ନବରଙ୍ଗପୁର : ନବରଙ୍ଗପୁର ଜିଲ୍ଲା ଚନ୍ଦାହାଣ୍ଡି ବ୍ଲକରେ ଝାଡାବାନ୍ତିରେ ଗୋଟିଏ ସପ୍ତାହରେ ପରିବାରର ୨ ଜଣଙ୍କ ମୃତ୍ୟୁ । ଜଣେ ନାବାଳିକା ଗୁରୁତର ଥିବା ଖବର ପାଇଲା ପରେ ପହଞ୍ଚିଥିଲା ସ୍ୱାସ୍ଥ୍ୟ ବିଭାଗ । ଗାଁ ଦାଣ୍ଡରେ ଗଛରେ ସାଲାଇନ୍ ଝୁଲାଇ ରୋଗୀଙ୍କୁ ଚିକିତ୍ସା କରୁଥିବା ଦେଖିବାକୁ ମିଳିଛି। ତେବେ ଦୁଇ ମୃତକ ହେଲେ ଦେମତୀ ପାରାଭୋଇ ଓ ତାଙ୍କ ପୁଅ ସଦାରାମ ପାରାଭୋଇ।
ଝିଅ ଦେବକୀ ପାରାଭୋଇ ଗୁରୁତର ହୋଇଥିବା ସହ ସେହି ସାହିର ଅନ୍ୟ ୪ ଜଣ ବ୍ୟକ୍ତି ସାମାନ୍ୟ ଆକ୍ରାନ୍ତ ହୋଇଥିବା ଜଣାପଡିଛି l ଏହାକୁ ନେଇ ଗ୍ରାମରେ ଏକ ପ୍ରକାର ଭୟର ବାତାବରଣ ସୃଷ୍ଟି ହୋଇଛି l ସ୍ୱାସ୍ଥ୍ୟ ବିଭାଗର ଦୃଢ଼ ପ୍ରୟାସ ଯୋଗୁଁ ବର୍ତ୍ତମାନ ଗ୍ରାମରେ ସ୍ୱାସ୍ଥାବସ୍ଥା ସ୍ଥିର ରହିଥିବା ଗ୍ରାମବାସୀ କହିଛନ୍ତି। ତେବେ ଏ ଦିଗରେ ଜିଲ୍ଲା ପ୍ରଶାସନ ସ୍ୱତନ୍ତ୍ର ଦୃଷ୍ଟି ଦେଇ ପଦକ୍ଷେପ ନେବାକୁ ଗ୍ରାମବାସୀମାନେ ଦାବି କରିଛନ୍ତି l
ଓଡିଶା ଖବର ଆହୁରି ପଢ଼ନ୍ତୁ ।
ଅର୍ଗସ ବ୍ୟୁରୋ: ବିଧାନସଭା ପ୍ରଶ୍ନକାଳ ଆରମ୍ଭରୁ ଦୁଇ ନିଲମ୍ବନ ଝଡ଼ । ବିଧାୟକଙ୍କ ନିଲମ୍ବନ ପ୍ରତ୍ୟାହାର ଦାବିରେ ଗୃହରେ ବିଜେପି ସଦସ୍ୟଙ୍କ ହୋହଲ୍ଲା । ବାଚସ୍ପତିଙ୍କ ପୋଡିୟମ୍ ତଳେ ଜୋରଦାର୍ ପ୍ରତିବାଦ କରିଛି ବିଜେପି । ବିଧାନସଭା ପରିଚାଳନାରେ ପକ୍ଷପାତିତା କରାଯାଉଥିବା ଅଭିଯୋଗ । ପ୍ରବଳ ହଙ୍ଗାମା ପାଇଁ ଅପରାହ୍ନ 4ଟା ଯାଏଁ ଗୃହ ମୁଲତବି କଲେ ବାଚସ୍ପତି । ବିରୋଧୀ ଦଳ ନେତା ଜୟନାରାୟଣ ମିଶ୍ର କହିଛନ୍ତି, ଶାସକ ଦଳକୁ ଯେତେବେଳେ ସଙ୍କଟ ଆସୁଛି ସେତେବେଳେ ସେ ଗୃହକୁ ମୁଲତବି କରୁଛନ୍ତି । ସର୍ବଦଳୀୟ ବୈଠକ ଡାକୁନାହାଁନ୍ତି । ବିଧାନସଭା କିପରି ନଚାଲିବ, ସେଥିପାଇଁ ଶାସକ ଦଳ ଚକ୍ରାନ୍ତ କରୁଛି ।
ଶାସକ ଦଳ UNPARLIAMENTARY ଶବ୍ଦ ବ୍ୟବହାର କଲେ ତାକୁ ବାଦ୍ ଦିଆଯାଉନାହିଁ । ଶାସକ ଦଳର କଣ୍ଢେଇ ସାଜିଛନ୍ତି ବାଚସ୍ପତି । ଆମକୁ କହିବାକୁ ସୁଯୋଗ ଦିଆଯାଉ ନାହିଁ । ଦୁଇ ବିଜେପି ବିଧାୟକଙ୍କ ନିଲମ୍ବନ ପ୍ରତ୍ୟାହାର ପାଇଁ ଦାବି କରିଛନ୍ତି ଜୟନାରାୟଣ ମିଶ୍ର ।
ଅଧିକ ପଢ଼ନ୍ତୁ ଓଡିଶା ଖବର:
ଅର୍ଗସ ବ୍ୟୁରୋ: ବଢ଼ିବାରେ ଲାଗିଛି ହୀରାକୁଦ ଜଳଭଣ୍ଡାରର ଜଳସ୍ଥର । ଖୋଲିଲା ହୀରାକୁଦ ଡ୍ୟାମ୍ର ଆଉ ୩ଟି ଗେଟ୍ । ମୋଟ ୧୦ଟି ଗେଟ୍ ଦେଇ ଚାଲିଛି ଜଳ ନିଷ୍କାସନ । ବାମ ପାର୍ଶ୍ବରେ ୭ ଓ ଡାହାଣ ପାର୍ଶ୍ବରେ ୩ ଗେଟ୍ ଦେଇ ଜଳ ନିଷ୍କାସିତ କରାଯାଉଛି । ବର୍ତ୍ତମାନ ହୀରାକୁଦ ଜଳଭଣ୍ଡାରର ଜଳସ୍ଥର ୬୨୯.୬୫ ଫୁଟ ରହିଛି। ପ୍ରତିସେକେଣ୍ଡରେ ୧ ଲକ୍ଷ ୧୬ ହଜାର ୦୮୮ କ୍ୟୁସେକ ଜଳ ପ୍ରବେଶ କରୁଥିବା ବେଳେ ୧ ଲକ୍ଷ ୫୪ ହଜାର ୨୦୭ କ୍ୟୁସେକ ଜଳ ନିଷ୍କାସନ ହେଉଛି। ଆଗକୁ ଜଳସ୍ଥର ବଢିଲେ ଆଉ ଗେଟ ଖୋଲାଯିବା ବୋଲି କୁହାଯାଇଛି ।
ଅଧିକ ପଢ଼ନ୍ତୁ ଓଡିଶା ଖବର:
ରାୟଗଡା: ବିଷମକଟକ ଥାନା ନିରଗୁଣ୍ଡି ଗ୍ରାମ ବାରବଖରା ଅଞ୍ଚଳର ନିଳଗିରି ତୁଟାରେ ଏକ ନର କଙ୍କାଳ ଠାବ କରିଛି ପୋଲିସ l ଏହି ନରକଙ୍କାଳ ନିରଗୁଣ୍ଡି ଗ୍ରାମର ସ୍ବାମ ମାଣ୍ଡିକାର ବୋଲି ପରିବାର ପକ୍ଷରୁ ଜଣାପଡିଛି l ତେବେ ସ୍ବାମ ମାଣ୍ଡିକା ବହୁଦିନ ହେବ ମାନସିକ ଅବସ୍ଥାରେ ଗାଁ ଗାଁ ବୁଲି ରହୁଥିଲା
l ଦିର୍ଘଦିନ ଧରି ନିଜଗ୍ରାମକୁ ଆଉ ଫେରିନଥିବାରୁ ପରିବାର ଲୋକେ ବହୁତ ଖୋଜାଖୋଜି କରିବାପରେ ଗତକାଲି ସନ୍ଧ୍ୟା ସମୟରେ ନିଳଗିରି ତୁଟାରେ ଏକ ନରକଙ୍କାଳ ଦେଖି ସ୍ବାମ ମାଣ୍ଡିକାର ବୋଲି ଜାଣିବାକୁ ପାଇ ଏହାର ଉପଯୁକ୍ତ ତଦନ୍ତ କରିବାପାଇଁ ବିଷମକଟକ ଥାନାରେ ଲିଖିତ ଅଭିଯୋଗ କରିଥିଲେ l ଆଜି ଘେଟଣାସ୍ଥଳରେ ପୋଲିସ ପହଞ୍ଚି ନର କଙ୍କାଳକୁ ଦେଖିବାପରେ ସାଇଣ୍ଟଫିକ୍ ଟିମ୍ କୁ ଖବର ଦେଇ ଘଟଣା ସ୍ଥଳରେ ଅଧିକ ତଦନ୍ତ ଜାରି ରଖିଛି l ତେବେ ଯୁବକଙ୍କ ମୃତ୍ୟୁକୁ ନେଇ ଅଞ୍ଚଳରେ ନାନା ସନ୍ଧେହ ଜାରି ରହିଛି l
ଅଧିକ ପଢନ୍ତୁ ଓଡ଼ିଶା ଖବର
