ଆଦିତ୍ୟଙ୍କ ସୁଇସାଇଡ୍‌ ସସପେନ୍ସ: ଘଟଣାର ୫ ଦିନ ପରେ ବି ପୋଲିସ ହାତ ଖାଲି !

ଆଦିତ୍ୟଙ୍କ ସୁଇସାଇଡ୍‌ ସସପେନ୍ସ: ଘଟଣାର ୫ ଦିନ ପରେ ବି ପୋଲିସ ହାତ ଖାଲି !

by Aryan Cross

ଭୁବନେଶ୍ୱର: ଆଦିତ୍ୟଙ୍କ ମୃତ୍ୟୁ ହତ୍ୟା ନା ଆତ୍ମହତ୍ୟା ? ଦିନ ଗଡିବା ସହ ବଢୁଛି ସସପେନ୍ସ । ଘଟଣାର 5 ଦିନ ପରେ ବି ପୋଲିସ ହାତ ଖାଲି । ଜିଆରପି ହାତରେ ଲାଗିନି କୌଣସି ଠୋସ ପ୍ରମାଣ । ଆଦିତ୍ୟଙ୍କ ମାସକର କଲ ରେକର୍ଡ ମାଗିଛି ଜିଆରପି । ସେବାଶ୍ରମର ଆର୍ଥିକ କାରବାରକୁ ନେଇ ଆଦିତ୍ୟଙ୍କ ଦୁଇ ସହଯୋଗୀ ପପୁ ଓ ବିକାଶଙ୍କୁ ପଚରାଉଚରା କରିବ ପୋଲିସ । ଏହାଭିତରେ ଜିଆରପି ଥାନାରେ ହତ୍ୟା ମାମଲା ରୁଜୁ ହେବା ପରେ ଉଠୁଛି ଅନେକ ପ୍ରଶ୍ନ । ପାରିବାରିକ କଳହ, ଆର୍ଥିକ କାରବାର, ଆଶ୍ରମ ପରିଚାଳନା, ମଦ ବିରୋଧୀ ଆନ୍ଦୋଳନ କାରଣରୁ ଆଦିତ୍ୟଙ୍କୁ ହତ୍ୟା କରାଯାଇଛି କି ? ଘଟଣାକୁ 5 ଦିନ ବିତିଥିଲେ ବି ପୋଲିସ କାହିଁକି ପୋଷ୍ଟମର୍ଟମ ରିପୋର୍ଟ ସାର୍ବଜନୀନ କରୁନାହିଁ ? ଆଦିତ୍ୟଙ୍କ ମୃତ୍ୟୁ ପଛରେ ମଦ ମାଫିଆଙ୍କ ହାତ ରହିଛି କି ? ସୁଇସାଇଡ୍ ନୋଟ୍‌ରୁ କିଛି ଖିଅ ପାଇଛି କି ପୋଲିସ ?

ବର୍ତ୍ତମାନ ଆଦିତ୍ୟଙ୍କ ପତ୍ନୀ ଓ ତାଙ୍କ ସହଯୋଗୀଙ୍କ ଭିତରେ ଆରୋପ ପ୍ରତ୍ୟାରୋପ ଲାଗି ରହୁଥିବା ବେଳେ ଘଟଣାର ପ୍ରକୃତ କାରଣ ଜଣାପଡ଼ୁନି । ହେଲେ ପୋଲିସ ପଚରାଉଚରା ପାଇଁ ଡାକିଲେ ଆଦିତ୍ୟଙ୍କ ପତ୍ନୀ ପ୍ରସ୍ତୁତ ଅଛନ୍ତି ବୋଲି କହିଛନ୍ତି । ସେପଟେ ଏବେ ମିଡିଆ ସାମ୍ନାକୁ ଆସିବା ପାଇଁ ଅରାଜି ହେଉଛନ୍ତି ଆଦିତ୍ୟଙ୍କ ସହଯୋଗୀ ।

ଗତ 7 ତାରିଖରେ ଲିଙ୍ଗରାଜ ଷ୍ଟେସନ ନିକଟରୁ ଆଦିତ୍ୟଙ୍କ ମୃତଦେହ ଉଦ୍ଧାର ହେଲା । 8 ତାରିଖରେ ଜିଆରପି ପକ୍ଷରୁ ରୁଜୁ ହେଲା ମାମଲା । କିନ୍ତୁ ଏବେସୁଦ୍ଧା ପୋଷ୍ଟମର୍ଟମ ରିପୋର୍ଟ ନ ମିଳିବା ଅନେକ ସନ୍ଦେହ ସୃଷ୍ଟି କରିଛି । ପ୍ରଶ୍ନ ଉଠୁଛି, ତଦନ୍ତରେ କାହିଁକି ବିଳମ୍ବ କରୁଛି ଜିଆରପି ? କାହିଁକି ଆଦିତ୍ୟଙ୍କ ଡାଏରି ଜବତ କରିବାରେ ବିଳମ୍ବ କରିଥିଲା ପୁଲିସ ? କାହିଁକି ବିଳମ୍ବରେ ହତ୍ୟା ମାମଲା ରୁଜୁ ହେଲା ? ସନ୍ଦେହ ଘେରରେ ଆସୁଥିବା ଲୋକଙ୍କୁ କାହିଁକି ପଚରାଉଚରା କରିବାରେ ବିଳମ୍ବ କରୁଛି ପୁଲିସ ? ଷ୍ଟେସନ ମାଷ୍ଟର, ଲୋକୋ ପାଇଲଟକୁ କାହିଁକି ପଚରାଉଚରା ହୋଇନାହିଁ ? ସେପଟେ ସପ୍ପେନସ୍ ବଢାଉଛି ଆଦିତ୍ୟଙ୍କ ଡାଏରି । ଫରେନ୍ସିକ ଲ୍ୟାବରେ ଯାଞ୍ଚ ହେଉଥିବା ଆଦିତ୍ୟଙ୍କ ଡାଏରି ଯଦି ସତ୍ୟ ପ୍ରମାଣିତ ହୁଏ ତା ହେଲେ ଘଟଣାର ନୂଆ ନୂଆ ଦିଗ ବାହାରିବ ବୋଲି ଚର୍ଚ୍ଚା ହେଲାଣି ।

ବଢ଼ିବାରେ ଲାଗିଛି ହୀରାକୁଦ ଜଳଭଣ୍ଡାରର ଜଳସ୍ତର

by Banajyotshna Ray

ଅର୍ଗସ ବ୍ୟୁରୋ: ବଢ଼ିବାରେ ଲାଗିଛି ହୀରାକୁଦ ଜଳଭଣ୍ଡାରର ଜଳସ୍ଥର । ଖୋଲିଲା ହୀରାକୁଦ ଡ୍ୟାମ୍‌ର ଆଉ ୩ଟି ଗେଟ୍‌ । ମୋଟ ୧୦ଟି ଗେଟ୍‌ ଦେଇ ଚାଲିଛି ଜଳ ନିଷ୍କାସନ । ବାମ ପାର୍ଶ୍ବରେ ୭ ଓ ଡାହାଣ ପାର୍ଶ୍ବରେ ୩ ଗେଟ୍ ଦେଇ ଜଳ ନିଷ୍କାସିତ କରାଯାଉଛି । ବର୍ତ୍ତମାନ ହୀରାକୁଦ ଜଳଭଣ୍ଡାରର ଜଳସ୍ଥର ୬୨୯.୬୫ ଫୁଟ ରହିଛି। ପ୍ରତିସେକେଣ୍ଡରେ ୧ ଲକ୍ଷ ୧୬ ହଜାର ୦୮୮ କ୍ୟୁସେକ ଜଳ ପ୍ରବେଶ କରୁଥିବା ବେଳେ ୧ ଲକ୍ଷ ୫୪ ହଜାର ୨୦୭ କ୍ୟୁସେକ ଜଳ ନିଷ୍କାସନ ହେଉଛି। ଆଗକୁ ଜଳସ୍ଥର ବଢିଲେ ଆଉ ଗେଟ ଖୋଲାଯିବା ବୋଲି କୁହାଯାଇଛି ।

ଅଧିକ ପଢ଼ନ୍ତୁ ଓଡିଶା ଖବର:

ନରକଙ୍କାଳ ଠାବ କଲା ପୋଲିସ

by Manini Pattanayak

Police found a male skeleton in the Nilgiri Tuta of Nirgundi village Barbakhra area of Bishmaktak police station.

ରାୟଗଡା: ବିଷମକଟକ ଥାନା ନିରଗୁଣ୍ଡି ଗ୍ରାମ ବାରବଖରା ଅଞ୍ଚଳର ନିଳଗିରି ତୁଟାରେ ଏକ ନର କଙ୍କାଳ ଠାବ କରିଛି ପୋଲିସ l ଏହି ନରକଙ୍କାଳ ନିରଗୁଣ୍ଡି ଗ୍ରାମର ସ୍ବାମ ମାଣ୍ଡିକାର ବୋଲି ପରିବାର ପକ୍ଷରୁ ଜଣାପଡିଛି l ତେବେ ସ୍ବାମ ମାଣ୍ଡିକା ବହୁଦିନ ହେବ ମାନସିକ ଅବସ୍ଥାରେ ଗାଁ ଗାଁ ବୁଲି ରହୁଥିଲା

l ଦିର୍ଘଦିନ ଧରି ନିଜଗ୍ରାମକୁ ଆଉ ଫେରିନଥିବାରୁ ପରିବାର ଲୋକେ ବହୁତ ଖୋଜାଖୋଜି କରିବାପରେ ଗତକାଲି ସନ୍ଧ୍ୟା ସମୟରେ ନିଳଗିରି ତୁଟାରେ ଏକ ନରକଙ୍କାଳ ଦେଖି ସ୍ବାମ ମାଣ୍ଡିକାର ବୋଲି ଜାଣିବାକୁ ପାଇ ଏହାର ଉପଯୁକ୍ତ ତଦନ୍ତ କରିବାପାଇଁ ବିଷମକଟକ ଥାନାରେ ଲିଖିତ ଅଭିଯୋଗ କରିଥିଲେ l ଆଜି ଘେଟଣାସ୍ଥଳରେ ପୋଲିସ ପହଞ୍ଚି ନର କଙ୍କାଳକୁ ଦେଖିବାପରେ ସାଇଣ୍ଟଫିକ୍ ଟିମ୍ କୁ ଖବର ଦେଇ ଘଟଣା ସ୍ଥଳରେ ଅଧିକ ତଦନ୍ତ ଜାରି ରଖିଛି l ତେବେ ଯୁବକଙ୍କ ମୃତ୍ୟୁକୁ ନେଇ ଅଞ୍ଚଳରେ ନାନା ସନ୍ଧେହ ଜାରି ରହିଛି l
ଅଧିକ ପଢନ୍ତୁ ଓଡ଼ିଶା ଖବର

ତୃଣମୂଳସ୍ତରର ଲୋକମାନେ ଏକାଠି ହେବା ଏକ ଗୌରବର ବିଷୟ: ମୋଦି

by Banajyotshna Ray

PM Modi launches 'Sankalp Saptaah' in Delhi

ଅର୍ଗସ ବ୍ୟୁରୋ: ଆଜି ପ୍ରଧାନମନ୍ତ୍ରୀ ମୋଦି ଦିଲ୍ଲୀର ଭାରତ ମଣ୍ଡପମ୍ ଠାରେ ସଂକଳ୍ପ ସପ୍ତାହର ଶୁଭାରମ୍ଭ କରିଛନ୍ତି। ଏହି କାର୍ଯକ୍ରମରେ ଦେଶର ବିଭିନ୍ନ ରାଜ୍ୟ ର ଅନେକ ଜିଲ୍ଳାର ସ୍ଥାନୀୟ କଳାକାର ଏବଂ ସାମାଜିକ କାର୍ଯ୍ୟରେ ଜଡିତ ବ୍ୟକ୍ତି ଏକତ୍ରିତ ହୋଇଥିଲେ। ଯେଉଁ ସ୍ଥାନରେ ବିଶ୍ୱସ୍ତରୀୟ କାର୍ଯ୍ୟକ୍ରମର ଆୟୋଜନ କରାଯାଉଛି ଏବଂ ବିଶ୍ୱ ନେତା ମାନେ ଯୋଗ ଦେଉଛନ୍ତି।

ସେହି ସ୍ଥାନରେ ତୃଣମୂଳ ସ୍ତରର ଲୋକମାନେ ଏକାଠି ହେବା ଏକ ଗୈାରବର ବିଷୟ ବୋଲି କହିଛନ୍ତି ପ୍ରଧାନମନ୍ତ୍ରୀ। ଦେଶର ଏହି ସ୍ତରର ଲୋକମାନଙ୍କର ଦେଶ ଗଠନ ଦିଗରେ ଭାଗିଦାରୀକୁ ସୁଦୃଢ କରିବା କେନ୍ଦ୍ର ସରକାରଙ୍କ ଲକ୍ଷ୍ୟ ରହିଛି ବୋଲି କହିଛନ୍ତି ପ୍ରଧାନମନ୍ତ୍ରୀ। ସଂକଳ୍ପ ସପ୍ତାହ ରେ ଭାରତ ମଣ୍ଡପମରେ ବଡ ପ୍ରଦର୍ଶନୀର ଆୟୋଜନ କରାଯାଇଥିଲା।