ଅର୍ଗସ ବ୍ୟୁରୋ: ନବରଙ୍ଗପୁର ଜିଲ୍ଲା ପାପଡାହାଣ୍ଡି ବ୍ଲକ ପୋଣ୍ଡିକୋଟ ପଂଚାୟତ ଅନ୍ତର୍ଗତ ପ୍ରଧାନୀଗୁଡା ଗ୍ରାମର ଜଣେ ଗର୍ଭବତୀ ମହିଳା ନିଆଁ ରେ ପୋଡି ହୋଇ ଗୁରୁତର। ଗୁରୁତର ଅବସ୍ଥାରେ ପ୍ରଥମେ ପାପଡାହାଣ୍ଡି ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତି ହେଲେ। ବର୍ତ୍ତମାନ ନବରଙ୍ଗପୁର ଜିଲ୍ଲା ମୁଖ୍ୟ ଚିକିତ୍ସାଳୟରେ ଚିକିତ୍ସିତ ହେଉଛନ୍ତି। ସୂଚନା ଅନୁଯାଇ ପ୍ରଧାନୀଗୁଡା ଗ୍ରାମର ମୋନଜ ବିଷୋୟୀଙ୍କ ୬ ମାସର ଗର୍ଭବତୀ ସ୍ତ୍ରୀ ମମତା ବିଷୋୟୀ ପ୍ରବଳ ଶୀତ ଯୋଗୁଁ ଆଜି ସକାଳୁ ତାଙ୍କ ଘର ବାରଣ୍ଡାରେ ନିଆଁ ପୁଇଁବା ସମୟରେ ଗର୍ଭବତୀ ଙ୍କ ଅସାବଧନତା ଯୋଗୁଁ ତାଙ୍କ ଶାଢ଼ୀରେ ନିଆଁ ଲାଗିଯାଇଥିଲା।
ମମତାଙ୍କ ଗୋଡ଼ ପୋଡିଯାଇଥିଲା। ଏହି ସମୟ ରେ ସେ ନିକଟରେ ଉପସ୍ଥିତ ଥିବା ତାଙ୍କ ସମ୍ପର୍କୀୟ ଗଣେଶ ବିଷୋୟୀ ଓ ଲବ ବିଷୋୟୀ ଗୁରୁତର ଅବସ୍ଥାରେ ତାଙ୍କୁ ଉଦ୍ଧାର କରି ପରିବାର ଲୋକ ପାପଡାହାଣ୍ଡି ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ପ୍ରଥମେ ଭର୍ତି କରିଥିଲେ। ଏହାପରେ ମମତାଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତି କରାଯାଇଛି।
ଓଡ଼ିଶା ଖବର ଆହୁରି ପଢ଼ନ୍ତୁ ।
ଅର୍ଗସ ବ୍ୟୁରୋ: ଦିନକ ପରେ ଦିନିକିଆ ବିଶ୍ବକପ୍ ଖେଳାଯିବାକୁ ଥିବାବେଳେ ମଙ୍ଗଳବାର ଅନ୍ତର୍ଜାତୀୟ କ୍ରିକେଟ୍ ପରିଷଦ (ଆଇସିସି) ଭାରତୀୟ ବ୍ୟାଟିଂ କିମ୍ବଦନ୍ତି ସଚିନ ତେନ୍ଦୁଲକରଙ୍କୁ ଗ୍ଲୋବାଲ୍ ବ୍ରାଣ୍ଡ୍ ଆମ୍ବାସାଡର୍ ନିଯୁକ୍ତ କରିଛି। ରେକର୍ଡ ୬ଟି ବିଶ୍ବକପ୍ରେ ଖେଳିଥିବା ସଚିନ ଗୁରୁବାର ଇଂଲଣ୍ଡ-ନ୍ୟୁଜିଲାଣ୍ଡ୍ ମ୍ୟାଚ୍ ପୂର୍ବରୁ ବିଶ୍ବକପ୍ ଟ୍ରଫି ସହିତ ପଡ଼ିଆକୁ ପ୍ରବେଶ କରି ଏହାକୁ ଆନୁଷ୍ଠାନିକ ଉଦ୍ଘାଟନ କରିବେ ବୋଲି ମଧ୍ୟ ଘୋଷଣା କରାଯାଇଛି। ‘୧୯୮୭ ବିଶ୍ବକପ୍ରେ ବଲ୍ ବୟ ଥିବାବେଳେ ୬ଟି ସଂସ୍କରଣରେ ଭାରତର ପ୍ରତିନିଧିତ୍ବ କରିଛି। ବିଶ୍ବକପ୍ ସବୁବେଳେ ମୋ ହୃଦୟରେ ସ୍ବତନ୍ତ୍ର ସ୍ଥାନ ହୋଇ ରହିଛି।
୨୦୧୧ ମସିହାରେ ବିଶ୍ବକପ୍ ଜିତିବା ମୋ କ୍ରିକେଟ୍ ଯାତ୍ରାରେ ସବୁଠାରୁ ଗୌରବମୟ ମୁହୂର୍ତ୍ତ ହୋଇ ରହିଛି’ ବୋଲି ସଚିନ ପ୍ରକାଶ କରିଥିବା ଆଇସିସି ଏକ ପ୍ରେସ୍ ବିଜ୍ଞପ୍ତିରେ ପ୍ରକାଶ କରିଛି। ଏକାଧିକ ସ୍ବତନ୍ତ୍ର ଦଳ ଏବଂ ଖେଳାଳି ଏଥର ବିଶ୍ବକପ୍ରେ ଅଂଶଗ୍ରହଣ କରୁଥିବାବେଳେ ଏହାକୁ ନେଇ ମୁଁ ଉତ୍ସାହିତ। ଏଥରର ସଂସ୍କରଣ ମଧ୍ୟ ଯୁବ ବାଳକ ଓ ବାଳିକାଙ୍କୁ ଖେଳକୁ ଆସିବାକୁ ଉତ୍ସାହ ଯୋଗାଇବ ଏବଂ ନିଜ ନିଜ ଦେଶକୁ ସର୍ବୋଚ୍ଚ ସ୍ତରରେ ପ୍ରତିନିଧିତ୍ବ କରିବାକୁ ପ୍ରେରିତ କରିବ ବୋଲି ସଚିନ କହିଛନ୍ତି।
ଅଧିକ ପଢ଼ନ୍ତୁ କ୍ରୀଡ଼ା ଖବର
ଭୁବନେଶ୍ୱର: କୃଷି ସଚିବ ଅରବିନ୍ଦ ପାଢ଼ୀଙ୍କୁ ସ୍କ୍ରଵ ଟାଇଫସ । ଦୁଇ ଦିନ ତଳେ ପଜିଟିଭ ଚି଼ହ୍ନଟ ହୋଇଛନ୍ତି ଅରବିନ୍ଦ । କ୍ୟାପିଟାଲ୍ ହସ୍ପିଟାଲ ପକ୍ଷରୁ ସୂଚନା । ରକ୍ତ ପରୀକ୍ଷା ନମୁନାରୁ ଆକ୍ରାନ୍ତ ହୋଇଥିବା ସ୍ପଷ୍ଟ। ଆକ୍ରାନ୍ତ ପରେ ଘରେ ରହି ଚିକିତ୍ସିତ ହେଉଛନ୍ତି ଅରବିନ୍ଦ।
୨-୩ଟି ଜିଲ୍ଲାକୁ ଛାଡ଼ିଦେଲେ, ରାଜ୍ୟବ୍ୟାପି ମାଡ଼ିଗଲାଣି ସ୍କ୍ରବ ଟାଇଫସ। କେବଳ ଗ୍ରାମାଞ୍ଚଳ ନୁହେଁ, ସହରାଞ୍ଚଳକୁ ବି ବ୍ୟାପିଛି। ବର୍ତ୍ତମାନ ସୁଦ୍ଧା ରାଜ୍ୟରେ ୨୨ ହଜାର ୭୭ ଜଣଙ୍କର ସ୍କ୍ରବ ଟାଇଫସ ପରୀକ୍ଷା ହୋଇଥିବାବେଳେ ଚିହ୍ନଟ ହୋଇଛନ୍ତି ୨ ହଜାର ୮ ଶହ ୨୦ରୋଗୀ ଚିହ୍ନଟ ହୋଇଛନ୍ତି।
ଅଧିକ ପଢନ୍ତୁ ଓଡ଼ିଶା ଖବର
ବାଲେଶ୍ୱର: ପ୍ରେମିକାର ପ୍ରତାରଣା ସହିନପାରି ବିଷ ପିଇ ପ୍ରେମିକର ଆତ୍ମହତ୍ୟାର ଲାଇଭ ଭିଡ଼ିଓ ଏବେ ସୋସିଆଲ ମିଡିଆରେ ବେସ ଭାଇରାଲ ହେଉଥିବା ବେଳେ ଏହି ଘଟଣା ଏବେ ଖଇରା ଥାନା ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି। ଏଭଳି ଏକ ଦୁଃଖଦ ଘଟଣା ବାଲେଶ୍ୱର ଜିଲ୍ଲା ଖଇରା ଥାନା ନହଙ୍ଗ ମହାଳିକ ସାହିରେ ଦେଖିବାକୁ ମିଳିଛି। ଗାଁର ଗୟାଧର ମହାଳିଙ୍କ ଏକମାତ୍ର ପୁଅ କମଳାକାନ୍ତ ପ୍ରେମିକାର ପ୍ରତାରଣା ସହିନପାରି ସାତଦିନ ପୂର୍ବରୁ ବିଷବିପିଇ ଅସୁସ୍ଥ ହୋଇପଡିଥିଲେ। ଚିକିତ୍ସା ପାଇଁ ତାଙ୍କୁ ପ୍ରଥମେ ଖଇରା ପରେ ଭଦ୍ରକ ମେଡିକାଲରେ ଭର୍ତ୍ତି କରାଯାଇଥିଲା। ପରେ ତାଙ୍କ ଅବସ୍ଥା ଗୁରୁତର ହେଵାରୁ ତାଙ୍କୁ କଟକ ମେଡ଼ିକାଲକୁ ସ୍ଥାନାନ୍ତର କରାଯାଇଥିଲା।
କମଳାକାନ୍ତ ସାତଦିନ ମୃତ୍ୟୁ ସହିତ ସଂଗ୍ରାମ କରି ଶେଷରେ ମୃତ୍ୟୁବରଣ କରିଛନ୍ତି। କମଳାକାନ୍ତ ବିଷ ପିଉଥିବାର ଲାଇଭ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ୍ ହେଉଛି। ପ୍ରେମିକାର ପ୍ରତାରଣା ପାଇଁ କମଳାକାନ୍ତ ଆତ୍ମହତ୍ୟା କରିଥିବା ପରିବାର ଏବଂ ସମ୍ପର୍କୀୟ ଅଭିଯୋଗ କରିଛନ୍ତି। ଅନ୍ୟପଟେ ଉକ୍ତ ପ୍ରେମିକା ଖଇରା ବ୍ଲକ ସିମୁଳିଆ ଥାନା ଅଧିନ ଗରସଙ୍ଗ ଅଞ୍ଚଳରେ ହୋଇଥିବା ବେଳେ ସେ ଗରସଙ୍ଗ କଲେଜରେ ପଢ଼ୁଥିବା ବେଳେ କମଳାକାନ୍ତ ପ୍ରେମିକାକୁ ଦେଖା କରିବାକୁ କଲେଜ ନିକଟକୁ ଯାଇଥିଲେ । ସେଠାରେ ଉଭୟଙ୍କ ମଧ୍ୟରେ ଝଗଡ଼ା ହୋଇଥିଲା ଏବଂ ପରେ କମଳାକାନ୍ତ ଘରକୁ ଆସି ବିଷ ପିଇବା ସହିତ ବିଷ ପିଇବାର ଭିଡ଼ିଓ ଉକ୍ତ ପ୍ରେମିକାକୁ ପଠାଇବା ସହିତ ସୋସିଆଲ ମିଡିଆରେ ଛାଡିଥିଲେ। ଉଭୟଙ୍କ ମଧ୍ୟରେ ୪ବର୍ଷ ହେବ ପ୍ରେମ ସମ୍ପର୍କ ଥିବା ପରିବାର ଏବଂ ସମ୍ପର୍କୀୟ କହିଛନ୍ତି।
ଅଧିକ ପଢନ୍ତୁ ଓଡ଼ିଶା ଖବର
