Both the houses of the Parliament were adjourned till 11 am on April 3

ଅର୍ଗସ ବ୍ୟୁରୋ: ପୁଣି ମାଛକୁଣ୍ଡ ପଲିସକୁ ବଡ଼ସଫଳତା l ଗଛିତ ରଖାଯାଇଥିବା 53 କେଜି ଗଞ୍ଜେଇ ଜବତ କରିଛି ଲମତାପୁଟ ଏବଂ ମାଛକୁଣ୍ଡ ପୋଲିସ l ବିଶେଷ ସୂତ୍ରରୁ ଖବରପାଇ ଆମ୍ବାପଡା ଗ୍ରାମରେ ସୁରେନ୍ଦ୍ର ସୀସାଙ୍କ ଘରେ ଚଢ଼ାଉ କରିଥିଲା ପୋଲିସ। ସ୍ଥାନୀୟ ମାଜିଷ୍ଟେଡ଼ ଉପସ୍ଥିତରେ ଘର ଚାବି ଭାଙ୍ଗି ଘରକୁ ଯାଞ୍ଚ କରିବା ବେଳେ 3 ଟି ବସ୍ତାରେ ଗଞ୍ଜେଇ ଥିବା ପାଇଥିଲା ପୋଲିସ l ଘଟଣାସ୍ଥଳରୁ ସୁରେନ୍ଦ୍ର ଫେରାର ହୋଇଯାଇଥିବା ବେଳେ ଘର ଭିତରୁ ଗଞ୍ଜେଇ ଜବତ କରିଛି ମାଛକୁଣ୍ଡ ପୋଲିସ l ଏହାର ମୂଲ୍ୟ ପ୍ରାୟ 5 ଲକ୍ଷ ଟଙ୍କା ହେବ ବୋଲି ପୋଲିସ ସୂଚନା ଦେଇଛି l ଏବଂ ଘର ମାଲିକ ସୁରେନ୍ଦ୍ର ନାମରେ NDPS ନାରେ ମାମଲା ରୁଜୁ କରି ଅଭିଯୁକ୍ତକୁ ଧରିବା ପାଇଁ ଉଦ୍ୟମ ଆରମ୍ଭ କରିଛି I ଏହାସହ ଅଧିକ ତଦନ୍ତ ଜାରି ରଖିଛି ପୋଲିସ। ଅଧିକ ପଢ଼ନ୍ତୁ ଓଡିଶା ଖବର:

ଅର୍ଗସ ବ୍ୟୁରୋ: ଦ୍ୱିତୀୟ ଦିନରେ ଅମଲା ସଂଘର ମହାଆନ୍ଦୋଳନ ଜାରି। ସମାନ କାମକୁ ସମାନ ଦରମା, ଯୋଗ୍ୟତା ଭିତିରେ ପଦୋନ୍ନତି ଓ ଗ୍ରେଡ୍ ପେ’ ୪ରୁ ୯କୁ ବୃଦ୍ଧି କରିବାକୁ ଦାବିରେ ରାଜ୍ୟବ୍ୟାପୀ ଅମଲା ସଂଘର ଆନ୍ଦୋଳନ ଜାରି ରହିଛି। ତେବେ ଏନେଇ ଆଜି ଅର୍ଥମନ୍ତ୍ରୀଙ୍କ ଅଧ୍ୟକ୍ଷତାରେ ଅନ୍ତଃମନ୍ତ୍ରିସ୍ତରୀୟ ବୈଠକ ବସିବ। ଆଲୋଚନା ପାଇଁ ଅମଲାମାନଙ୍କ ପ୍ରତିନିଧିଙ୍କୁ ଡକାଯିବ ବୋଲି ସୂଚନା ରହିଛି। ଯୋଗ୍ୟତା ଭିତିକ ଓଆରଏସପି ୨୦୧୭ ପେ ମ୍ୟାଟ୍ରିକ୍ସ ଅନୁଯାୟୀ, ଲେବେଲ-୯ ଗ୍ରେଡ୍-ପେ ୪୨୦୦ ଟଙ୍କା ଦାବିରେ ଆନ୍ଦୋଳନ ଜାରି ରଖିଛି ଅମଲା ସଂଘ । ଲେଭେଲ-9 ଦାବିକୁ ନେଇ ଆଜି ଦୁଇଦିନ ହେଲା ଛୁଟିରେ ଅମଲା। ଅଚଳ ସରକାରୀ କଳ ।ଜିଲ୍ଲା ସ୍ତରୀୟ ମିଳିତ ଅମଲା ମଞ୍ଚର ଏକ ମାତ୍ର ଦାବି କନିଷ୍ଠ ସହାୟକମାନଙ୍କୁ ଶିକ୍ଷଗତ ଯୋଗ୍ୟତା ଅନୁସାରେ ନିଯୁକ୍ତିରେ ଲେଭେଲ-9 ଦରମା ଦାବି।  ସରକାରଙ୍କ ଉଦାସୀନତା ମନୋଭାବ ପୋଷଣକୁ ଲକ୍ଷ କରି ଆଜି ଠାରୁ ରାଜ୍ୟର ସବୁ ଜିଲ୍ଲାର ଜିଲ୍ଲାପାଳଙ୍କ କାର୍ଯ୍ୟାଳୟ ଓ ବ୍ଲକ କାର୍ଯ୍ୟାଳୟ ପରିସରରେ ସମସ୍ତ  ସରକାରୀ ବିଭାଗର ଅମଲା ମାନେ ଏକଜୁଟ ହୋଇ ଧାରଣା ଦେଇଛନ୍ତି । ଯାହାଫଳ ରେ ସରକାରୀ କାର୍ଯ୍ୟାଳୟ ମାନଙ୍କ ରେ ସମସ୍ୟା ସୃଷ୍ଟି ହୋଇଛି। ଯଦି ସରକାର ଏମାନଙ୍କ ଦାବି ନଶୁଣନ୍ତି ଆଗାମୀ ଦିନରେ ଏହାକୁ ବ୍ୟାପକ କରାଯିବ ବୋଲି ଚେତାବନୀ ଦେଇଛନ୍ତି । ଅଧିକ ପଢ଼ନ୍ତୁ ଓଡିଶା ଖବର:

ଅର୍ଗସ ବ୍ୟୁରୋ: ମାଲକାନଗିରି ସତୀଗୁଡା ଡ୍ୟାମରେ ଦେଶୀ ଡଙ୍ଗା ବୁଡି ଘଟଣା । ଗତକାଲି ସନ୍ଧ୍ୟାରେ 2ଟି ଡଙ୍ଗା ଡ୍ୟାମର ମଝିରେ ଭାରସାମ୍ୟ ହରାଇ ବୁଡ଼ିଯାଇଥିଲା । ମାଛ ଧରି ଫେରୁଥିବା ସମୟରେ ଦୁର୍ଘଟଣା ଘଟିଥିଲା। ଦୁଇଟି ଡଙ୍ଗାରେ 4 ଜଣ ମାଛ ଧରାଳି ଥିଲେ। 2 ଜଣ ପହଁରି କୂଳକୁ ଫେରିଥିବା ବେଳେ 2 ଜଣ ନିଖୋଜ ହୋଇଥିଲେ । ଗ୍ରାମବାସୀଙ୍କ ଦ୍ଵାରା ଜଣେ ମହିଳାଙ୍କ ମୃତ୍ୟୁ ଶରୀର ଉଦ୍ଧାର କରାଯାଇଥିବା ବେଳେ ଜଣେ ଏବେ ବି ନିଖୋଜ ଅଛନ୍ତି । ଓଡ୍ରାଫ ଓ ଅଗ୍ନିଶମ ବାହିନୀ ପକ୍ଷରୁ ତଲାସୀ ଅଭିଯାନ ଜାରି ରହିଛି। ଏଖବର ପରେ ସାରା ଅଞ୍ଚଳରେ ଭୟର ବାତାବରଣ ଖେଳିଯାଇଛି।ଏହାସହ ଅନ୍ୟ ଜଣଙ୍କୁ ଖୋଜିବାରେ ଲାଗି ପଡିଛି ଅଗ୍ନିଶମ ବାହିନୀ । ଅଧିକ ପଢ଼ନ୍ତୁ ଓଡିଶା ଖବର: