A top student has been denied the Pathani Samantha Scholarship-due-spelling-mistake-of-his-name

ସତ୍ୟବ୍ରତ ବଦଳରେ ସତ୍ୟଭାମା ସାହୁ ଲେଖିଦେଲେ, ମେଧାବୃତ୍ତିରୁ ବଞ୍ଚିତ ଜିଲ୍ଲା ଟପ୍ପର

by Smruti Parija

A top student has been denied the Pathani Samantha Scholarship-due-spelling-mistake-of-his-name

ଭଦ୍ରକ: ଭଦ୍ରକ ଜିଲ୍ଲା ଭଣ୍ଡାରିପୋଖରୀ ବ୍ଲକ ଶିକ୍ଷା ବିଭାଗର ଖାମଖିଆଲି ନୀତି ଯୋଗୁଁ ପଠାଣି ସାମନ୍ତ ମେଧାବୃତ୍ତି ପ୍ରୋତ୍ସାହନ ରାଶି ପାଇବାରୁ ବଂଚିତ ହୋଇଛନ୍ତି ଜଣେ ଟପ୍ପର ଛାତ୍ର । ଭଦ୍ରକ ଜିଲ୍ଲା ଭଣ୍ଡାରିପୋଖରୀ ରଣଜିତ ପଞ୍ଚାୟତ ମାଳିପଦୀ ଗ୍ରାମର ବନମାଳୀ ସାହୁଙ୍କ ପୁଅ ସତ୍ୟବ୍ରତ ଗତ ୨୦୨୦-୨୧ ଶିକ୍ଷା ବର୍ଷରେ ପଠାଣିସାମନ୍ତ ମେଧାବୃତ୍ତି ପରୀକ୍ଷା ଦେଇଥିଲେ । ସ୍ଥାନୀୟ ବଳଦେବଜୀଉ ସରକାରୀ ବିଦ୍ୟାଳୟ ଠାରେ ସତ୍ୟବ୍ରତ ଷଷ୍ଠ ଶ୍ରେଣୀରେ ପଢ଼ୁଥିବା ବେଳେ ମେଧାବୃତ୍ତି ପରୀକ୍ଷା ପାଇଁ ବ୍ଲକ ଗୋଷ୍ଠୀ ଶିକ୍ଷା କାର୍ଯ୍ୟାଳୟ ଠାରେ ଅନଲାଇନ ଫର୍ମ ପୂରଣ କରିଥିଲେ।

ବିଭାଗୀୟ କର୍ମଚାରୀଙ୍କ ଖାମଖିଆଲି ନୀତି ଯୋଗୁଁ କମ୍ପ୍ୟୁଟରରେ ସତ୍ୟବ୍ରତ ସାହୁ ସ୍ଥାନରେ ସତ୍ୟଭାମା ସାହୁ ଉଲ୍ଲେଖ ହୋଇଥିଲା। ତଦନୁଯାୟୀ ମେଧାବୀ ଛାତ୍ର ଜଣକ ସତ୍ୟଭାମା ନାମରେ ଆଡ଼ମିଟ୍ କାର୍ଡ ପ୍ରାପ୍ତ ହୋଇଥିଲେ । ସେ ଏହାକୁ ନେଇ ଗୋଷ୍ଠୀ ଶିକ୍ଷାଧିକାରୀଙ୍କ କାର୍ଯ୍ୟାଳୟରେ ଅଭିଯୋଗ କରିବା ପରେ ତତ୍କାଳୀନ ବିଇଓ ଦୀପକ କୁମାର ପାଢୀ ଆଡ଼ମିଟ କାର୍ଡରେ ପରୀକ୍ଷା ଦେବା ପାଇଁ ସତ୍ୟବ୍ରତ ସାହୁ ବୋଲି ଚିହ୍ନଟ ସ୍ୱାକ୍ଷର ଦେଇଥିଲେ । ହେଲେ ଅନଲାଇନରେ କିନ୍ତୁ ସତ୍ୟଭାମା ହୋଇ ରହିଯାଇଥିଲା । ଯାହାକୁ ନେଇ ସେ ଛାତ୍ରବୃତ୍ତିରୁ ବଞ୍ଚିତ ହୋଇଛନ୍ତି ।