ପୁରୀ: ଭାଙ୍ଗିଲା ପୁରୀ ବେଳାଭୂମିରେ ନିର୍ମାଣଧୀନ ଘର। ଆଇନ ଉଲ୍ଲଂଘନ କରି ଜୁଆର ମାଡ଼ ହେଉଥିବା ସ୍ଥାନରେ ବି ଜାରି ରହିଥିଲା ନିର୍ମାଣ । ଖବର ପ୍ରସାରଣ ପରେ ପଡ଼ିଛି ବଡ ପ୍ରଭାବ। ପୁରୀ ବେଳାଭୂମିକୁ ବେଆଇନ ପ୍ରକ୍ରିୟାର ଜବରଦଖଲ ସହ ଏଠାରେ ଘର ନିର୍ମାଣ ଓ ପ୍ଲଟିଂ ଜନୈକ ମହିଳାଙ୍କୁ ମହଙ୍ଗା ପଡ଼ିଛି । ସିଆର୍ଜେଡ୍ ଅନୁମତି ପ୍ରତ୍ୟାହାର ପରେ ପୁରୀ ଜିଲ୍ଲା ପ୍ରଶାସନ ପକ୍ଷରୁ ଏହି ନିର୍ମାଣାଧୀନ ଘରକୁ ଭଙ୍ଗାଯାଇଛି।
ଯେହେତୁ ଏହା ବ୍ରହ୍ମଗିରି ତହସିଲ ଅଧୀନ ସିପସରୁବାଲି ମୌଜାରେ ଆସୁଛି, ଏଣୁ ବ୍ରହ୍ମଗିରି ତହସିଲଦାରଙ୍କ ସମେତ ପିକେଡିଏ ଓ ପୁଲିସ ଅଧିକାରୀଙ୍କ ଉପସ୍ଥିତିରେ ଏହି ବେଆଇନ ନିର୍ମାଣକୁ ଜେସିବି ଲଗାଇ ସଂପୂର୍ଣ୍ଣ ଉଚ୍ଛେଦ କରାଯାଇଛି। ପୁରୀ ବେଳାମାର୍ଗର ଷ୍ଟଲିଂ ବୁଲାଣି ନିକଟରେ ବେଳାଭୂମି ଭିତରେ କିଛିଦିନ ଧରି ବେଆଇନ ପ୍ଲଟିଂ ସହ ଏକ ଘର ନିର୍ମାଣ ଚାଲିଥିଲା। ପିକେଡିଏ ପ୍ଲାନିଂକୁ ଅଗ୍ରାହ୍ୟ କରି ଦେଇଥିଲେ ବି ସିଆର୍ଜେଡ୍ ଅନୁମତି ବଳରେ ଏହି ନିର୍ମାଣ ଚାଲିଥିଲା| ହରଚଣ୍ଡୀ ସାହିର ଜନୈକ ମହିଳାଙ୍କ ନାମରେ ଏହି ଜାଗା ଥିବା ଦର୍ଶାଇ ନିର୍ମାଣ ଜାରି ରଖିଥିଲେ ଜବରଦଖଲକାରୀ।
ଅଧିକ ପଢନ୍ତୁ ଓଡିଶା ଖବର
ଭୁବନେଶ୍ୱର: 17ରେ ଓଡ଼ିଶା ଆସୁଛନ୍ତି ମୋଦି। ସେପ୍ଟେମ୍ବର 17ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଓଡ଼ିଶା ଗସ୍ତକୁ ଦୃଷ୍ଟିରେ ରଖି ପ୍ରବଳ ଜନଗହଳି ହେବାକୁ ଥିବାରୁ 50 ଜଣ ବରିଷ୍ଠ OASଙ୍କୁ ପରିଚାଳନା ଦାୟିତ୍ଵ।
ନୂଆଦିଲ୍ଲୀ: ଦୀର୍ଘ ୬ ମାସ ଜେଲରେ ରହିବା ପରେ ଆଜି ମୁକୁଳିଛନ୍ତି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ। ଆଜି ସନ୍ଧ୍ୟା ପ୍ରାୟ ୬ଟା ବେଳେ ସେ ତିହାର ଜେଲରୁ ବାହାରିଛନ୍ତି। ବେଲ୍ ମିଳିଛି ହେଲେ କେଜ୍ରିୱାଲଙ୍କ ଲାଗି କଠୋର ସର୍ତ୍ତ ରଖିଛନ୍ତି କୋର୍ଟ। ମୁଖ୍ୟମନ୍ତ୍ରୀ ପଦରେ ଥାଇ ମଧ୍ୟ କେଜ୍ରିୱାଲଙ୍କୁ ସିଏମ୍ଓ ଏବଂ ସଚିବାଳୟ ଯିବା ମନା ହୋଇଛି। ଏପରି ସ୍ଥିତିରେ ଆପ୍ ନେତାମାନଙ୍କ ଆବଶ୍ୟକତା ଠାରୁ ଅଧିକ ଖୁସି ହେବା କାରଣ ହୀନ । ଜେଲ୍ ମୁଖ୍ୟମନ୍ତ୍ରୀ ଏବେ ବେଲ୍ ମୁଖ୍ୟମନ୍ତ୍ରୀ। ଏବେ ବି ମଦ ଦୁର୍ନିତୀର କଳଙ୍କ । ନୈତିକତା ହିସାବରେ କେଜେରିୱାଲ ଇସ୍ତଫା ଦେବା କଥା ବୋଲି ବିଜେପି ଦାବି କରିଛି।
156 ଦିନ ପରେ ଦିଲ୍ଲୀ ମୁଖ୍ୟମନ୍ତ୍ରୀ ତିହାର ଜେଲରୁ ମୁକୁଳିଛନ୍ତି। କେଜରିୱାଲଙ୍କୁ ଜାମିନ ଦେଇଥିଲେ ବି ସୁପ୍ରିମକୋର୍ଟ ତାଙ୍କ ପାଇଁ କଡା ସର୍ତ୍ତ ରଖିଛନ୍ତି। ନୁଖ୍ୟମନ୍ତ୍ରୀ ପଦରେ ଥାଇ ମଧ୍ୟ ମୁଖ୍ୟମନ୍ତ୍ରୀଙ୍କ ଅଫିସକୁ ଯାଇ ପାରିବେ ନାହିଁ । କୌଣସି ସରକାରୀ ଫାଇଲ୍ ବା କାଗଜପତ୍ରରେ ଦସ୍ତଖତ କରିପାରିବେ ନାହିଁ। ଏ ସମସ୍ତ ମାମଲାକୁ ନେଇ କୌଣସି ଟିପ୍ପଣୀ ଦେଇ ପାରିବେନାହିଁ କେଜ୍ରିଓ୍ବାଲ୍। ଏଥିସହ ତାଙ୍କୁ ଟ୍ରାଏଲ୍ କୋର୍ଟରେ ହାଜର ହେବାକୁ ପଡ଼ିବ।କୈାଣସି ସାକ୍ଷୀ ସହିତ କଥା ହୋଇପାରିବେ ନାହିଁ...ଏବଂ ୧୦ ଲକ୍ଷ ଟଙ୍କାର ବଣ୍ଡ ଭରିବାକୁ ପଡିବ।
ଅଧିକ ପଢନ୍ତୁ ଭାରତ ଖବର
