ଭୁବନେଶ୍ଵର : ରାଜଧାନୀର ଏକ ଘରୋଇ ଶିକ୍ଷାନୁଷ୍ଠାନ ନାଁରେ ସାଙ୍ଘାତିକ ଅଭିଯୋଗ। ଏକାଦଶ ଶ୍ରେଣୀରେ ନାମ ଲେଖାଇଲେ ଛାତ୍ରଛାତ୍ରୀଙ୍କୁ କରାଯାଉଛି ଟପ୍ପର। କମ ମାର୍କ ରଖିଥିବା ଛାତ୍ରଛାତ୍ରୀଙ୍କ ଅଭିଭାବକ ଏପରି ଅଭିଯୋଗ ଆଣିଛନ୍ତି।
ମଙ୍ଗଳବାର ସିବିଏସଇ ରେଜଲ୍ଟ ପରେ ଏକ ଘରୋଇ ସ୍କୁଲରେ ଛାତ୍ରଛାତ୍ରୀ ଓ ଅଭିଭାବକ ଅସନ୍ତୋଷ ପ୍ରକାଶ କରିଛନ୍ତି । ସେମାନେ କହିଛନ୍ତି ଯେ ଏକାଦଶ ଶ୍ରେଣୀରେ ଆଗୁଆ ନାମ ଲେଖାଇଲେ ଛାତ୍ରଛାତ୍ରୀଙ୍କୁ ଓଡ଼ିଶା ଟପ୍ପର କରାଯାଉଛି।
ସେପଟେ ଏଭଳି ଅଭିଯୋଗ କୁ ଖଣ୍ଡନ କରିଛନ୍ତି ସମ୍ପୃକ୍ତ ଘରୋଇ ସ୍କୁଲର ନିର୍ଦ୍ଦେଶକ। ତାଙ୍କ ବିରୋଧରେ ମିଛରେ ଅପପ୍ରଚାର ହେଉଥିବା ସେ ପାଲଟା ଅଭିଯୋଗ କରିଛନ୍ତି । କିଛି ବି ତ୍ରୁଟି ପୂର୍ଣ ମାର୍କିଂ ହୋଇ ନାହିଁ ବୋଲି ସେ କହିଛନ୍ତି।
ଅର୍ଗସ ବ୍ୟୁରୋ : ବିରାଟ ଝଡ଼ର ରୂପ ନେଇଛି ବାତ୍ୟା ‘ବିପର୍ଯ୍ୟୋୟ’। ଗତ ୬ ଘଣ୍ଟା ହେଲା ଉତ୍ତର ଆଡ଼କୁ ଗତି କରୁଥିବା ଭାରତୀୟ ପାଣିପାଗ ବିଭାଗ ପକ୍ଷରୁ ସୂଚନା ଦିଆଯାଇଛି। ବିଭାଗର କହିବା ଅନୁସାରେ ଆସନ୍ତା ୨୪ ଘଣ୍ଟା ଭିତରେ ବାତ୍ୟା ଉତ୍ତରମୁହାଁ ହୋଇ ଗତି କରିବ। ତା’ପରେ ଏହା ଆସନ୍ତା ୩ ଦିନ ଭିତରେ ଉତ୍ତର-ଉତ୍ତରପଶ୍ଚିମ ଆଡ଼କୁ ଗତି କରିବ। ଭାରତର ଦକ୍ଷିଣପଶ୍ଚିମ ରାଜ୍ୟଗୁଡ଼ିକର ସଂଲଗ୍ନ ସମୁଦ୍ର ଅଶାନ୍ତ ରହିବ। ବାୟୁର ବେଗ ଘଣ୍ଟା ପ୍ରତି ୧୩୫ରୁ ୧୪୫ କିଲୋମିଟରରେ ପହଞ୍ଚିବ।
ଅଧିକ ପଢନ୍ତୁ : "ବିପର୍ଯ୍ୟୟ"ର ନାମକରଣ କିଏ କରିଛି ?
ଆସନ୍ତା ୩ରୁ ୪ ଦିନରେ ଭିତରେ ଏହା ଘଣ୍ଟା ପ୍ରତି ୧୬୦ କିମି ବେଗରେ ବି ପ୍ରବାହିତ ହୋଇପାରେ। ତେଣୁ ମତ୍ସ୍ୟଜୀବୀମାନଙ୍କୁ ସମୁଦ୍ରକୁ ନ ଯିବା ପାଇଁ ପାଣିପାଗ ବିଭାଗ ପକ୍ଷରୁ ବାରଣ କରାଯାଇଛି। ବାତ୍ୟା ‘ବିପର୍ଯ୍ୟୋୟ’ ଭାରତର ଦକ୍ଷିଣ-ପଶ୍ଚିମ ରାଜ୍ୟଗୁଡ଼ିକୁ ମାଡ଼ କରିପାରେ ବୋଲି ପାଣିପାଗ ବିଭାଗ ପୂର୍ବାନୁମାନ କରିଛି। ପଶ୍ଚିମ-କେନ୍ଦ୍ରୀୟ ଓ ଦକ୍ଷିଣ ଆରବ ସାଗରର ସଂଲଗ୍ନ ଅଞ୍ଚଳ ଏବଂ କେରଳର ଉତ୍ତର ଉପକୂଳ, କର୍ଣ୍ଣାଟକ ଓ ଗୋଆରେ ବାତ୍ୟାର ପ୍ରଭାବ ଅନୁଭୂତ ହେବ। ଜୁନ ୮ରେ ୧୧୫-୧୨୫ କିମି ବେଗରେ ଏବଂ ସଂଧ୍ୟା ସୁଦ୍ଧା ସ୍ଥଳ ବିଶେଷରେ ୧୪୦ କିମି ବେଗରେ ପବନ ବହିବ। ଦକ୍ଷିଣ ଆରବ ସାଗରର ସଂଲଗ୍ନ ଅଞ୍ଚଳ, କର୍ଣ୍ଣାଟକ, ଗୋଆ ଓ ମହାରାଷ୍ଟ୍ର ଉପକୂଳରେ ଏହା ଅନୁଭୂତ ହେବ।
