ବାଲେଶ୍ବର : କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଙ୍କ ସମେତ ବିକାଶ ଫାଉଣ୍ଡେସନ ର ଅଭିନବ ପ୍ରୟାସ । ଅଞ୍ଚଳବାସୀ ଙ୍କୁ ଉନ୍ନତ ସ୍ୱାସ୍ଥ୍ୟ ସେବା ଯୋଗାଇ ଦେବା ଅବସରରେ ବିଭିନ୍ନ ସ୍ଥାନରେ ଟ୍ରଷ୍ଟ ପକ୍ଷରୁ ଆୟୋଜନ କରାଯାଉଛି ମାଗଣା ସ୍ୱାସ୍ଥ୍ୟ ସେବା ଶିବିର । ଏହି କ୍ରମରେ ଆଜି ଅନୁଗୁଳ ବିଧାନସଭା ନିର୍ବାଚନୀ ମଣ୍ଡଳୀ ର କାଙ୍ଗୁଲା ପଞ୍ଚାୟତ ଠାରେ ଆୟୋଜିତ ହୋଇଛି ସ୍ୱାସ୍ଥ୍ୟ ସେବା ଶିବିର । ସ୍ଥାନୀୟ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ଠାରେ ଆୟୋଜିତ ଏହି ମାଗଣା ସ୍ୱାସ୍ଥ୍ୟ ସେବା ଶିବିରରେ କାଙ୍ଗୁଲା ବେନ୍ତପୁର ଅଞ୍ଚଳ ସମେତ ଆଖପାଖ ପ୍ରାୟ ପାଞ୍ଚ ରୁ ଉର୍ଦ୍ଧ୍ଵ ପଞ୍ଚାୟତ ବାସୀ ଏଭଳି ସୁବିଧା ର ଲାଭ ଉଠାଇ ଥିଲେ ।
ଅଧିକ ପଢନ୍ତୁ : ଧର୍ମେନ୍ଦ୍ର ପ୍ରଧାନଙ୍କୁ ଧନ୍ୟବାଦ ଜଣାଇଲେ ପଞ୍ଚାୟତର କମିଟି ମେମ୍ବର ଓ ଅଞ୍ଚଳବାସୀ
ସେପଟେ ଆୟୋଜକ ଙ୍କ ପକ୍ଷରୁ ମଧ୍ୟ ଅନୁରୂପ ଭାବେ ସ୍ୱାସ୍ଥ୍ୟ ଶିବିର କୁ ଆସୁଥିବା ଲୋକଙ୍କ ପାଇଁ ସୁବିଧା ସୁଯୋଗ ଯୋଗାଇ ଦିଆଯାଉଥିବା ଦେଖିବାକୁ ମିଳିଥିଲା । ବିଶେଷ ଭାବେ ଡାଇବେଟିସ , ଅର୍ଥପେଡିକ , ମେଡିସିନ୍ସ , ଗାଇନୋକୋଲୋଜି ର ବିଶେଷଜ୍ଞ ଙ୍କ ଦ୍ଵାରା ରୋଗୀ ମାନଙ୍କ ଚିକିତ୍ସା କାର୍ଯ୍ୟ ତ୍ଵରାନ୍ବିତ କରାଯାଇଛି । ଏହା ସହ ମାଗଣା ରକ୍ତ ପରୀକ୍ଷା ସହ ଏଠାକୁ ଆସୁଥିବା ରୋଗୀ ଙ୍କୁ ମାଗଣା ଔଷଧ ବଣ୍ଟନ କରାଯାଇଥିବାରୁ ଅଞ୍ଚଳବାସୀ ଖୁସି ବ୍ୟକ୍ତ କରିଛନ୍ତି ।
ସୁବର୍ଣ୍ଣପୁର: ମାହୁନ୍ତକୁ କଚାଡି ହାତୀ ଫେରାର । ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ଧନୁଯାତ୍ରାରେ ଅଘଟଣ । ଧନୁଯାତ୍ରାରେ ସାମିଲ ଥିବା ହାତୀ ମାହୁନ୍ତକୁ କଚାଡି ଫେରାର ମାରିଥିବା ସୂଚନା ରହିଛି । ତେବେ ମାହୁନ୍ତ ଜଣକ ସୁରକ୍ଷିତ ଥିବା ଜଣାପଡିଛି । ହାତୀଟି ଗାଁ ମୁହାଁ ହୋଇଥିବା ସୂଚନା ମିଳିଛି ।
ଆଜି ଧନୁଯାତ୍ରାର ଚତୁର୍ଥ ରଜନୀ । କଂସ ମହାରାଜକୁ ହାତୀ ନେଇଥିବାବେଳେ ହଠାତ୍ ହାତୀଟି ପଳାଇବାରେ ଲାଗିଥିଲା । ମାହୁନ୍ତ ଜଣକ ହାତୀକୁ ନିୟନ୍ତ୍ରଣ କରିବା ପାଇଁ ଚେଷ୍ଟା କରିଥିଲେ ହେଁ ହାତୀ ଟି ନିୟନ୍ତ୍ରଣ ହରାଇ ମାହୁନ୍ତକୁ କଚାଡି ଦୌଡ଼ି ପଳେଇ ଥିଲା । ତେବେ ଅନ୍ଧାର ହୋଇଥିବାରୁ ହାତୀକୁ ଖୋଜିବାରେ ବାଧା ସୃଷ୍ଟି ହୋଇଛି । ବର୍ତ୍ତମାନ ପର୍ଯ୍ୟନ୍ତ ହାତୀର ସନ୍ଧାନ ମିଳି ପାରି ନାହିଁ । ଏବେ ସମସ୍ତେ ହାତୀଟିକୁ ଖୋଜିବାରେ ଲାଗିଥିବାବେଳେ ଯାତ୍ରା ମଧ୍ୟ ବାଧାପ୍ରାପ୍ତ ରହିଛି ।
ଆହୁରି ପଢନ୍ତୁ ଓଡିଶା ଖବର...
