After the death of the husband, it is difficult to leave

ସ୍ୱାମୀଙ୍କ ମୃତ୍ୟୁ ପରେ ଗୁଜରାଣ ମେଣ୍ଟାଇବା କଷ୍ଟ

by Ritu Das

After the death of the husband, it is difficult to leave

ଅର୍ଗସ ବ୍ୟୁରୋ: ବଲାଙ୍ଗିର ଜିଲ୍ଲା ବଙ୍ଗୋମୁଣ୍ଡା ବ୍ଲକ ଝରିଆଲ ପଞ୍ଚାୟତ ବାହାବଲ ଗାଁ । ଗାଁରେ ରୁହନ୍ତି ମୃତକ ନରହରି ବାଗଙ୍କ ପତ୍ନୀ ପୁଷ୍ପାଞ୍ଜଳି ବାଗ । ୪ ଝିଅଙ୍କ ସହ ସୁରୁଖୁରୁ ରେ କାଳ କାଟୁଥିଲେ । ହେଲେ ଗତ ନୂଆଖାଇଁ ଆଗରୁ ନରହରି ଙ୍କ ହଠାତ ଦେହ ଅସୁସ୍ଥ ହେବାରୁ ପରିବାର ଲୋକେ ଛତିଶଗଡ ରାଜ୍ୟ ର ରାୟପୁରଠାରେ ଚିକିତ୍ସାଧୀନ ଅବସ୍ଥାରେ ତାଙ୍କ ମୃତ୍ୟୁ ହୋଇଗଲା । ଆଉ ଏହି ପରିବାର ଉପରେ ଚଡକ ପଡିଗଲା । ୪ ଗୋଟି ଛୁଆଁ ଙ୍କ ମୁହଁରେ ଆହାର ଦେଇ ତାଙ୍କୁ ପାଠ ପଢାଇବା ଏକାକି ପୁଷ୍ପାଞ୍ଜଳି ଙ୍କ ପାଇଁ ସହଜ ନ ଥିଲା । କାରଣ ଦୈନିକ ମଜୁରି ଲାଗି ପରିବାର ପୋଷୁଥିବା ପୁଷ୍ପାଞ୍ଜଳିଙ୍କ ପାଇଁ ଏ ସବୁ ଥିଲା ନିହାତି ଅସମ୍ଭବ । ଅନ୍ନ ଯୋଗାଉଥିବା ମୁଖ୍ୟଙ୍କ ମୃତ୍ୟୁ ପରେ ଚିନ୍ତାରେ ପଡିଯାଇଛନ୍ତି ପୁରା ପରିବାର ।

ଅଧିକ ଓଡ଼ିଶା ଖବର ପଢ଼ନ୍ତୁ

ସରକାରୀ ସୁବିଧା କହିଲେ ଜଣକ ପିଛା ୫ କେଜି ଲେଖାଏଁ ୨୫ କେଜି ଚାଉଳରେ ଯେନତେନ ପ୍ରକାରେ ଗୁଜୁରାଣ ମେଣ୍ଟାଉଛନ୍ତି ଏହି ପରିବାର । ଜାତୀୟ ପରିବାର ମଙ୍ଗଳ ଯୋଜନାରେ ମଧ୍ୟ ମିଳିପାରିନାହିଁ ସହାୟତା । ପଞ୍ଚାୟତର କୌଣସି ଅସ୍ଥାୟୀ କାମରେ ନିଯୁକ୍ତି କରିବାକୁ ଏବଂ ବିଧବା ଭତ୍ତା କରିବାକୁ ପ୍ରଶାସନ ପାଖରେ ଦ୍ୱାରସ୍ଥ ହୋଇଛନ୍ତି କିନ୍ତୁ ଫଳ ଶୂନ । ୪ ଝିଅ ଙ୍କୁ ପାଠପଢା ସୁବିଧା ସାଙ୍ଗକୁ ରେଡକ୍ରସ ଫଣ୍ଡରୁ କିଛି ଆର୍ଥିକ ସାହାର୍ଯ୍ୟ ଦେଲେ ପରିବାର ଉପକୃତ ହେବେ ବୋଲି ଗ୍ରାମବାସୀ କହିଛନ୍ତି । ଅନ୍ୟ ପଟେ ବଙ୍ଗୋମୁଣ୍ଡା ବିଡିଓ କହିଛନ୍ତି ଯେ,ବର୍ତ୍ତମାନ ତାଙ୍କର ବିଧବା ଭତ୍ତା ଗ୍ରାଣ୍ଟ ହୋଇଯାଇଛି। ଶୀଘ୍ର ତାଙ୍କୁ ପ୍ରଦାନ କରାଯିବ । ଏଥିସହ ପରିବାରକୁ ଭେଟିବା ପରେ ସେମାନେ ରାଜି ହେଲେ ଝିଅ ମାନଙ୍କୁ ମଧ୍ୟ ବାହାରେ ପଢାଇବାର ବ୍ୟବସ୍ଥା କରାଯିବ ବୋଲି ସେ କହିଛନ୍ତି । ତେବେ ଶୀଘ୍ର ଏହି ପରିବାରକୁ ପ୍ରଶାସନ ପକ୍ଷରୁ ତଦନ୍ତ କରି ସରକାରଙ୍କ ବିଭିନ୍ନ ଯୋଜନାରେ ସାମିଲ କରିବା ପାଇଁ ସାଧାରଣରେ ଦାବି କରିଛନ୍ତି ।

ଅର୍ଗସ ନ୍ୟୁଜରେ ନିଯୁକ୍ତି ସୁଯୋଗ !

ଉଚ୍ଚାଭିଳାଷୀ ପେଷାଦର ଆବଶ୍ୟକ।

ଆବେଦନ କରନ୍ତୁ

ମହୁମାଛି ଆକ୍ରମଣରେ ୩ ଗୁରୁତର

by Ritu Das

ଅର୍ଗସ ବ୍ୟୁରୋ: ଆନନ୍ଦପୁର ଉପଖଣ୍ଡର ଭିନ୍ନ ଭିନ୍ନ ସ୍ଥାନରେ ମହୁମାଛି ଆକ୍ରମଣରେ ତିନିଜଣ ଗୁରୁତର ଆହତ ହୋଇ ଆନନ୍ଦପୁର ଉପଖଣ୍ଡ ଡାକ୍ତରଖାନାରେ ଚିକିତ୍ସିତ ହେଉଛନ୍ତି। ଏବେ ସେମାନଙ୍କ ସ୍ୱାସ୍ଥ୍ୟବସ୍ଥା ସ୍ଥିର ଥିବା ଜଣା ପଡିଛି।

ଘସିପୁରା ବ୍ଲକ୍ ବରିପାଳର ଶିକ୍ଷକ ନବୀନ ଚରଣ ହୋ ରାସ୍ତାରେ ଯିବା ସମୟରେ ମହୁମାଛି ଆକ୍ରମଣର ଶିକାର ହୋଇଥିବା ବେଳେ ଜରକସାହିର ଦଶମା ଭୂୟାଁ ମଧ୍ୟ ମହୁମାଛି ଆକ୍ରମଣର ଶିକାର ହୋଇଛନ୍ତି। ସେହିଭଳି ଖାଳିଆମେଣ୍ଟା ଗାଁର କୁନି ଭୂୟାଁ ପୋଖରୀକୁ ଗାଧୋଇବାକୁ ଯାଉଥିବା ସମୟରେ ମହୁମାଛି ଆକ୍ରମଣର ଶିକାର ହୋଇଛନ୍ତି।

ଅଧିକ ପଢ଼ନ୍ତୁ ଓଡ଼ିଶା ଖବର

ଜିଲ୍ଲାପାଳଙ୍କ ସମ୍ମିଳନୀ କକ୍ଷରେ ବୈଠକ

by Manini Pattanayak

ଗଜପତି : ଗଜପତି ଜିଲ୍ଲାରେ ବାତ୍ୟା ପ୍ରସ୍ତୁତି । ଜିଲ୍ଲାପାଳଙ୍କ ସମ୍ମିଳନୀ କକ୍ଷରେ ବୈଠକ । ସମସ୍ତ ବିଡିଓ, ତହସିଲଦାର, ଥାନା ଅଧିକାରୀଙ୍କ ସହ ଆଲୋଚନା କରି ଏକ ଟିମ୍ ହୋଇ କାମ କରିବାକୁ ନିର୍ଦ୍ଦେଶ ଦେଇଛନ୍ତି ଜିଲ୍ଲାପାଳ । ଜଳସେଚନ, କୃଷି, ପାନୀୟ ଜଳ ଯୋଗାଣ ଏବଂ ଯୋଗାଣ ଆଦି ବିଭାଗୀୟ ଅଧିକାରୀଙ୍କ ସହ ମଧ୍ୟ ପୁଙ୍ଖାନୁପୁଙ୍ଖ ଆଲୋଚନା କରାଯାଇ ସେମାନଙ୍କୁ ମଧ୍ୟ ପ୍ରସ୍ତୁତ ରହିବାକୁ ନିର୍ଦ୍ଦେଶ ଦିଆଯାଇଛି । ୫ ତାରିଖ ସନ୍ଧ୍ୟା ବେଳକୁ ଗଜପତି ଜିଲାରେ ବର୍ଷା ଆରମ୍ଭ ହେବା ସମ୍ଭାବନା ରହିଛି ।

୬ ତାରିଖ ଦିନ ପ୍ରବଳ ବର୍ଷା ହେବା ସହ ୭ ତାରିଖ ଯାଏଁ ଏହା ଜାରି ରହିବ ବୋଲି ପାଣିପାଗ ବିଭାଗ ପୂର୍ବାନୁମାନ କରିଛି । ଏହାକୁ ଦୃଷ୍ଟିରେ ରଖି ଜିଲା ପ୍ରଶାସନ ପକ୍ଷରୁ ସବୁ ପ୍ରକାର ପ୍ରସ୍ତୁତି କରାଯାଇଛି । ଜିଲ୍ଲାରେ ପ୍ରବଳ ବର୍ଷା ହେବା ସମ୍ଭାବନା ରହିଥିବାରୁ ଧାନ, ମାଣ୍ଡିଆ,କପା ଆଦି ଫସଲ ନଷ୍ଟ ହେବା ଆଶଙ୍କା ରହିଛି । ପରିପକ୍ବ ଫସଲକୁ ଅମଳ କରି କୌଣସି ସୁରକ୍ଷିତ ସ୍ଥାନରେ ରଖିବାକୁ ଡାକବାଜି ଯନ୍ତ୍ର ମାଧ୍ୟମରେ ପ୍ରଚାର କରାଯାଉଛି । ବାତ୍ୟା ମୁକାବିଲା ପାଇଁ ଜିଲ୍ଲାକୁ ୨୪ ଜଣିଆ ଓଡ୍ରାଫ ଟିମ୍ ଆସିଛନ୍ତି ।

ଅଧିକ ପଢନ୍ତୁ ଓଡ଼ିଶା ଖବର

ସ୍ଥଳଭାଗକୁ ମାଡି ଆସୁଛି ବାତ୍ୟା 'ମିଚୋଁଗ୍' ; ୯୦ରୁ ୧୦୦ କିମି ବେଗରେ ବହିବ ପବନ

by Smruti Parija

cyclone-Michaung-update-odisha-expecting-heavy-to-heavy-rainfall

ଅର୍ଗସ ବ୍ୟୁରୋ: ସ୍ଥଳଭାଗକୁ ମାଡି ଆସୁଛି ବାତ୍ୟା 'ମିଚୋଁଗ୍' । ଭୀଷଣ ରୂପ ନେଇ ସ୍ଥଳଭାଗ ଛୁଇଁବ । ଆସନ୍ତାକାଲି ଆନ୍ଧ୍ରପ୍ରଦେଶରେ ଲ୍ୟାଣ୍ଡଫଲ୍‌ କରିବା ଆଶଙ୍କା । ଏହି ସମୟରେ ପବନରେ ବେଗ ଘଣ୍ଟାକୁ ୯୦ରୁ ୧୦୦ କିଲୋମିଟର ରହିବ । ବର୍ତ୍ତମାନ ଏହି ବାତ୍ୟା ପୁଡୁଚେରୀରୁ ପ୍ରାୟ ୨୧୦ ଓ ଚେନ୍ନାଇରୁ ୧୫୦ କିଲୋମିଟର ଦୂରରେ ରହିଛି । ସମୁଦ୍ର ମଧ୍ୟରେ ବଳ ଗୋଟାଇବା ସହ ଘଣ୍ଟାକୁ ପ୍ରାୟ ୮ କିଲୋମିଟର ବେଗରେ ଗତି କରୁଛି ବାତ୍ୟା 'ମିଚୋଁଗ୍' । ପ୍ରଭାବରେ ତାମିଲନାଡୁର ବିଭିନ୍ନ ସ୍ଥାନରେ ବର୍ଷା ଜାରି ରହିଛି । ଜୋରରେ ପବନ ସାଙ୍ଗକୁ ବର୍ଷା ହେଉଛି ।

କାଲି ମଧ୍ୟାହ୍ନ ସମୟରେ ଆନ୍ଧ୍ରର ନେଲୋର୍‌ ଓ ମଚ୍ଛଲିପଟ୍ଟନମ ମଧ୍ୟରେ ଲ୍ୟାଣ୍ଡଫଲ ନେଇ ଆକଳନ କରିଛି ଭାରତୀୟ ପାଣିପାଗ ବିଭାଗ । ଓଡ଼ିଶାରେ ମଧ୍ୟ ରହିବ ବାତ୍ୟାର ପ୍ରଭାବ । ଆଜିଠୁ ବର୍ଷା ଆରମ୍ଭ ହେବ ଏବଂ ୫ ତାରିଖରେ ପ୍ରବଳ ବର୍ଷିବ । ୭ ତାରିଖ ଯାଏ ର୍ଷା ହେବାର ସମ୍ଭାବନା ରହିଛି । ତେବେ ବେଶି ପ୍ରଭାବିତ ହେବ ଦକ୍ଷିଣ ଓଡ଼ିଶା । ପବନର ଭୟ ନଥିଲେ ବି ମାଲକାନଗିରି, କୋରାପୁଟ, ରାୟଗଡ଼ା, ଗଜପତି ଓ ଗଞ୍ଜାମ ଜିଲ୍ଲାରେ ପ୍ରବଳ ବର୍ଷା ନେଇ ଅରେଞ୍ଜ ଆଲର୍ଟ ଜାରି କରାଯାଇଛି ।

ଚାଷ ନଷ୍ଟ ହେବାର ଆଶଙ୍କା ଥିବାରୁ କୃଷି ବିଭାଗ ପକ୍ଷରୁ ଚାଷୀଙ୍କୁ ସଚେତନ କରାଇଛି । ଧାର କରଜ କରି ଏକର ଏକର ଜମିରେ ଧାନ ଚାଷ କରିଥିବା ଚାଷୀ ଏବେ ଚିନ୍ତାରେ । ସେପଟେ ଉଦ୍ଧାର କାର୍ଯ୍ୟ ପାଇଁ ପ୍ରସ୍ତୁତ ଅଛନ୍ତି NDRF ଟିମ୍‌ । ଓଡ଼ିଶା, ମଧ୍ୟପ୍ରଦେଶ, ତାମିଲନାଡୁ ଓ ପୁଡୁଚେରୀ ପାଇଁ ୧୮ଟି ଟିମ୍‌ ନିଯୁକ୍ତ କରାଯାଇଛି । ଆଉ ୧୦ଟି ଟିମକୁ ଆଲର୍ଟ ମୋଡରେ ରଖାଯାଇଛି ।

୫ରେ ଅତି ପ୍ରବଳ ବର୍ଷା

Download Argus News App

After the death of the husband, it is difficult to leave

Download Mobile App