ଅର୍ଗସ ବ୍ୟୁରୋ : ଗାଡ଼ି ଚଳାଇବାରେ ଅସାବଧାନତା ଯୋଗୁଁ ଜଣେ ଯୁବକର ଜୀବନ ଯାଇଥିବା ବେଳେ ଜଣେ ଗୁରୁତର ହୋଇଛି । ଏଭଳି ଘଟଣା ଦେଖିବାକୁ ମିଳିଛି ଜଗତପୁର ଦେଇ ଯାଇଥିବା ୧୬ନଂ ଜାତୀୟ ରାଜପଥ ଉପରେ । ବିରୂପା ବ୍ୟାରେଜ୍ ନିକଟରେ ଭଦ୍ରକରୁ କଟକ ଅଭିମୁଖେ ବାଇକରେ ଯାଉଥିବା ଦୁଇ ଜଣ ଯୁବକ ଅସାବଧାନତା ହୋଇ ଏକ ଟ୍ରକ ପଛରେ ପିଟିଦେଇଥିଲେ। ଫଳରେ ଜଣେ ଯୁବକ ଟ୍ରକ ପଛରେ ପଶି ଯାଇଥିବା ବେଳେ ଅନ୍ୟ ଜଣେ ଗାଡିରୁ ଛିଟିକି ଯାଇଥିଲେ ।
ଘଟଣା ସ୍ଥଳରେ ଜଣକର ମୃତ୍ୟୁ ହୋଇଥିବା ବେଳେ ଅନ୍ୟ ଜଣେ ଯୁବକ ଗୁରୁତର ହୋଇ ପଡ଼ିଥିଲେ । ଜଗତପୁର ପୋଲିସ ପହଞ୍ଚି ଗୁରୁତର ଯୁବକକୁ ଚିକିତ୍ସା ପାଇଁ କଟକ ବଡଡାକ୍ତରଖାନା ପଠାଇବା ସହିତ ଶବ ବ୍ୟବଛେଦ ନିମନ୍ତେ ପଠାଇ ଥିଲେ । ଘଟଣା ସ୍ଥଳରୁ ଦୁର୍ଘଟଣା ଗ୍ରସ୍ତ ବାଇକ୍ ଓ ଟ୍ରକକୁ ଜବତ୍ କରି ଅଧିକ ତଦନ୍ତ ଚଳାଇଛି । ବାଇକ୍ ଚାଳକ ଦୁଇଜଣ ଭଦ୍ରକ ଅଞ୍ଚଳର ବୋଲି ଜଣାପଡିଛି।
