ବିଡ଼ିଓ ହେବ ତ ଏମିତି ! ୪କିମି ପାହାଡ଼ ଚଢ଼ି ଲୋକଙ୍କ ସମସ୍ୟା ବୁଝିଲେ

ବିଡ଼ିଓ ହେବ ତ ଏମିତି ! ୪କିମି ପାହାଡ଼ ଚଢ଼ି ଲୋକଙ୍କ ସମସ୍ୟା ବୁଝିଲେ

by Swapna Rani

ନୟାଗଡ: ନୟାଗଡ-ଦଶପଲ୍ଲା ବିଡ଼ିଓଙ୍କ ନିଆରା ପ୍ରୟାସ । ଦୁର୍ଗମ ଅଞ୍ଚଳବାସୀଙ୍କ ଅଭିଯୋଗ ଶୁଣିବା ପାଇଁ ଲୋକଙ୍କ ପାଖରେ ପହଞ୍ଚିଲେ ବିଡ଼ିଓ । ମୌଳିକ ସମସ୍ୟାରୁ ବଞ୍ଚିତ ହୋଇ ଦୟନୀୟ ଅବସ୍ଥା ଜୀବନଯାପନ କରୁଥିବା ପାହାଡ଼ ଜଙ୍ଗଲ ଘେରା ଆଦିବାସୀ ଇଲାକାରେ ଲୋକଙ୍କ ନିକଟରେ ପହଞ୍ଚିଛନ୍ତି । ବ୍ଲକର ଟାକରା ପଞ୍ଚାୟତର ଦୁର୍ଗମ ଅଞ୍ଚଳ ପାନାବାରୀ ଗାଁକୁ ଯିବା ପାଇଁ ରାସ୍ତାଟିଏ ନଥିବା ବେଳେ ଘଞ୍ଚଜଙ୍ଗଲ ମଧ୍ୟରେ ପ୍ରାୟ ୪କିଲୋମିଟର ପାହାଡ଼ ଚଢି ଗାଁକୁ ଯାଇଥିଲେ ବିଡିଓ ଦେବୀପ୍ରସାଦ ମହାନ୍ତି ।

ସାଧାସିଧା ପୋଷାକରେ ହାତରେ ଠେଙ୍ଗା ଧରି ନିଜ ବ୍ଲକ କର୍ମଚାରୀଙ୍କ ସହ ଗାଁରେ ପହଞ୍ଚି ଲୋକଙ୍କ ସମସ୍ୟା ସମ୍ପର୍କରେ ପଚାରି ବୁଝିଛନ୍ତି । ଗମନାଗମନ, ଶିକ୍ଷା, ସ୍ୱାସ୍ଥ୍ୟ, ପାନୀୟ ଜଳ ଭଳି ସୁବିଧାଠାରୁ ବହୁ ଦୂରରେ ଥିବା ପାନାବାରୀ ଓ ତାବେଡା ଗାଁର ଲୋକମାନଙ୍କ ସହ ଆଲୋଚନା କରିଥିଲେ ବିଡ଼ିଓ । ବାସଗୃହ, ପାଇଖାନା ଭଳି ସମସ୍ୟା ସମାଧାନ କରିବାକୁ କର୍ମଚାରୀଙ୍କୁ ନିର୍ଦ୍ଦେଶ ମଧ୍ୟ ଦେଇଥିଲେ । ଗାଁକୁ କୌଣସି ପ୍ରଶାସନିକ ଅଧିକାରୀ ପୂର୍ବରୁ ଯାଇନଥିବା ବେଳେ ବିଡିଓ ଲୋକଙ୍କ ନିକଟରେ ପହଞ୍ଚି ସମସ୍ୟା ସମ୍ପର୍କରେ ଜାଣିବା ପାଇଁ ବିଡିଓଙ୍କ ଏଭଳି ନିଆରା ପ୍ରୟାସକୁ ବିଭିନ୍ନ ମହଲରେ ସ୍ୱାଗତ କରାଯାଇଛି ।

ବିଶ୍ୱକପ ପୂର୍ଵରୁ ଭାରତ ଅଷ୍ଟ୍ରେଲିଆ ମୁହାଁ ମୁହିଁ

by Smruti Parija

India vs Australia 2023 full schedule: All you need to know about the ODI series

ଅର୍ଗସ ବ୍ୟୁରୋ: ବିଶ୍ୱକପ ପୂର୍ଵରୁ ଭାରତୀୟ ଦଳ ଆଜି ଅଷ୍ଟ୍ରେଲିଆ ସହ ମୁହାଁ ମୁହିଁ ହେବ । ୩ ମ୍ୟାଚ ବିଶିଷ୍ଟ ସିରିଜର ପ୍ରଥମ ମ୍ୟାଚ ଆଜି ମୋହାଲିରେ ଖେଳାଯିବ । ବିରାଟ କୋହିଲି, ରୋହିତ ଶର୍ମା ଓ ହାର୍ଦ୍ଧିକ ପାଣ୍ଡିଆଙ୍କ ଅନୁପସ୍ଥିତିରେ କେ ଏଲ ରାହୁଲ ପ୍ରଥମ ଦୁଇଟି ମ୍ୟାଚରେ ଭାରତୀୟ ଦଳର ନେତୃତ୍ଵ ନେବେ ।

ଅକ୍ଟୋବର ୫ ରୁ ଆରମ୍ଭ ହେଵାକୁ ଥିଵା ଆଇସିସି ୱାଲ୍ଡକପ ପୂର୍ଵରୁ ଅଷ୍ଟ୍ରେଲିଆ ଦଳକୁ ପରକ୍ଷିଵା ପାଇଁ ଏକ ଉତ୍ତମ ସୁଯୋଗ ହେଵ । ଦିନିକିଆ ସିରିଜିର ଅନ୍ୟ ଦୁଇଟି ମ୍ୟାଚ ସେପ୍ଟେମ୍ଵର ୨୪ ଓ ସେପ୍ଟେମ୍ଵର ୨୭ରେ ରାଜକୋଟରେ ଖେଳାଯିଵ ।

ଦୀର୍ଘ ୧୨ ବର୍ଷ ତଳେ ୨୦୧୧ ମସିହାରେ ଭାରତୀୟ ଦଳ ୱାଲ୍ଡକପ ଟ୍ରଫି ହାତେଇ ଥିଲା । ତେଣୁ ଟ୍ରଫି ହାତେଇଵା ପାଇଁ ଭାରତୀୟ ଦଳ ଵେଶ ଆଶାଵାଦୀ ରହିଥିଵାଵେଳେ ଆଗାମୀ ୱାଲ୍ଡକପ ସଂସ୍କରଣରେ ଭାରତୀୟ ଦଳ ଅକ୍ଟୋଵର ୮ରେ ଅଷ୍ଟ୍ରେଲିଆ ସହ ପ୍ରଥମ ମ୍ୟାଚ ଖେଳି ନିଜ ଅଭିଯାନ ଆରମ୍ଭ କରିଵ । ଏହି ମ୍ୟାଚ ଚେନ୍ନାଇରେ ଖେଳାଯିଵ ।

ଆହୁରି ପଢନ୍ତୁ ଖେଳ ଖବର...

ବିଦ୍ୟୁତ ବିଭାଗରେ ଡ୍ରାଇଭର ଭାବେ କାମ କରୁଥିଲେ ଯୁବକ

by Swayangprajna Mishra

A young man committed suicide by hanging himself by a fan

କଟକ : ଘର ଭିତରେ ବେକରେ ଗାମୁଛାରେ ରସି ଲଗାଇ ଫ୍ୟାନରେ ଝୁଲି ଯୁବକଙ୍କ ଆତ୍ମହତ୍ୟା। ଏଭଳି ଘଟଣା ଘଟିଛି କଟକ ଜିଲ୍ଲା ସାଲେପୁର ଥାନା ଶିଶୁଆ କଲ୍ୟାଣପୁର ଗ୍ରାମରେ। ମୃତ ଯୁବକ ଜଣକ ହେଲେ କଲ୍ୟାଣପୁର ଗ୍ରାମର ଚନ୍ଦନ ଭୋଇ। ଚନ୍ଦନ ଭୋଇକୁ ପରିବାରଲୋକେ ଉଦ୍ଧାର କରି ମେଡିକାଲକୁ ଆଣିଥିଲେ। ହେଲେ ଡାକ୍ତର ତାଙ୍କୁ ସେଠାରେ ମୃତ ଘୋଷଣା କରିଛନ୍ତି।

ଅଧିକ ପଢନ୍ତୁ ଓଡିଶା ଖବର

ଘଟଣା ସ୍ଥଳରେ ପୋଲିସ ପହଞ୍ଚି ଶବକୁ ଜବତ କରିବା ସହ ଏକ ଅପମୃତ ମାମଲା ରଜୁ କରି ଶବବ୍ୟବଚ୍ଛେଦ ପାଇଁ କଟକ ପଠାଇ ତଦନ୍ତ ଆରମ୍ଭ କରିଛି। ଶବ ବ୍ୟବଚ୍ଛେଦ ରିପୋର୍ଟ ଆସିବା ପରେ ମୃତ୍ୟୁର ପ୍ରକୃତ କାରଣ ଜଣାପଡିବ ବୋଲି ପୋଲିସ ସୂଚନା ଦେଇଛି। ସୂଚନା ମୁତାବକ ଚନ୍ଦନ ଭୋଇ ବିଦ୍ୟୁତ ବିଭାଗରେ ଡ୍ରାଇଭର ଭାବେ କାମ କରନ୍ତି।

ମହିଳା ସଂରକ୍ଷଣ ବିଲ୍ ଉଭୟ ଗୃହରେ ପାସ୍ ; ସବୁ ଦଳକୁ ଧନ୍ୟବାଦ ଜଣାଇଲେ କେନ୍ଦ୍ରମନ୍ତ୍ରୀ

by Smruti Parija

Women's Protection Bill Passes in Both Houses; The Union Minister-dharmendra-pradhan thanked all the parties

ଅର୍ଗସ ବ୍ୟୁରୋ: ମହିଳା ସଂରକ୍ଷଣ ବିଲ ଉଭୟ ଗୃହରେ ପାସ୍ ହୋଇଛି । ମୋଦି ସରକାର ଆଣିଥିବା ଏହି ବିଲକୁ ବିରୋଧୀ ଦଳ ମଧ୍ୟ ସମର୍ଥନ ଜଣାଇଛନ୍ତି । ଯାହାକୁ ନେଇ ପ୍ରେସମିଟ୍ କରି ସବୁ ଦଳକୁ ଧନ୍ୟବାଦ ଦେଇଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଦେଶରେ ମହିଳା ଅଧିକାର ସବୁବେଳେ ଆହ୍ବାନ ରହି ଆସିଥିବାବେଳେ ମୋଦି ସରକାରରେ ଏହାର କ୍ରିୟାନ୍ବୟନ ସମ୍ଭବ ହୋଇପାରିଛି ।

ମୋଦିଙ୍କ ଶାସନରେ ମହିଳାଙ୍କ ଅଧିକାର ଆହୁରି ବିସ୍ତୃତ ହୋଇଛି । ମହିଳାଙ୍କୁ ମାଗଣା ବିଜୁଳି ହେଉ, ଅବା ମହିଳାଙ୍କୁ ମାଗଣା ରାସନ, ମ୍ୟାଟରନିଟି ଲିଭର ପିରିୟଡ଼ ବୃଦ୍ଧି ସହ ଦେଶର ପ୍ରତିରକ୍ଷା କ୍ଷେତ୍ରରେ ମହିଳାଙ୍କ ବଳିଷ୍ଠ ଅବଦାନରେ ବୃଦ୍ଧି ସମ୍ଭବ ହୋଇଛି । ଯାହା ମୋଦି ସରକାରରେ ମହିଳାଙ୍କ ଅଧିକାରକୁ ଗୁରୁତ୍ବର ସବୁଠୁ ବଳିଷ୍ଠ ଉଦାହରଣ ବୋଲି କହିଛନ୍ତି କେନ୍ଦ୍ରମନ୍ତ୍ରୀ ।

ଏହା ଛଡ଼ା ସଂସଦର ଉଭୟ ସଦନରେ ମହିଳା ସଂରକ୍ଷଣ ବିଲ୍ ନାରୀ ଶକ୍ତି ବନ୍ଦନ ବିଧେୟକ ସର୍ବସମ୍ମତିରେ ପାସ୍ ହେବା ଦେଶର ଗଣତନ୍ତ୍ରରେ ମହିଳାଙ୍କ ଭାଗିଦାରୀ ବୃଦ୍ଧି କରିବ ବୋଲି କହିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ।