ରଥଯାତ୍ରା ଷଡଯନ୍ତ୍ର ମାମଲା, ଓଡିଶା ବିକାଶ ପରିଷଦ ଭୂମିକାକୁ ନେଇ ପ୍ରଶ୍ନ ଉଠାଇଲେ ବିଜେପି ରାଜ୍ୟ ସମ୍ପାଦକ ଦିଲ୍ଲୀପ ମଲ୍ଲିକ

ରଥଯାତ୍ରା ଷଡଯନ୍ତ୍ର ମାମଲା, ଓଡିଶା ବିକାଶ ପରିଷଦ ଭୂମିକାକୁ ନେଇ ପ୍ରଶ୍ନ ଉଠାଇଲେ ବିଜେପି ରାଜ୍ୟ ...

by Rasmita Pradhan

ଅର୍ଗସ ବ୍ୟୁରୋ : ପୁଣି ଉଠିଲା ରଥଯାତ୍ରା ଷଡଯନ୍ତ୍ର ମାମଲା । ଓଡିଶା ବିକାଶ ପରିଷଦ ଭୂମିକାକୁ ନେଇ ପ୍ରଶ୍ନ ଉଠାଇଛନ୍ତି ବିଜେପି ରାଜ୍ୟ ସମ୍ପାଦକ ଦିଲ୍ଲୀପ ମଲ୍ଲିକ । ସେ କହିଛନ୍ତି ଯେ, ସୁପ୍ରିମକୋର୍ଟରେ ଲଢିବାକୁ ଦେଶର ବଡ ବଡ ଓକିଲଙ୍କୁ ନିଯୁକ୍ତ କରିବା ପାଇଁ ଓଡିଶା ବିକାଶ ପରିଷଦ ଅର୍ଥ କେଉଁଠୁ ପାଇଲା ? ପରିଷଦ ଏତେ ନାମୀଦାମୀ ଓକିଲଙ୍କୁ କେସ ଦେବା ପଛରେ କିଏ କିଏ ଅଛନ୍ତି ? ଏହା ତଦନ୍ତ ହେବା ଆବଶ୍ୟକ । ରଥଯାତ୍ରାକୁ ବନ୍ଦ କରିବା ପାଇଁ ସୁପ୍ରିମକୋର୍ଟ ଯାଇଥିବା ଓଡ଼ିଶା ବିକାଶ ପରିଷଦ ସକାଶେ କିଏ ଅର୍ଥ ଖର୍ଚ୍ଚ କରିଛନ୍ତି ? ଅନ୍ୟ କୌଣସି ଧର୍ମର ସ°ସ୍ଥା କିମ୍ବା ରାଜ୍ୟର କେହୀ ବଡଲୋକ ୟା ପଛରେ ନାହାନ୍ତି ତ ! ତାହାର ତଦନ୍ତ ହେବା ଜରୁରୀ।

ସୁପ୍ରିମକୋର୍ଟରେ 'ଓଡିଶା ବିକାଶ ପରିଷଦ' ନାମକ ଏନଜିଓ ସ୍ୱର ସହ ରାଜ୍ୟ ସରକାରଙ୍କ ଓକିଲ ସ୍ୱର ମିଳାଇବା ସାଘା°ତିକ ଷଡଯନ୍ତ୍ର ଆଡକୁ ଅଙ୍ଗୁଳି ନିର୍ଦ୍ଦେଶ କରୁନି କି ? ରଥଯାତ୍ରାକୁ ବନ୍ଦ କରିବା ପାଇଁ ହାଇକୋର୍ଟରେ ଆବେଦନ ହେବାର 15 ଦିନ ପୂର୍ବରୁ ଜୁନ 25 ପର୍ଯ୍ୟନ୍ତ 'ଓଡିଶା ବିକାଶ ପରିଷଦ'ର ମୁଖ୍ୟ ସୁଶାନ୍ତ ପାଢୀଙ୍କର ସମସ୍ତ ଟେଲିଫୋନ/ମୋବାଇଲର କଲ ହିଷ୍ଟ୍ରୀକୁ ଯାଞ୍ଚ କରାଯାଇ ତଦନ୍ତଭୁକ୍ତ କରାଯିବା ଆବଶ୍ୟକ ବୋଲି କଟକ ସଦର ଭାଜପା ନେତା ତଥା ରାଜ୍ୟ ସମ୍ପାଦକ ଦିଲ୍ଲୀପ ମଲ୍ଲିକ ଟ୍ୱିଟ ଯୋଗେ କହିଛନ୍ତି ।