Attempted theft from Sentjohan School in Brahmani village

ସୂଚନାନୁଯାୟୀ, ରବିବାର ଦିନ ବିଦ୍ୟାଳୟ ଛୁଟି ଥିବାରୁ କୌଣସି କର୍ମଚାରୀ ବିଦ୍ୟାଳୟକୁ ଆସିନଥିଲେ। ନିଛାଟିଆର ସୁଯୋଗ ପାଇ କେହି ଦୁର୍ବୃତ୍ତ ବିଦ୍ୟାଳୟ ହତା ମଧ୍ୟରେ ପ୍ରବେଶ କରି ବିଦ୍ୟାଳୟର ବାରଣ୍ଡା ଓ ଶୌଚାଳୟ ପାର୍ଶ୍ଵର ଭେଣ୍ଟିଲେଟର କାଚ ଭାଙ୍ଗିଦେବା ସହିତ ପାଣି ସପ୍ଲାଇ ପାଇପକୁ ଖଣ୍ଡ ଖଣ୍ଡ କରି କାଟି ଦେଇଛନ୍ତି ଏବଂ ଗୋଟିଏ ନିମ୍ୱ ଗଛକୁ ମୂଳରୁ ହାଣି ସଫା କରି ଦେଇଥିବାବେଳେ ଚାରି ପାଖେ  ଲଗାଯାଇ ଥିବା ଫୁଲଗଛ ଗୁଡ଼ିକୁ ହାଣି ଦେଇଛନ୍ତି। ଗୋଟିଏ ୧୬ ଏମ୍ଏମର ଲୁହାଛଡ଼ ନେବାକୁ ଉଦ୍ୟମ କରୁଥିବା ବେଳେ ପାଚେରି ପାଖରେ ତାହା ଛାଡ଼ି ଚାଲିଯାଛନ୍ତି। କେହି ଦୁର୍ବୃତ୍ତ ଜାଣିଶୁଣି ବିଦ୍ୟାଳୟର କ୍ଷତି କରିବାକୁ ଯାଇ ଏପ୍ରକାର କାଣ୍ଡ ଭିଆଇଥିବା ନଚେତ ନିଶାସକ୍ତ ଅବସ୍ଥାରେ ଚୋରି ଉଦ୍ୟମ  କରିଥିବା ନେଇ ଅନୁମାନ କରାଯାଉଛି। ଏନେଇ ବିଦ୍ୟାଳୟ କର୍ତ୍ତୃପକ୍ଷ କାହାରିକୁ ସନ୍ଦେହ କରିପାରୁ ନଥିବା ବେଳେ ଆଜି ସକାଳୁ ବିଦ୍ୟାଳୟକୁ ଆସିବା ପରେ ଘଟଣା ସମ୍ପର୍କରେ ଜାଣିପାରି  ଥାନାରେ ଏକ ଲିଖିତ ଅଭିଯୋଗ କରିଛନ୍ତି । ଅଭିଯୋଗ ପାଇବା ପରେ ଅତିରିକ୍ତ ଥାନା ଅଧିକାରୀ ଅମରେନ୍ଦ୍ର ସୁବୁଦ୍ଧିଙ୍କ ନେତୃତ୍ୱରେ ପୋଲିସ୍ ବାହୀନି ଘଟଣାସ୍ଥଳରେ ପହଞ୍ଚି ତଦନ୍ତ ଜାରି ରଖିଥିବା ଜଣାପଡିଛି।