ଅର୍ଗସ ବ୍ୟୁରୋ: ବିଦ୍ୟାଳୟ ଓ ଗଣଶିକ୍ଷା ବିଭାଗକୁ ହାଇକୋର୍ଟଙ୍କ ଝଟକା। ସରକାରୀ ହାଇସ୍କୁଲରେ ଚୁକ୍ତିଭିତ୍ତିକ ତାଲିମପ୍ରାପ୍ତ ସ୍ନାତକ ଶିକ୍ଷକ ବା ଟିଜିଟି ନିଯୁକ୍ତି କ୍ଷେତ୍ରରେ ବାଣିଜ୍ୟ ଓ ଲାଇଫସାଇନ୍ସ ସ୍ନାତକ ପାସ କରିଥିବା ପ୍ରାର୍ଥୀଙ୍କୁ ଏବେ ନିଯୁକ୍ତି ମିଳିପାରିବ। ହାଇକୋର୍ଟଙ୍କ ରାୟ ପରେ ଏବେ ନିଯୁକ୍ତି କ୍ଷେତ୍ର ପାଇଁ ବାଟ ଫିଟିଛି। ତେବେ ଏହି ବ୍ୟବସ୍ଥାକୁ ଉଚ୍ଛେଦ ପାଇଁ ବିଦ୍ୟାଳୟ ଓ ଗଣଶିକ୍ଷା ବିଭାଗ ହାଇକୋର୍ଟର ସିଙ୍ଗଲ ବେଞ୍ଚଙ୍କ ରାୟକୁ ଚ୍ୟାଲେଞ୍ଜ କରି ପାଞ୍ଚଟି ରିଟ ଅପିଲ କରିଥିଲା।
ମୁଖ୍ୟ ବିଚାରୋଟି ଡକ୍ଟର ଜଷ୍ଟିସ ଏସ ମୂରଲୀଧର ଓ ବିଚାରପତି ଜଷ୍ଟିସ ଗୌରୀଶଙ୍କର ଶତପଥୀଙ୍କୁ ନେଇ ଗଠିତ ଖଣ୍ଡପୀଠ ଏହି ମାମଲାର ଶୁଣାଣୀ କରି ରାଜ୍ୟ ସରକାରଙ୍କ ରିଟ ଅପିଲକୁ ଖାରଜ କରିଛନ୍ତି। ତେବେ ବାଣିଜ୍ୟ ସ୍ନାତକ ଡିଗ୍ରୀଧାରୀମାନେ ପଢିଥିବା ଇଂରାଜୀ ଏବଂ ଅର୍ଥନୀତି ବିଷୟ ସ୍କୁଲ ପାଠ ହିସାବରେ ଗ୍ରହଣ କରାଯିବ। ସେହି ଆଧାରରେ ବାଣିଜ୍ୟ ସ୍ନାତକଙ୍କୁ ଶିକ୍ଷକତା ଚାକିରୀରେ ନିଯୁକ୍ତି ଦିଆଯାଇପାରିବ ବୋଲି ୬ ଜୁନ ୨୦୨୨ ମସିହାରେ ବିଚାରପତି ଜଷ୍ଟିସ ସଞ୍ଜୀବ କୁମାର ପାଣିଗ୍ରାହୀଙ୍କ ଖଣ୍ଡପୀଠ ନିର୍ଦ୍ଦେଶ ଦେଇଥିଲେ। ଯାହାକୁ ବିରୋଧ କରି ପାଞ୍ଚୋଟି ରିଟ ଅପିଲ କରିଥିଲେ ରାଜ୍ୟ ସରକାର।
ଅଧିକ ଓଡିଶା ଖବର ପଢ଼ନ୍ତୁ
ଅର୍ଗସ ବ୍ୟୁରୋ : ଅନୁଭବଙ୍କ ଡିଭୋର୍ସ ପାର୍ଟି ପ୍ଲାନିଂକୁ ଝଟକା । ୩ ବର୍ଷର ଆଇନଗତ ଲଢେଇ, ବିଜେଡି ସାଂସଦଙ୍କ ସୋସିଆଲ ମିଡିଆରେ ବାରମ୍ବାର ପୋଷ୍ଟ, ବିଭିନ୍ନ ସଭାରେ ବର୍ଷାଙ୍କ ଉଦ୍ଦେଶ୍ୟରେ ଆକ୍ଷେପ ଆଉ ଶେଷରେ ବିଜେଡି ସାଂସଦଙ୍କୁ ଲାଗିଛି କୋର୍ଟଙ୍କ ବଡ଼ ଝଟକା । କଟକ ପରିବାର ଅଦାଲତ ଅନୁଭବଙ୍କ ଡିଭୋର୍ସ ପିଟିସନକୁ ଖାରଜ କରିଛନ୍ତି । ଏଥିସହିତ ବର୍ଷାଙ୍କ ସେକସନ୍ ୯ ପିଟିସନ୍ ବି ଖାରଜ ହୋଇଛି ।
ଅଧିକ ପଢନ୍ତୁ : କଟକ ପରିବାର ଅଦାଲତରେ ଶେଷ ହେଲା ମାମଲା
୨୦୨୦ରେ କୋଭିଡ୍ ସମୟରେ ଚର୍ଚ୍ଚାକୁ ଆସିଥିଲେ ସେଲିବ୍ରିଟି କପଲ୍ । ଦିଲ୍ଲୀର କୋର୍ଟରେ ବିଜେଡି ସାଂସଦ ଅନୁଭବ ମହାନ୍ତି ଦାଖଲ କରିଥିଲେ ଡିଭୋର୍ସ ପିଟିସନ୍ । ମାମଲାକୁ ଦିଲ୍ଲୀକୁ କଟକ ଟ୍ରାନସଫର ପାଇଁ ଆବେଦନ କରିଥିଲେ ବର୍ଷା । ସୁପ୍ରିମକୋର୍ଟଙ୍କ ରାୟ ଯାଇଥିଲା ବର୍ଷାଙ୍କ ସପକ୍ଷରେ । ଅନୁଭବ ବିଭିନ୍ନ ସମୟରେ ବର୍ଷାଙ୍କୁ ନିର୍ଯାତନା ଦେଉଥିବା ହୋଇଥିଲା ଅଭିଯୋଗ ।
ଅନୁଭବ ଓ ତାଙ୍କ ଦୁଇ ସହଯୋଗୀଙ୍କ ନାଁରେ ୪୯୮ଏ, ୫୦୬, ୩୪୧ ରେ ମାମଲା ବି ରୁଜ୍ଜୁ ହୋଇଥିଲା । ହେଲେ ପୋଲିସ କାର୍ଯ୍ୟାନୁଷ୍ଠାନ ଗ୍ରହଣ କରିନଥିଲା । ଏହାଭିତରେ ବିଭିନ୍ନ ସମୟରେ ଅନୁଭବ ସୋସିଆଲ ମିଡିଆରେ ଭିଡିଓ ପୋଷ୍ଟ କରି ଟ୍ରୋଲ୍ ହୋଇଥିଲେ । ତେବେ ଅନୁଭବ ଜାଣିଥିଲେ କି କୋର୍ଟରେ ହାରିବେ, ତାଙ୍କ ଅଭିଯୋଗର ନାହିଁ ସତ୍ୟତା, ସେଥିପାଇଁ ବିଜେଡି ସାଂସଦ କରୁଥିଲେ କି ମିଛ ନାଟକ, କାରଣ ବର୍ଷା କେବେ ବି ଅନୁଭବଙ୍କୁ ନେଇ ମିଡିଆରେ କି ସୋସିଆଲ ମିଡିଆରେ କିଛି କହିନଥିଲେ ।
ଅର୍ଗସ ବ୍ୟୁରୋ : ଦେଶରେ ଏକକ ନିର୍ବାଚନ ନେଇ ଆଜି ଦିଲ୍ଲୀରେ ବସିବ ବୈଠକ । ଏକକ ନିର୍ବାଚନ ନେଇ ଦେଶର ବର୍ତ୍ତମାନର ଆଇନକୁ ତର୍ଜମା କରିବା ସହ ବିଭିନ୍ନ ଦିଗ ଉପରେ ହେବ ଆଲୋଚନା । ‘ଏକ ଦେଶ, ଏକ ନିର୍ବାଚନ’ ପ୍ରସଙ୍ଗରେ ବିଚାରବିମର୍ଶ ପାଇଁ ଏକ କମିଟି ଗଠନ କରିଛନ୍ତି କେନ୍ଦ୍ର ସରକାର । ଆଜି ଏହି କମିଟିର ପ୍ରଥମ ବୈଠକ ।
ଅଧିକ ପଢନ୍ତୁ ଭାରତ ଖବର
ଏକସଙ୍ଗେ ଲୋକସଭା ଓ ସବୁ ରାଜ୍ୟର ବିଧାନସଭା ନିର୍ବାଚନ ନେଇ ଏହି ବୈଠକରେ ଆଲୋଚନା କରାଯିବ । ପୂର୍ବତନ ରାଷ୍ଟ୍ରପତି ରାମନାଥ କୋବିନ୍ଦ ଏହି କମିଟିର ଅଧ୍ୟକ୍ଷ ଅଛନ୍ତି । ଏହି କମିଟି ଏକକ ନିର୍ବାଚନ ଉପରେ ବିଶ୍ଳେଷଣ କରିବା ସହ ସରକାରଙ୍କୁ ପରାମର୍ଶ ଦେବ ।
ଅର୍ଗସ ବ୍ୟୁରୋ : ଆଜି ପବିତ୍ର ରାଧାଷ୍ଟମୀ । ଶ୍ରୀମନ୍ଦିରରେ ହେବ ସ୍ବତନ୍ତ୍ର ନୀତିକାନ୍ତି । ନଗର ପରିକ୍ରମା ସହ ଚାରିଆଶ୍ରମ ବିଜେ କରିବେ ଚକ୍ରରାଜ ସୁଦର୍ଶନ । ଅପରାହ୍ନରେ ସୁଦର୍ଶନ ମହାପ୍ରଭୁ ଶ୍ରୀମନ୍ଦିର ବେଢା ପରିକ୍ରମା କରିବା ପରେ ବାହାରକୁ ତାଙ୍କ ବିମାନ ବାହାରି ନଗର ପରିକ୍ରମା କରିବ । ଏହାପରେ ପନ୍ତି ଭୋଗ ଖାଇ ଗୌଡ଼ବାଡ଼ ସାହିରେ ଥିବା ଜମ୍ବେଶ୍ବର ମହାଦେବ ମନ୍ଦିରକୁ ବିଜେ କରିବେ ।
ଅଧିକ ପଢନ୍ତୁ ଓଡ଼ିଶା ଖବର
ସେଠାରେ ଶୀତଳ ଭୋଗ ଓ ପ୍ରସାଦ ଲାଗି ନିତି ଅନୁଷ୍ଠିତ ହେବ । ଜମ୍ବେଶ୍ବରଙ୍କ ପକ୍ଷରୁ ଜଣେ ପୂଜାପଣ୍ଡା ସାମନ୍ତ ଶ୍ରୀମନ୍ଦିରର ବାର୍ଷିକ ଆୟବ୍ୟୟ ହିସାବ ସୁଦର୍ଶନଙ୍କ ସମୁଖରେ ପଢି ନିତି ସମ୍ପର୍ଣ୍ନ କରିବେ । ସୁଦର୍ଶନ ମହାପ୍ରଭୁ ଜମ୍ବେଶ୍ୱରଙ୍କ ଠାରୁ ଆୟବ୍ୟୟ ହିସାବ ଆଣିବା ପରେ ସେଠାରୁ ଶ୍ରୀମନ୍ଦିର ପ୍ରତ୍ୟାବର୍ତ୍ତନ କରିବେ । ତେବେ ଗତକାଲି ରାତିରେ ଶ୍ରୀମନ୍ଦିରରେ ଅନୁଷ୍ଠିତ ହୋଇଥିଲା କେକେସି ରାକ୍ଷସ ବଧ ନୀତି ।
