ରାଜ୍ୟପାଳ ଟ୍ଵିଟ୍ କରି ଲେଖିଛନ୍ତି ଯେ, ଯେଉଁମାନେ ଅକୃତକାର୍ଯ୍ୟ ହୋଇଛନ୍ତି ସେମାନେ ହତୋତ୍ସାହିତ ନହୋଇ ଏହାକୁ ଏକ ଆହ୍ଵାନ ଭାବେ ଗ୍ରହଣ କରି ପରଶ୍ରମ ଜାରି ରଖିବାକୁ ପରାମର୍ଶ ଦେବା ସହ ସେମାନଙ୍କ ସଫଳତା କାମନା କରିଛନ୍ତି।
ଚଳିତ ବର୍ଷ ପୁଅଙ୍କ ତୁଳନାରେ ଝିଅମାନେ ମାଟ୍ରିକ୍ ରେଜଲ୍ଟରେ ବାଜିମାତ୍ କରିଛନ୍ତି । କୋଭିଡ-୧୯ କଟକଣା ମଧ୍ୟରେ ମାଟ୍ରିକ ରେଜଲ୍ଟ ପ୍ରକାଶ ପାଇବା ପରେ ଛାତ୍ରଛାତ୍ରୀ, ଶିକ୍ଷକ ଓ ଅଭିଭାବକ ମହଲରେ ଉତ୍ସାହ ଦେଖାଯାଇଛି । ସେହିଭଳି କିଛି ଶିକ୍ଷାର୍ଥୀ, ଅଭିବାଭକ ଓ ଶିକ୍ଷକଙ୍କ ମନରେ ରେଜଲ୍ଟ ନେଇ ଦ୍ୱନ୍ଦ୍ୱ ଦେଖାଯାଇଛି । ପରୀକ୍ଷା ଫଳ ପ୍ରକାଶ ପାଇବା ପରେ ପିଲାମାନେ କେଉଁଠି ପଢ଼ିବେ ସେଥିପାଇଁ ମଧ୍ୟ ଯୋଜାନା ଆରମ୍ଭ ହୋଇଯାଇଛି ।
ସୂଚନାଯୋଗ୍ୟ, ଚଳିତ ବର୍ଷ ୫.୬ ଲକ୍ଷ ଛାତ୍ରଛାତ୍ରୀ ମାଟ୍ରିକ୍ ପରୀକ୍ଷା ଦେଇଥିଲେ। ଓଡ଼ିଶାରେ ୨ ହଜାର ୮୮୮ କେନ୍ଦ୍ରରେ ମାଟ୍ରିକ୍ ପରୀକ୍ଷା ହୋଇଥିଲା । ୧୦୦୦ଟି ସମ୍ବେଦନଶୀଳ କେନ୍ଦ୍ରରେ ସିସିଟିଭି ଲଗାଯାଇଥିଲା । ତେବେ ପରୀକ୍ଷା ପରେ ୬୦ଟି କେନ୍ଦ୍ରରେ ଖାତା ଦେଖା ଚାଲିଥିଲା। ଖାତାଦେଖା ପାଇଁ ୧୫ ହଜାର ଶିକ୍ଷକ ନିଯୁକ୍ତ ହୋଇଥିଲେ ।
