ଅର୍ଗସ ବ୍ୟୁରୋ : ଶ୍ରୀମନ୍ଦିର ସୁରକ୍ଷା ଉପରେ ସୃଷ୍ଟି ହେଲା ବଡ଼ ପ୍ରଶ୍ନ। ସୁରକ୍ଷା ବଳୟ ଭେଦକରି ଜଣେ ବ୍ୟକ୍ତି ଗତକାଲି ରାତିରେ ଶ୍ରୀମନ୍ଦିର ଦଧିନଉତି ଉପରେ ଚଢିଯାଇ ଦୀର୍ଘସମୟ ରହିବାରୁ ସୁରକ୍ଷା ବ୍ୟବସ୍ଥା ଉପରେ ପ୍ରଶ୍ନବାଚୀ ସୃଷ୍ଟି ହୋଇଛି। କର୍ତ୍ତବ୍ୟରତ ସୁରକ୍ଷାକର୍ମୀଙ୍କୁ ଚକମା ଦେଇ ଛତ୍ରପୁର ଅଞ୍ଚଳର ବଳରାମ ମହାରଣା ପଶ୍ଚିମଦ୍ବାର ପଟେ ପ୍ରବେଶ କରି ଶ୍ରୀମନ୍ଦିର ଉପରେ ଚଢିଯାଇଥିଲେ। ଶ୍ରୀମନ୍ଦିର ଭିତରେ ଓ ବାହାରେ ଶହଶହ ପୋଲିସ ମୁତୟନ ଥିବାବେଳେ କେହି କିପରି ଜାଣିପାରିଲେ ନାହିଁ ସେନେଇ ଶ୍ରଦ୍ଧାଳୁଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି। ଗତକାଲି ରାତି 10ଟା ସମୟରେ ଛତ୍ରପୁରର ବଳରାମ ମହାରଣା ଶ୍ରୀମନ୍ଦିର ଉପରେ ଚଢିଯିବାରୁ ଉପସ୍ଥିତ ସେବାୟତ ଓ ସୁରକ୍ଷାକର୍ମୀ ତାଙ୍କୁ ତଳକୁ ଆସିବାକୁ ଅନୁରୋଧ କରିବା ସତ୍ତ୍ୱେ ମଧ୍ୟ ସେ ଓହ୍ଲାଇ ନଥିଲେ।
ଅଧିକ ପଢନ୍ତୁ ଓଡିଶା ଖବର
ଅଗ୍ନିଶମ ବିଭାଗ କର୍ମୀ ଓ ଚୁନେରା ସେବାୟତ ମଧ୍ୟ ତାଙ୍କୁ ଉଦ୍ଧାର କରିବାକୁ ଯିବା ସମୟରେ ସେ ତଳକୁ ଓହ୍ଲାଇ ଥିଲେ। ତାଙ୍କୁ କାବୁ କରାଯାଇ ପ୍ରଥମେ ଶ୍ରୀମନ୍ଦିର ଗାରଦ ଓ ପରେ ସିଂହଦ୍ଵାର ଥାନାରେ ଅଟକ ରଖି ପଚରାଉଚରା କରାଯାଉଛି। ତେବେ ଘଟଣା ଉପରେ ପ୍ରତିକ୍ରିୟା ରଖିଛନ୍ତି ପୁରୀ ଏସପି। କାହିଁକି ବ୍ୟକ୍ତି ଶ୍ରୀମନ୍ଦିର ଉପରକୁ ଚଢିଲେ ସେନେଇ ତାଙ୍କୁ ପଚରାଉଚରା କରାଯାଉଥିବା ବେଳେ ସୁରକ୍ଷା କର୍ମୀଙ୍କ ଅବହେଳା ପ୍ରସଙ୍ଗରେ କୌଣସି ପ୍ରତିକ୍ରିୟା ରଖିନାହାନ୍ତି। ଏସପି ।
ଅର୍ଗସ ବ୍ୟୁରୋ: ଚର୍ଚ୍ଚାରେ ଅଭିନେତା ସଞ୍ଜୟ ଦତ୍ତ। ଥରେ କି ଦୁଇ ଥର ନୁହେଁ ଚାରି ଚାରି ଥର ବିବାହ ବନ୍ଧନରେ ବାନ୍ଧି ହୋଇଛନ୍ତି ଅଭିନେତା ସଞ୍ଜୟ ଦତ୍ତ। ୬୫ ବର୍ଷରେ ପରେ ପୁଣି ଥରେ ବିବାହ ବନ୍ଧନରେ ବାନ୍ଧି ଲାଇମ ଲାଇଟକୁ ଆସିଛନ୍ତି ସଞ୍ଜୟ ଦତ୍ତ। କୁହାଯାଏ ସଞ୍ଜୟ ଦତ୍ତଙ୍କ ଜୀବନ ଏକ ଫିଲ୍ମର କାହାଣୀ ଠାରୁ କମ୍ ନୁହେଁ। ସେଥିପାଇଁ ତ ତାଙ୍କ ଜୀବନୀ କାହାଣୀକୁ ନେଇ ଏକ ଫିଲ୍ମ ହୋଇଥିଲା ସଞ୍ଜୁ । ଯାହା ହିଟ୍ ମଧ୍ୟ ହୋଇଥିଲା। ସଞ୍ଜୟ ୧୬ ବର୍ଷ ପରେ ପୁଣିଥରେ ପତ୍ନୀ ମାନ୍ୟତାଙ୍କୁ ବିବାହ କରିଛନ୍ତି। ରିପୋର୍ଟ ମୁତାବକ ଅଭିନେତାଙ୍କ ଘର ରିନୋଭେଶନ ଶେଷ ହେବା ପରେ ପୂଜା ରଖାଯାଇଥିଲା। ଏହି ମଉକାରେ ପତ୍ନୀ ମାନ୍ୟତାଙ୍କ ସହ ସେ ଚତୁର୍ଥ ଥର ବିବାହ କରିଛନ୍ତି।
ବଲିଉଡର ‘ଖଳନାୟକ’ ସଞ୍ଜୟ ଦତ୍ତ ନିଜର ବ୍ୟକ୍ତିଗତ ଜୀବନକୁ ନେଇ ଚର୍ଚ୍ଚାରେ। ନବରାତ୍ରୀ ଅବସରରେ ସେ ପୁଣିଥରେ ବିବାହ କରିଛନ୍ତି। ଏହାର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛନ୍ତି। ଭିଡିଓରେ ସଞ୍ଜୟ ଧୋତି କୁର୍ତ୍ତା ପିନ୍ଧିଛନ୍ତି। ଚତୁର୍ଥ ଥର ଲାଗି ୬୫ ବର୍ଷରେ ସେ ବିବାହ କରିଛନ୍ତି, ଯାହାକୁ ଦେଖି ପ୍ରଶଂସକ ଚକିତ ହୋଇଛନ୍ତି।
ସଞ୍ଜୟ ପ୍ରଥମେ ଋଚା ଶର୍ମାଙ୍କ ହାତ ଧରିଥିଲେ। ହେଲେ ୧୯୯୬ରେ ତାଙ୍କ ଦେହାନ୍ତ ହୋଇଯାଇଥିଲା। ଏହାର ୨ ବର୍ଷ ପରେ ସେ ମଡେଲ ରିୟା ପିଲ୍ଲାଇଙ୍କୁ ଜୀବନସାଥୀ କରିଥିଲେ। ୨୦୦୫ରେ ଉଭୟ ବାଟ ଅଲଗା କରି ନେଇଥିଲେ। ୨୦୦୮ରେ ସଞ୍ଜୟ ମାନ୍ୟତାଙ୍କୁ ତୃତୀୟ ବିବାହ କରିଥିଲେ। ଉଭୟଙ୍କ ଯମଜ ସନ୍ତାନ ଅଛନ୍ତି। ହେଲେ ହଠାତ ତାଙ୍କୁ ମାନ୍ୟତାଙ୍କ ସହ ବିବାହ କରୁଥିବା ଦେଖି ଏହା ପଛରେ କି କାରଣ ରହିଛି ତାହା ଜାଣିବାକୁ ପ୍ରଶଂସକଙ୍କ ଉତ୍କଣ୍ଠା ବଢ଼ିଛି। ସଞ୍ଜୟଙ୍କ ବିବାହ ଖବର ବର୍ତ୍ତମାନ ଭାଇରାଲ ହେବାରେ ଲାଗିଛି। ସେ ତାଙ୍କ ପତ୍ନୀଙ୍କୁ ଚତୁର୍ଥ ଥର ପାଇଁ ବିବାହ କରିଥିବା କାରଣରୁ ଚର୍ଚ୍ଚାରେ ରହିଛନ୍ତି। ସୋସିଆଲ ମିଡିଆରେ ଏହା ଭାଇରାଲ ହେବାରେ ଲାଗିଛି।
ଅଧିକ ପଢ଼ନ୍ତୁ ମନୋରଞ୍ଜନ ଖବର:
ଅର୍ଗସ ବ୍ୟୁରୋ: ସଞ୍ଜୟ ଲୀଲା ଭଂସାଲୀ । ନାଁ ହିଁ କାଫି ତାଙ୍କ ପରିଚୟ ପାଇଁ। ସବୁ ଅଭିନେତ୍ରୀ ହୁଅନ୍ତୁ ଅବା ଅଭିନେତା, ତାଙ୍କ ସହ କାମ କରିବା ପାଇଁ ସମସ୍ତଙ୍କର ବଡ ସ୍ୱପ୍ନ ଥାଏ। ଅନେକ ଅଭିନେତ୍ରୀଙ୍କୁ ଷ୍ଟାର ବନାଇଥିବା ନିର୍ଦ୍ଦେଶକ ହେଉଛନ୍ତି ସଞ୍ଜୟ ଲୀଲା ଭଂସାଲୀ। ସଞ୍ଜୟ ଏବେବି ଅବିବାହିତ ଅଛନ୍ତି। ଆପଣ ଜାଣିଛନ୍ତି କି ସଞ୍ଜୟ କାହା ପ୍ରେମରେ ପହିଥିଲେ। ଏବଂ ସେ କାହିଁକି ଆଜିଯାଏଁ ବିବାହ କରିନାହାନ୍ତି। ବଲିଉଡର ଜଣେ ଆଗ ଧାଡିର ଅଭିନେତ୍ରୀଙ୍କୁ ଦେଖି ଫିଦା ହୋଇଥିଲେ ସଞ୍ଜୟ।
ବର୍ତ୍ତମାନ ସଞ୍ଜୟ ଅଭିନେତ୍ରୀଙ୍କ ସହ ପ୍ରଥମ ଭେଟିବା ଦିନକୁ ମନେପକାଇଛନ୍ତି। ସେ ଏକ ଇଣ୍ଟରଭ୍ୟୁରେ କହିଛନ୍ତି ଯେ, ମୁଁ ଦୀପିକା ପାଦୁକୋନଙ୍କୁ ଭେଟିବା ଲାଗି ତାଙ୍କ ଘରକୁ ଯାଇଥିଲି, ସେ ମୋ ପାଇଁ କବାଟ ଖୋଲିଥିଲେ। ଏହାପରେ ପରେ ମୁଁ ତାଙ୍କ ସୌନ୍ଦର୍ଯ୍ୟ ଏବଂ ତାଙ୍କ ଆଖିକୁ ଦେଖି ଫିଦା ହୋଇଯାଇଥିଲି। ମୋତେ ତାଙ୍କୁ ଦେଖୁ ଏହା ଅନୁଭବ ହୋଇଥିଲା ଯେ, ତାଙ୍କ ବ୍ୟବହାର ଏବଂ କୋମଳତା ଅର୍ଥ ସେ ପ୍ରକୃତରେ ବହୁତ ସୁନ୍ଦର। ସେ ଆଗକୁ ଆହୁରି କହିଛନ୍ତି ଯେ, ଯେପରି ଦୀପିକା ପ୍ରଥମ ଭେଟରେ ମୋ ସହ କଥା ହେବା ଆରମ୍ଭ କଲେ ମୋତେ ଅନୁଭବ ହୋଇଥିଲା ଯେ, ଭଲ ସ୍ଥାନରେ ଭଲ ସମୟରେ ପହଞ୍ଚିଯାଇଛି। ମୁଁ ତାଙ୍କୁ ଦେଖି ଜାଣିଯାଇଥିଲି ଯେ, ଯେକୌଣସି ରଙ୍ଗରେ ମୁଁ ଦୀପିକାଙ୍କୁ ପକାଇପାରିବି।
ସଞ୍ଜୟ ଲୀଲା ଭଂସାଲୀଙ୍କ ସହ ଦୀପିକା ତିନୋଟି ଫିଲ୍ମରେ କାମ କରିଛନ୍ତି। ବଲିଉଡ ଅଭିନେତ୍ରୀ ଦୀପିକା ପାଦୁକୋନ ମାଆ ହୋଇସାରିଛନ୍ତି। ଏହାରି ମଧ୍ୟରେ ଅଭିନେତ୍ରୀଙ୍କର ଫିଲ୍ମ ସିଂଘମ ଏଗେନର ଟ୍ରେଲର ଆସିଛି, ଯେଉଁଥିରେ ଫ୍ୟାନ୍ସ ତାଙ୍କ କପ୍ ଲୁକକୁ ଖୁବ ପସନ୍ଦ କରିଛନ୍ତି। ତେବେ ଦୀପିକାଙ୍କ ପ୍ରିୟ ନିର୍ଦ୍ଦେଶକଙ୍କ ମଧ୍ୟରୁ ଜଣେ ସଞ୍ଜୟ ଲୀଲା ଭଂସାଲୀ ସେହି ସମୟକୁ ମନେପକାଇଛନ୍ତି, ଯେଉଁ ସମୟରେ ସେ ଦୀପିକାଙ୍କୁ ପ୍ରଥମଥର ପାଇଁ ଦେଖିଥିଲେ ଏବଂ କହିଥିଲେ ଯେ, ତାଙ୍କୁ ଦେଖି ସେ ଆଶ୍ଚର୍ଯ୍ୟ ହୋଇଯାଇଥିଲେ। କହିବାକୁ ଗଲେ ଦୀପିକା ହେଉଛନ୍ତି ସଞ୍ଜୟଙ୍କର ଜଣେ ଭଲ ବନ୍ଧୁ। ସେମାନଙ୍କ ଭିତରେ ସେମିତି କୌରସି ସମ୍ପର୍କ ନଥିଲା ବୋଲି ସଞ୍ଜୟ କହିଛନ୍ତି। କିନ୍ତୁ ଫ୍ୟାନ୍ସଙ୍କ ମହଲରେ ଏସବୁ ଗୁଜବ ଭାଇରାଲ ହେଉଛି।
ଅଧିକ ପଢ଼ନ୍ତୁ ମନୋରଞ୍ଜନ ଖବର:
ଅର୍ଗସ ବ୍ୟୁରୋ: ବିଶାଖାପାଟଣାରେ ମାଲାବାର ବହୁଦେଶୀୟ ନୌସେନାଭ୍ୟାସ ଜାରି। ମିଳିତ ସମରାଭ୍ୟାସରେ ଭାରତ ନୌସେନା ସହ ଜାପାନ, ଆମେରିକା ଅଷ୍ଟ୍ରେଲିଆ ନୌସେନା ସାମିଲ ହୋଇଛନ୍ତି । ଇଷ୍ଟର୍ଣ୍ଣ ନେଭାଲ କମାଣ୍ଡ ପକ୍ଷରୁ ଗତ 9 ତାରିଖରୁ ଏହି ସମରାଭ୍ୟାସ ଆରମ୍ଭ ହୋଇଛି । ଇଣ୍ଡୋ-ପାସିଫିକ ଅଞ୍ଚଳକୁ ସୁରକ୍ଷା ପ୍ରଦାନ ଉଦ୍ଦେଶ୍ୟରେ ଏହି ମିଳିତ ସମରାଭ୍ୟାସ ହେଉଛି । ପାରସ୍ପରିକ ସହଯୋଗ, ପ୍ରଯୁକ୍ତି ବିଦ୍ୟାର ଉପଯୋଗ ସହ ପରସ୍ପରଠାରୁ ଯୁଦ୍ଧ କୌଶଳ ଶିକ୍ଷା କରୁଛନ୍ତି ଯବାନ ।
ଅଧିକ ପଢ଼ନ୍ତୁ ଦେଶ ଖବର:
