CBI interrogation of Mahima Mishra; 4 Arrested

ମହିମା ମିଶ୍ରଙ୍କୁ ସିବିଆଇ ଜେରା ଘଟଣା; 4 ଗିରଫ

by Smruti Parija

CBI interrogation of Mahima Mishra; 4 Arrested

ଭୁବନେଶ୍ୱର: ହାଜର ହେଲେ ମହିମା ମିଶ୍ର । ଭୁବନେଶ୍ୱର ସ୍ଥିତ ସିବିଆଇ ଅଫିସରେ ହାଜର ହେଲେ ମହିମା ମିଶ୍ର । ଶିଳ୍ପପତି ମହିମା ମିଶ୍ରଙ୍କୁ ସିବିଆଇ ଜେରା ଘଟଣା । ଭୁବନେଶ୍ବର ଅଫିସରେ ମହିମାଙ୍କୁ ଜେରା ଚାଲିଥିବା ବେଳେ ଘଟଣାରେ ୪ଜଣଙ୍କୁ ଗିରଫ କରିଛି ସିବିଆଇ । ପାରାଦୀପ ପୋର୍ଟ ଟ୍ରଷ୍ଟର ମୁଖ୍ୟ ମେକାନିକାଲ ଇଞ୍ଜିନିୟର ସରୋଜ କୁମାର ଦାସଙ୍କ ସମେତ ସୁମନ୍ତ ରାଉତ, କେସିଟି ଗ୍ରୁପର ପୋର୍ଟ ଅପରେସନ ମ୍ୟାନେଜର ଶଙ୍ଖଶୁଭ୍ର ମିତ୍ର ଓ ଷ୍ଟିଭେଡର୍ସ ଲିମିଟେଡର ଡିଜିଏମ ସୂର୍ଯ୍ୟ ନାରାୟଣ ସାହୁଙ୍କୁ ଗିରଫ କରିଛି ପୋଲିସ। ଅନ୍ୟପଟେ ସିବିଆଇ ପକ୍ଷରୁ ଜାରି ହୋଇଥିବା ଅଭିଯୁକ୍ତ ତାଲିକାରେ ମହିମା ମିଶ୍ରଙ୍କ ସାନ ପୁଅ ଚର୍ଚ୍ଚିତ ମିଶ୍ରଙ୍କ ନାଁ ରହିଛି।

ଗତକାଲି ଏହି ଘଟଣଆରେ କଟକରେ ଓଏସଏଲ ଅଫିସ ଏବଂ ମହିମା ମିଶ୍ରଙ୍କ ବାସଭବନ ଏବଂ ପାରାଦୀପ କାର୍ଯ୍ୟାଳୟରେ ସିବିଆଇ ଚଢ଼ଉ କରିଥିଲା। ପାରାଦୀପ ଓ ଭୁବନେଶ୍ୱରରେ ଥିବା ମହିମାନନ୍ଦଙ୍କ ଦୁଇଟି ଘର ଏବଂ ଦୁଇଟି ଅଫିସରେ ଚଢ଼ଉ ହୋଇଥିଲା। ଗତକାଲି ମହିମାନଙ୍କ ବଡ଼ ପୁଅ ଚନ୍ଦନ ମିଶ୍ରଙ୍କୁ ସିବିଆଇ ଟିମ୍ ଦୀର୍ଘ ସମୟ ଜେରା କରିଥିଲା । ଏହି ଘଟଣାରେ ୮୫ ଲକ୍ଷରୁ ଅଧିକ ଟଙ୍କା ସିବିଆଇ ଜବତ କରିଛି। ଗତକାଲି ଚଢାଉ ବେଳେ ସିବିଆଇ ଟିମ୍‌ ପାରାଦୀପରୁ ବହୁ ଗୁରୁତ୍ବପୂର୍ଣ୍ଣ କାଗଜପତ୍ର ଜବତ କରିଥିବା କୁହାଯାଉଛି ।

ଅପରାଧ ଖବର ଆହୁରି ପଢ଼ନ୍ତୁ ।