କନ୍ଧମାଳ : ସାରା ଜିଲ୍ଲାରେ ଶ୍ରୀପାଲ ଅଂଚଳରୁ 21 କେଜି ଗଞ୍ଜେଇ ସହ 4 ଜଣଙ୍କୁ ଗିରଫ କରିଛି ଫିରିଙ୍ଗିଆ ପୋଲିସ। ଏହି ଦୁବୃତ୍ତମାନେ ଫିରିଙ୍ଗିଆ ଅଞ୍ଚଳରୁ କଟକ ଗଞ୍ଜେଇ ଚୋରା ଚାଲାଣ କରୁଥିବା ବେଳେ ଧରା ପଡ଼ିଛନ୍ତି।
ସୂଚନାନୁଯାୟୀ, କୋରୋନା ମୁକାବିଲା ପାଇଁ ଚାରିଆଡ଼େ ଲକଡାଉନ ପାଳନ କରାଯାଉଥିବା ବେଳେ ଏହାର ସୁଯୋଗ ନେଇ ଫିରିଙ୍ଗିଆ ଅଞ୍ଚଳରୁ କଟକ ଗଞ୍ଜେଇ ଚୋରା ଚାଲାଣ କରୁଥିଲେ କିଛି ଯୁବକ। କୌଣସି ସୂତ୍ରରୁ ଖବର ପାଇ ଫିରିଙ୍ଗିଆ ପୋଲିସ ସେମାନଙ୍କ ଉପରେ ଅତର୍କିତ ଚଢାଉ କରିଥିଲା। ସେମାନଙ୍କ ନିକଟରୁ 21 କେଜି ଗଞ୍ଜେଇ, ଗୋଟିଏ ଇଣ୍ଡିଗୋ କାର ଜବତ କରିବା ସହ 4 ଜଣଙ୍କୁ ଗିରଫ କରିବାରେ ସକ୍ଷମ ହୋଇଛି ପୋଲିସ। ଏହି ଅଭିଯୁକ୍ତମାନେ ହେଲେ ଅଜିତ ଦିଗାଲ ,ନୃସିଂହ କଂହର,କଳ୍ପନା କଂହର, ରାଞ୍ଚନା କଂହର।
ସୁବର୍ଣ୍ଣପୁର: ମାହୁନ୍ତକୁ କଚାଡି ହାତୀ ଫେରାର । ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ଧନୁଯାତ୍ରାରେ ଅଘଟଣ । ଧନୁଯାତ୍ରାରେ ସାମିଲ ଥିବା ହାତୀ ମାହୁନ୍ତକୁ କଚାଡି ଫେରାର ମାରିଥିବା ସୂଚନା ରହିଛି । ତେବେ ମାହୁନ୍ତ ଜଣକ ସୁରକ୍ଷିତ ଥିବା ଜଣାପଡିଛି । ହାତୀଟି ଗାଁ ମୁହାଁ ହୋଇଥିବା ସୂଚନା ମିଳିଛି ।
ଆଜି ଧନୁଯାତ୍ରାର ଚତୁର୍ଥ ରଜନୀ । କଂସ ମହାରାଜକୁ ହାତୀ ନେଇଥିବାବେଳେ ହଠାତ୍ ହାତୀଟି ପଳାଇବାରେ ଲାଗିଥିଲା । ମାହୁନ୍ତ ଜଣକ ହାତୀକୁ ନିୟନ୍ତ୍ରଣ କରିବା ପାଇଁ ଚେଷ୍ଟା କରିଥିଲେ ହେଁ ହାତୀ ଟି ନିୟନ୍ତ୍ରଣ ହରାଇ ମାହୁନ୍ତକୁ କଚାଡି ଦୌଡ଼ି ପଳେଇ ଥିଲା । ତେବେ ଅନ୍ଧାର ହୋଇଥିବାରୁ ହାତୀକୁ ଖୋଜିବାରେ ବାଧା ସୃଷ୍ଟି ହୋଇଛି । ବର୍ତ୍ତମାନ ପର୍ଯ୍ୟନ୍ତ ହାତୀର ସନ୍ଧାନ ମିଳି ପାରି ନାହିଁ । ଏବେ ସମସ୍ତେ ହାତୀଟିକୁ ଖୋଜିବାରେ ଲାଗିଥିବାବେଳେ ଯାତ୍ରା ମଧ୍ୟ ବାଧାପ୍ରାପ୍ତ ରହିଛି ।
ଆହୁରି ପଢନ୍ତୁ ଓଡିଶା ଖବର...