10 lakh 60 thousand rupees worth of brown sugar was seized from Cuttack

କଟକରୁ 10 ଲକ୍ଷ 60 ହଜାର ଟଙ୍କାର ବ୍ରାଉନସୁଗାର ଜବତ

by Smruti Parija

10 lakh 60 thousand rupees worth of brown sugar was seized from Cuttack

କଟକ: ବ୍ରାଉନସୁଗାର କବଳରେ କଟକର ଲଲବାଗ ଅଞ୍ଚଳ । କିଛି ଦିନ ପରେ କଟକରୁ ପୁଣି ଜବତ ହେଲା ବ୍ରାଉନ ସୁଗାର । 10 ଲକ୍ଷ 60 ହାଜର ଟଙ୍କାର 106 ଗ୍ରାମ ବ୍ରାଉନ ସୁଗାର ଜବତ ହୋଇଛି । ଏହି ମାମଲାରେ ଦୁଇ ଜଣ ବ୍ରାଉନ ସୁଗାର ବ୍ୟବସାୟୀକୁ ଗିରଫ କରିବା ସହ ସେମାନଙ୍କ ଠୁ 2 ଲକ୍ଷ 80 ହଜାର ଟଙ୍କା ମଧ୍ୟ ଜବତ କରାଯାଇଛି । ଏନେଇ ସୂଚନା ଦେଇଛନ୍ତି କଟକ ଡିସିପି ପ୍ରତୀକ ସିଂ ।

ଦୁଇ ବ୍ୟବସାୟୀ କଟକର । ମୁଖ୍ୟତଃ ଲଲବାଗ ଅଞ୍ଚଳ ଓ ବିଡାନସୀ ଅଞ୍ଚଳ ରେ ରହି ଦୀର୍ଘ ଦିନ ଧରି ବ୍ୟବସାୟ କରୁଥିଲେ । ଏମାନେ ଜଳେଶ୍ୱର ଓ ବାଲେଶ୍ଵରରୁ ବ୍ରାଉନସୁଗାର ଆଣି କଟକରେ ବ୍ୟବସାୟ କରୁଥିବା କହିଛନ୍ତି କଟକ ଡିସିପି । କଟକରୁ ବ୍ରାଉନସୁଗାର ମୁକ୍ତ କରିବା ପାଇଁ ଛୋଟ ଛୋଟ ବ୍ୟବସାୟୀଙ୍କ ଉପରେ କଡା ନଜର ରଖିଛି ପୋଲିସ ।

ଜମିବାଡ଼ି ବିବାଦକୁ ନେଇ ଗଣ୍ଡଗୋଳ, ଦୁଇ ଗିରଫ

by Manini Pattanayak

ପୁରୀ: ଜମିବାଡ଼ି ବିବାଦକୁ ନେଇ ଗଣ୍ଡଗୋଳ ପୁରୀ ଜିଲ୍ଲା ଚାରିଛକ ଥାନା ଅନ୍ତର୍ଗତ ତୁଳସିପୁର ପଞ୍ଚାୟତର ପଥରପଦା ଗ୍ରାମରେ ଜମିବାଡ଼ି ବିବାଦକୁ ନେଇ ଦୁଇ ଦିନ ତଳେ ଦୁଇ ପରିବାର ମଧ୍ୟରେ ଗଣ୍ଡଗୋଳ ଘଟିଛି । ଯାହା ଫଳରେ କି ଦୁଇଜଣ ଗୁରୁତର ଆହତ ହୋଇ ଚାରିଛକ ମେଡ଼ିକାଲରେ ଚିକିତ୍ସିତ ହେଉଥିଲେ I ସେଠାରେ ସେମାନଙ୍କ ସ୍ବାସ୍ଥ୍ୟ ଅବସ୍ଥା ଗୁରୁତର ହେବାରୁ ତାଙ୍କୁ କଟକ ମେଡିକାଲକୁ ସ୍ଥାନାନ୍ତରିତ କରାଯାଇଛି । ଏ ନେଇ ଉଭୟ ପରିବାର ପକ୍ଷରୁ ଚାରିଛକ ଥାନାରେ ପୃଥକ୍ ପୃଥକ୍ ଦୁଇଟି ଅଭିଯୋଗ ହୋଇଛି ।

ପୋଲିସ ଦୁଇଟି ମାମଲା ରୁଜୁ କରି ଉଭୟ ପକ୍ଷରୁ ଦୁଇ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି। ଅନ୍ୟପଟେ ଏହି ମାମଲାର ମୁଖ୍ୟ ଅଭିଯୁକ୍ତ କୁ ଗିରଫ କରିବା ବଦଳରେ ଅଯଥାରେ ଏକ ନିରୀହ ବ୍ୟକ୍ତିଙ୍କୁ ଗିରଫ କରିବା ପ୍ରତିବାଦରେ ଗ୍ରାମର ପ୍ରାୟ 30 ରୁ ଉର୍ଦ୍ଧ ମହିଳା ମାନେ ଆସି ଥାନା ସମ୍ମୁଖରେ ଧାରଣାରେ ବସିଥିଲେ । ଚାରିଛକ ଥାନା ଅଧିକାରୀଙ୍କ ବୁଝା ସୁଝା ପରେ ମହିଳାମାନେ ଧାରଣା ସ୍ଥଳରୁ ଉଠିଥିଲେ ।

ଅଧିକ ପଢନ୍ତୁ ଓଡ଼ିଶା ଖବର

ପରିବାର ଲୋକଙ୍କୁ ମୃତଦେହ ହସ୍ତାନ୍ତର ପ୍ରକ୍ରିୟା ଜାରି

by Banajyotshna Ray

The process of handing over the dead bodies to the family members continues

ଅର୍ଗସ ବ୍ୟୁରୋ: ବାଲେଶ୍ୱର ଟ୍ରେନ ଦୁର୍ଘଟଣା ଘଟଣା। ଏହି ଘଟଣାରେ ଅନେକଙ୍କ ଜୀବନ ଚାଲିଯାଇଥିବାବେଳେ ଅନେକ ଆହତ ହୋଇଛନ୍ତି।ପରିବାର ଲୋକଙ୍କୁ ମୃତଦେହ ହସ୍ତାନ୍ତର ପ୍ରକ୍ରିୟା ଜାରି ରହିଛି। ବର୍ତ୍ତମାନ ସୁଦ୍ଧା ୧୨୦ଟି ଶବ ମଧ୍ୟରୁ ୪୦ ଜଣଙ୍କ ମୃତଦେହକୁ ତାଙ୍କ ଠିକଣା ଜାଗାକୁ ପଠାଯାଇଛି। ୫୦ରୁ ଉର୍ଦ୍ଧ ମୃତଦେହର ପରିଚୟ ମିଲିପାରିଛି। ଡିଏନଏ ଟେଷ୍ଟ ପାଇଁ ସମସ୍ତ ବ୍ୟବସ୍ଥା କରାଯାଇଛି। ଗତକାଲି ବାହାନଗାରୁ ୧୬୦ଡି ମୃତଦେହ ଭୁବନେଶ୍ୱର ଆସିଥିବା ବେଳେ ଏମ୍ସରେ ଶହେଟି ରଖାଯାଇଥିଲା।

ଏମ୍ସରେ ପ୍ରଥମେ ଶବ ଗୁଡ଼ିକର ଫଟୋ ନିଆଯାଇଛି ଏବଂ ନମ୍ବର ସହ ଟ୍ୟାଗ ଲଗାଯାଇଛି । ସମ୍ପର୍କୀୟମାନେ ଫଟୋ ଦେଖାଇ ମୃତଦେହ ନେଇଛନ୍ତି। ଅନ୍ୟପଟେ ଶବ ସଂରକ୍ଷଣ ପାଇଁ ଦିଲ୍ଲୀ ଏମ୍ସରୁ ଶବ ସଂରକ୍ଷଣ ବିଶେଷଜ୍ଞ ଟିମ୍ ଆସିଛି।

ଅଧିକ ପଢ଼ନ୍ତୁ ଓଡିଶା ଖବର:

ଦଳିତ ଯୁବକଙ୍କୁ ସଂଘବଦ୍ଧ ଭାବେ ଆକ୍ରମଣ ଅଭିଯୋଗ

by Banajyotshna Ray

Accused of gang-related assault on oppressed youth

ଅର୍ଗସ ବ୍ୟୁରୋ: ଘସିପୁରାରେ ପୁଣି ରାଜନୈତିକ ହିଂସା । ଘସିପୁରା ବିଧାୟକଙ୍କ ପୁତ୍ର ଦେବାଶିଷ ପାତ୍ର ଓରଫ୍ ଟୁଟୁ ପାତ୍ରଙ୍କ ବିରୋଧରେ ଯାଉଥିବାରୁ ଦଳିତ ଯୁବକଙ୍କୁ ସଂଘବଦ୍ଧ ଭାବେ ଆକ୍ରମଣ ଅଭିଯୋଗ। ଆକ୍ରମଣର ଦୃଶ୍ୟ ସିସିଟିଭିରେ କଏଦ ହୋଇଛି । ଥାନାରେ ମାମଲା ଦାୟର ପରେ ପୋଲିସର ଛାନଭିନ୍ନ।

ଅଭିଯୋଗ ଅନୁଯାୟୀ ଗତକାଲି ଅପରାହ୍ନରେ ଘସିପୁରା ଥାନା ଦେଓଗାଁର ରାଜୀବ ଲୋଚନ ଜେନା କେଶଦୁରାପାଳ ନିଜ ସମ୍ପର୍କୀୟଙ୍କ ଘରୁ ଫେରୁଥିବା ବେଳେ ରେକୁଟିଆ ନିକଟରେ ତରିମୂଳ ଗ୍ରାମର ୧୦ ରୁ ଉର୍ଦ୍ଧ୍ୱ ଯୁବକ ବିଭିନ୍ନ ମାରଣାସ୍ତ୍ର ଧରି ରାଜୀବଙ୍କୁ ଆକ୍ରମଣ କରିଥିଲେ ।ଏ‌ହି ସମୟରେ ସଂପୃକ୍ତ ଯୁବକମାନେ ରାଜୀବଙ୍କୁ ଜାତିଆଣ ଆକ୍ଷେପ କରି ଅଶ୍ଳୀଳ ଭାଷାରେ ଗାଳି ଗୁଲଜ କରିବା ସହ ଆମ ନେତା ଟୁଟୁ ପାତ୍ରଙ୍କ ବିରୋଧରେ କଣ ଯାଉଛୁ କହି ଆକ୍ରମଣ କରିଥିବା ନେଇ ରାଜୀବ ଘସିପୁରା ଥାନାରେ ଲିଖିତ ଅଭିଯୋଗ କରିଛନ୍ତି ।

ଅଭିଯୋଗ ପାଇବା ପରେ ଘସିପୁରା ପୋଲିସ ଛାନଭିନ ଆରମ୍ଭ କରିଥିଲେ ମଧ୍ୟ ଏପର୍ଯ୍ୟନ୍ତ କାହାରିକୁ ଗିରଫ କରିପାରିନାହିଁ । ଘସିପୁରା ନିର୍ବାଚନ ମଣ୍ଡଳୀରେ ବିଭିନ୍ନ ସମୟରେ ଆକ୍ରମଣ ଏବଂ ହତ୍ୟାକାଣ୍ଡ ହେଉଥିବା ବେଳେ ଏସବୁ ଘଟଣାରେ ଘସିପୁରା ବିଧାୟକଙ୍କ ପୁତ୍ର ଦେବାଶିଷ ପାତ୍ର ଓରଫ୍ ଟୁଟୁ ପାତ୍ର ଙ୍କ ହାତ ପ୍ରତ୍ୟକ୍ଷ ଏବଂ ପରୋକ୍ଷରେ ରହିଥିବା ନେଇ ପୀଡ଼ିତ ଙ୍କ ପରିବାର ପକ୍ଷରୁ ଅଭିଯୋଗ ହୋଇଛି ।କିନ୍ତୁ ପୋଲିସ ଆଜି ପର୍ଯ୍ୟନ୍ତ ସେଭଳି କୌଣସି ଆଖି ଦୃଶୀଆ ପଦକ୍ଷେପ ନେଇ ନାହିଁ । ରାଜୀବ ଏବେବି ଭୟଭୀତ ଅବସ୍ଥାରେ ଥିବା ବେଳେ ପୋଲିସ ଠାରୁ ନ୍ୟାୟ ଆଶା କରିଛନ୍ତି ।

ଅଧିକ ପଢ଼ନ୍ତୁ ଓଡିଶା ଖବର:

Download Argus News App