ଭୁବନେଶ୍ୱର: ଗ୍ରାମବାସୀଙ୍କ ବିରୋଧ ପରେ ମୁଣ୍ଡ ନୁଆଁଇଲା ପ୍ରଶାସନ । ଭଙ୍ଗାଗଲା ପାତ୍ରପଡ଼ା ବସ୍ ଡିପୋର ପଛ ପାଚେରୀ । ସ୍ଥାନୀୟ ବାସିନ୍ଦାଙ୍କ ୨ ଘଣ୍ଟାର ଆନ୍ଦୋଳନ ପରେ ପଦକ୍ଷେପ ନେଇଛି ମୋ ବସ୍ କର୍ତ୍ତୃପକ୍ଷ । ଡ୍ରାଇଭରଙ୍କ ମନମାନୀ ଗାଡ଼ି ଚଳନା ଯୋଗୁ ଘଟୁଥିଲା ଦୁର୍ଘଟଣା । ସକାଳୁ ପାତ୍ରପଡା ରୁଟ୍ ଦେଇ କୌଣସି ଵସ ଚାଲିନାହିଁ । ମୋ ବସ ଡିପୋ ସାମ୍ନାରେ ପାତ୍ରପଡା ନୋଡାଲ ହାଇସ୍କୁଲ ରହିଛି । ପ୍ରତିଦିନ ମୋ ବସ ଡ୍ରାଇଭରମାନେ ମନମାନି କରି ଗାଡି ଚଳାଉଛନ୍ତି ।
ପ୍ରତିଦିନ ପିଲାଙ୍କ ଆକ୍ସିଡେଣ୍ଟ ହେଉଥିବା ଅଭିଯୋଗ କରିଛନ୍ତି ଗ୍ରାମବାସୀ। ଏମିତିକି ଗାଈ ଗୋରୁ ମଧ୍ୟ ଆକ୍ସିଡେଣ୍ଟରେ ମରୁଛନ୍ତି। ଏ ନେଇ ଗ୍ରାମବାସୀ ବାରମ୍ବାର ଅଭିଯୋଗ କଲେ ମଧ୍ୟ ମୋ ବସ କର୍ତ୍ତୃପକ୍ଷ କୌଣସି ଆକ୍ସନ ନନେବାରୁ ଆଜି ବାଧ୍ୟ ହୋଇ ଗ୍ରାମବାସୀ, ସ୍କୁଲ ଛାତ୍ର ଛାତ୍ରୀ ରାସ୍ତା ରୋକ କରିଥିଲେ । ଗ୍ରାମବାସୀଙ୍କୁ ସମର୍ଥନ କରିଛନ୍ତି ବିଧାୟକ ସୁର ରାଉତରାୟ ।
ଓଡିଶା ଖବର ଆହୁରି ପଢନ୍ତୁ
ଅର୍ଗସ ବ୍ୟୁରୋ: ଷଣ୍ଢ ଫସଲ ଖାଇଗଲା ବୋଲି ତାକୁ ୭ ଦଣ୍ଡ ସ୍ୱରୂପ ୭ ଦିନ ଭୋକ ଉପବାସ ରେ ବାନ୍ଧି ରଖାଯାଇଥିଲା। ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି ନବରଙ୍ଗପୁର ଜିଲ୍ଲା ରାଇଘର କୋଦଭଟା ଗ୍ରାମରେ । ଘଟଣା ଅନୁସାରେ କୋଡଭଟା ରେ ଜଣେ ଚାଷୀ ତାଙ୍କ ଜମିରେ ମକା ଚାଷ କରିଥିଲେ । ସାତ ଦିନ ପୂର୍ବରୁ ତାଙ୍କ ମକା ଫସଲ କୁ ଏକ ଷଣ୍ଢ ଖାଇଦେଇଥିଲା । ଜମି ମାଲିକ ଉକ୍ତ ଷଣ୍ଢ କୁ କାବୁ କରି ଗୋଟେ ଗଛ ରେ ବାନ୍ଧି ରଖିଥିଲେ । ଏଭଳି ସାତ ଦିନ ବିତି ଯାଇଥିବା ବେଳେ ଷଣ୍ଢ ଟି କିଛି ଖାଇବାକୁ ପାଇ ନଥିଲା ଏଭଳିକି ପାଣି ଟିକିଏ ବି ପିଇବାକୁ ପାଇ ନଥିଲା । ଘଟଣା ସଂପର୍କ ରେ ସ୍ଥାନୀୟ କିଛି ବ୍ୟକ୍ତି ଜାଣିବା ପରେ ଷଣ୍ଢ କୁ ଉଦ୍ଧାର କରିବାକୁ ଚେଷ୍ଟା କରିଥିଲେ । କିନ୍ତୁ ସେମାନଙ୍କୁ ଜମି ମାଲିକ ଗାଳି ଗୁଲଜ କରିଥିଲା । ପରେ ସ୍ଥାନୀୟ ଲୋକ ରାଇଘର ପୋଲିସ କୁ ଖବର ଦେଇଥିଲେ । ରାଇଘର ପୋଲିସ କୋଦଭଟା ପହଞ୍ଚି ଷଣ୍ଢ କୁ ଉଦ୍ଧାର କରିଥିଲେ । ତେବେ ଏଭଳି ଘଟଣା କୁ ସ୍ଥାନୀୟ ଲୋକ ନିନ୍ଦା କରିଛନ୍ତି ।
ଅଧିକ ପଢ଼ନ୍ତୁ ଓଡିଶା ଖବର:
ନୂଆଦିଲ୍ଲୀ: ଜମଶେଦପୁରରେ ବିରୋଧୀଙ୍କ ଉପରେ ଜୋରଦାର ବର୍ଷିଲେ ପିଏମ ମୋଦି । ଝାଡ଼ଖଣ୍ଡରେ ବର୍ଷା କାରଣରୁ ରୋଡ ସୋ ବାତିଲ ହେବା ପରେ ପିଏମ ମୋଦି ନିର୍ବାଚନୀ ସଭା ମଞ୍ଚରୁ ଝାଡ଼ଖଣ୍ଡର 3 ଶତ୍ରୁଙ୍କ ପର୍ଦ୍ଦାଫାସ କରିଛନ୍ତି । JMM , RJD ଓ କଂଗ୍ରେସକୁ ଝାଡ଼ଖଣ୍ଡର ମୁଖ୍ୟ ଶତ୍ରୁ ବୋଲି କହି ବିରୋଧୀଙ୍କୁ ଟାର୍ଗେଟ୍ କରିଛନ୍ତି ମୋଦି । RJDକୁ ସୁବିଧାବାଦୀ ଦଳ କହିବା ସହ, JMM ବାଂଲାଦେଶୀ ଅନୁପ୍ରବେଶକାରୀଙ୍କୁ ସୁରକ୍ଷା ଯୋଗାଉଥିବା ଅଭିଯୋଗ କରିଛନ୍ତି ପିଏମ । ଏହାସହିତ କଂଗ୍ରେସର ରାଜ୍ୟ ବିକାଶ ନୁହେଁ ବରଂ ଲୋକଙ୍କୁ ଲୁଟ କରିବାକୁ ଚାହେଁ ବୋଲି କହିଛନ୍ତି ପ୍ରଧାନମନ୍ତ୍ରୀ ।
କିଛିଦିନ ପୂର୍ବରୁ ନିଯୁକ୍ତି ରାଲିରେ ରାଞ୍ଚିରେ 15 ରୁ ଅଧିକ ଯୁବକଙ୍କ ମୃତ୍ୟୁ ଘଟଣାରେ ରାଜ୍ୟ ସରକାରଙ୍କୁ ଦୋଷୀ କରିଛନ୍ତି ପିଏମ ମୋଦି । ରାଜ୍ୟରେ ବିଜେପି ସରକାର ଗଢ଼ିଲେ ଏନେଇ ସ୍ବତନ୍ତ୍ର ଆଇନ ଅଣାଯିବା ସହ ଦୋଷୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କହିଛନ୍ତି ପିଏମ ମୋଦି । ଆଜି ରାଞ୍ଚିରୁ 6 ବନ୍ଦେ ଭାରତ ଏକ୍ସପ୍ରେସକୁ ସବୁଜ ପତାକା ଦେଖାଇ ଶୁଭାରମ୍ଭ କରିଛନ୍ତି ପ୍ରଧାନମନ୍ତ୍ରୀ ମୋଦି । ଏହାସହିତ ରାଜ୍ୟବାସୀଙ୍କୁ କରମା ପର୍ବ ଅସବରରେ ଅଭିନନ୍ଦନ ଜଣାଇଥିଲେ ମୋଦି ।
ଅଧିକ ପଢନ୍ତୁ ଭାରତ ଖବର
ଅର୍ଗସ ବ୍ୟୁରୋ: ଭାରତରେ ଏମପକ୍ସର ପ୍ରଥମ ମାମଲା ନିଶ୍ଚିତ ହେବା ପରେ କେମ୍ପେଗୋଡା ଅନ୍ତର୍ଜାତୀୟ ବିମାନବନ୍ଦର (କେଆଇଏ) ସମସ୍ତ ଅନ୍ତର୍ଜାତୀୟ ଯାତ୍ରୀଙ୍କ ପାଇଁ ବାଧ୍ୟତାମୂଳକ ପରୀକ୍ଷା ଆରମ୍ଭ କରିଛି । ଏହି ସପ୍ତାହ ଆରମ୍ଭରେ ଦିଲ୍ଲୀରେ ଏହି ମାମଲା ଚିହ୍ନଟ ହେବା ପରେ ସତର୍କତାମୂଳକ ପଦକ୍ଷେପ ନିଆଯାଇଛି ।
ରିପୋର୍ଟ ଅନୁସାରେ, ପ୍ରତ୍ୟେକ ଅନ୍ତର୍ଜାତୀୟ ଯାତ୍ରୀଙ୍କର ଭାଇରସ ଯାଞ୍ଚ ସୁନିଶ୍ଚିତ କରିବା ପାଇଁ ଚାରୋଟି ଉତ୍ସର୍ଗୀକୃତ କିଓସ୍କ ସ୍ଥାପନ କରିଛି କେଆଇଏ । ଦୈନିକ ପ୍ରାୟ ୨,୦୦୦ ଯାତ୍ରୀଙ୍କୁ ସ୍କ୍ରିନିଂ କରାଯିବା ସହିତ କର୍ଣ୍ଣାଟକରେ ଏମପକ୍ସର ପ୍ରବେଶ ଉପରେ ନଜର ରଖିବା ଏବଂ ରୋକିବା ପାଇଁ କଡା ପଦକ୍ଷେପ ନେଉଛନ୍ତି ବିମାନବନ୍ଦର କର୍ତ୍ତୃପକ୍ଷ ।
ବେଙ୍ଗାଲୁରୁ ଆନ୍ତର୍ଜାତୀୟ ବିମାନବନ୍ଦର ଲିମିଟେଡ୍ (ବିଆଇଏଏଲ୍) ମୁଖପାତ୍ର କହିଛନ୍ତି ଯେ, ବିଶ୍ୱର ଏମପକ୍ସ ପରିସ୍ଥିତିକୁ ଦୃଷ୍ଟିରେ ରଖି ସଂପୃକ୍ତ ଅଧିକାରୀଙ୍କ ଦ୍ୱାରା ଜାରି କରାଯାଇଥିବା ସମସ୍ତ ସ୍ୱାସ୍ଥ୍ୟ ଏବଂ ନିରାପତ୍ତା ପ୍ରୋଟୋକଲ୍ ପାଳନ କରୁଛି କେଆଇଏ । ଉଚ୍ଚ ତାପମାତ୍ରା ପାଇଁ ସମସ୍ତ ଅନ୍ତର୍ଜାତୀୟ ଯାତ୍ରୀଙ୍କୁ ପୁଙ୍ଖାନୁପୁଙ୍ଖ ଯାଞ୍ଚ କରାଯାଉଛି। ବିମାନବନ୍ଦରର ପ୍ରସ୍ତୁତି ଉପରେ ଆଲୋକପାତ କରି ମୁଖପାତ୍ର କହିଛନ୍ତି ଯେ କୌଣସି ସନ୍ଦିଗ୍ଧ ମାମଲାକୁ ତୁରନ୍ତ ସମ୍ଭାଳିବା ପାଇଁ ବିମାନବନ୍ଦରରେ ଏକ ଆଇସୋଲେସନ୍ ଜୋନ୍ ଗଠନ କରାଯାଇଛି।
ଅଧିକ ପଢ଼ନ୍ତୁ ଭାରତ ଖବର
