ଭୁବନେଶ୍ବର : ସରିଲା ପ୍ରଥମ ଦିନର ପରୀକ୍ଷା। ଆଜି ସକାଳ୮ଟାରୁ ଆରମ୍ଭ ହୋଇଥିଲା ମାଟ୍ରିକ ସମେଟିଭ୍-2 ପରୀକ୍ଷା। ପ୍ରଥମ ଦିନରେ ମାତୃଭାଷା ପରୀକ୍ଷା ଦେଇଥିଲେ ଛାତ୍ରଛାତ୍ରୀ। ଚଳିତବର୍ଷ ମୋଟ ୫ ଲକ୍ଷ ୪୧ ହଜାର ୨୪୭ ଜଣ ଛାତ୍ର ଛାତ୍ରୀ ପରୀକ୍ଷା ଦେଉଛନ୍ତି। ସକାଳ 8ଟାରୁ ପରୀକ୍ଷା ଆରମ୍ଭ ହୋଇଥିଲା ପରୀକ୍ଷା। ତେବେ ପରୀକ୍ଷାର ଘଂଟାଏ ପୂର୍ବରୁ ଗେଟ ଏଣ୍ଟ୍ରି ପାଇଁ ନିର୍ଦ୍ଦେଶ ଥିଲା। ସମେଟିଭ ୧ରେ ଦେଇଥିବା ପରୀକ୍ଷା ସେଣ୍ଟରରେ ହିଁ ସମେଟିଭ ୨ ପରୀକ୍ଷା ଦେଉଛନ୍ତି ପରୀକ୍ଷାର୍ଥୀ। ସ୍ବଚ୍ଛ ପରୀକ୍ଷା ପରିଚାଳନା ପାଇଁ ୫୭ଟି କେନ୍ଦ୍ରୀୟ ସ୍କ୍ବାର୍ଡର ବ୍ୟବସ୍ଥା କରାଯାଇଛି ।
ଅଧିକ ପଢନ୍ତୁ : ଭୁବନେଶ୍ୱର ଡୁମଡୁମାରେ ପରୀକ୍ଷା କେନ୍ଦ୍ର ପରିଦର୍ଶନ କଲେ ସମୀର ଦାଶ
ରାଜ୍ୟରେ ମୋଟ ୩୨୧୮ଟିରେ କେନ୍ଦ୍ରରେ ପରୀକ୍ଷା ଚାଲିଛି। ଏଥିପାଇଁ 316ଟି ନୋଡାଲ ସେଣ୍ଟର ରହିଥିବା ବେଳେ ମାଓ ଅଧ୍ୟୁଷିତ ଅଞ୍ଚଳରେ 22 ଟି ଥାନା ରେ ନୋଡାଲ ସେଣ୍ଟର କରାଯାଇଛି। ପରୀକ୍ଷା କେନ୍ଦ୍ରକୁ ଛାତ୍ରଛାତ୍ରୀଙ୍କୁ ପେନ, ଆର୍ଡମିଟ କାର୍ଡ ଓ ଜୋମେଟ୍ରି ବକ୍ସ ନେବାକୁ ଅନୁମତି ଥିବା ବେଳେ ପରୀକ୍ଷା ପରିଚାଳନା କରୁଥିବା ଶିକ୍ଷକ ଶିକ୍ଷୟିତ୍ରୀଙ୍କୁ ପରୀକ୍ଷା କେନ୍ଦ୍ରରେ ମୋବାଇଲ ବାରଣ କରାଯାଇଛି। 20ମାର୍ଚ୍ଚ ଯାଏ ପରୀକ୍ଷା ଅନୁଷ୍ଠିତ ହେବ।
