ କରାଯିବାର ବ୍ୟବସ୍ଥା ମଧ୍ୟ କରାଗଲା। ତେବେ ମାନବିତାକୁ ଭୁଲି ଯାଇ ସମାଜର ଜଣେ ସମ୍ମାନ ପ୍ରାପ୍ୟ ଶିକ୍ଷକ କିଭଳି, କେଉଁ ପରିସ୍ଥିତିରେ ଦୁଇ ଶିଶୁଙ୍କୁ କାମରେ ଲଗାଇଲେ ଓ ଏଥିପାଇଁ ଶିକ୍ଷକଙ୍କ ବିରୋଧରେ କି କାର୍ଯ୍ୟାନୁଷ୍ଠାନ ଗ୍ରହଣ କରାଗଲା ସେ ସମ୍ପର୍କରେ କୌଣଷି ତଥ୍ୟ ଦିଆଗଲା ନାହିଁ । ତେବେ ପ୍ରଶ୍ନ ଉଠୁଛି ଆଉ କେତେଦିନ ଶିଶୁମାନେ ଏଭଳି ଶ୍ରମିକଭାବେ କାର୍ଯ୍ୟକରିବେ ?

ଆତ୍ମହତ୍ୟା କରୁକରୁ ବଞ୍ଚିଗଲେ ବୃଦ୍ଧା

by Swayangprajna Mishra

କେନ୍ଦ୍ରାପଡା : କଥାରେ ଅଛି, ଯାହାକୁ ରଖିବେ ଅନନ୍ତ କି କରି ପାରେ ବଳବନ୍ତ। ଆତ୍ମହତ୍ୟା କରୁକରୁ ବଞ୍ଚିଗଲେ ବୃଦ୍ଧା. ଏପରି ଦୃଶ୍ୟ ଦେଖବାକୁ ମିଳିଛି କେନ୍ଦ୍ରାପଡ଼ା ଜିଲ୍ଲା କୁଦାନଗରୀ ଥାନା ଅର୍ନ୍ତଗତ ଲୁଣା ନଦୀ ନିକଟରେ. ଏଠାରେ ଜଣେ ବୃଦ୍ଧାଙ୍କୁ ଜୀବନ୍ତ ଅବସ୍ଥାରୁ ଉଦ୍ଧାର କରାଯାଇଛି. ସୂଚନା ମୁତାବକ ବୃଦ୍ଧା ଜଣକ ଲୁଣା ନଦୀକୁ ଡେଇଁ ଆତ୍ମହତ୍ୟା ଉଦ୍ୟମ କରିଥିଲେ.

ଅଧିକ ପଢନ୍ତୁ : କାରରୁ ପାଣିକୁ ଡେଇଁପଡିଲେ ମହିଳା

ଦୁଇକିଲୋମିଟର ଭାସିଯିବା ପରେ ମଧ୍ୟ ସେ ବୁଡି ଯାଇନଥିଲେ. ମାହାରା କୂଳରେ ଭାସିଭାସି ଲାଗିବା ପରେ ସ୍ଥାନୀୟ ଲୋକ ଙ୍କ ସହାୟତା ରେ ଜୀବନ୍ତ ଅବସ୍ଥା ରେ ଉଦ୍ଧାର ହେଲେ . ହେଲେ ବୃଦ୍ଧାଙ୍କର ପରିଚୟ ଏପର୍ଯ୍ୟନ୍ତ ମିଳିପାରିନାହିଁ. ସ୍ଥାନୀୟ ଲୋକମାନେ ୧୦୮ ଯୋଗେ କେନ୍ଦ୍ରାପଡ଼ା ମେଡିକାଲକୁ ପ୍ରାଥମିକ ଚିକିତ୍ସା ପାଇଁ ପଠାଇଛନ୍ତି . ବୃଦ୍ଧା ଜଣଙ୍କ ସୁସ୍ଥ ଅବସ୍ଥାରେ ଉଦ୍ଧାର ହୋଇ ଥିଲେ ।

ବିବାହ ପ୍ରସ୍ତାବ ଦେଇ ଯୁବତୀଙ୍କଠୁ ସୁନା ଠକି ନେଲେ

by Manini Pattanayak

କଟକ: ବିବାହ ପଞ୍ଜିକରଣ ସାଇଟରେ ବିବାହ ପ୍ରସ୍ତାବ ଦେଇ ଠକେଇ। କଟକର ଜଣେ ଯୁବତୀଙ୍କ ସହ ବନ୍ଧୁତା କରି ସୁନା ଠକେଇ। ନିଜକୁ ଜଣେ ଆୟାକର ବିଭାଗ ଅଧିକରୀ ବୋଲି ପରିଚୟ ଦେଇ ଠକେଇ। ଦେଢ଼ ଲକ୍ଷ ଟଙ୍କାର ସୁନା ଠକି ନେଇଥିବା ଅଭିଯୋଗ। ଠକେଇ ଅଭିଯୋଗରେ କଟକର ଜଣେ ଯୁବକ ଗିରଫ।