ଅର୍ଗସ ବ୍ୟୁରୋ: ଆଜି ବାହାରିପାରେ CBSE ଦଶମ ଓ ଦ୍ୱାଦଶ ଶ୍ରେଣୀ ପରୀକ୍ଷା ଫଳ । ତେବେ ରେଜଲ୍ଟ ବାହାରିବା ନେଇ ବୋର୍ଡ ପକ୍ଷରୁ କୌଣସି ନିର୍ଦିଷ୍ଟ ସୂଚନା ମିଳିନାହିଁ । ୧୧ ତାରିଖ ରେଜଲ୍ଟ ବାହାରିବା ନେଇ ଗୁଜବ ସୃଷ୍ଟି ହେଉଥିଲା ତାହା ଫେକ ବୋଲି CBSE ପକ୍ଷରୁ ଟୁଇଟ ମାଧ୍ୟମରେ ସ୍ପଷ୍ଟୀକରଣ ରଖାଯାଇଥିଲା। ତେବେ ଆଜି ରେଜଲ୍ଟ ବାହାରିବ କି ନାହିଁ ତାହା ହୁଏ ତ ଆଉ କିଛି ଘଣ୍ଟା ପରେ ସ୍ପଷ୍ଟ ହୋଇପାରେ।
ପୂର୍ବାହ୍ନରେ ଦ୍ୱାଦଶ ଶ୍ରେଣୀ ଏବଂ ଏହାର ଦୁଇ ଘଣ୍ଟା ପରେ ଦଶମ ଶ୍ରେଣୀ ପରୀକ୍ଷାର୍ଥୀଙ୍କ ଫଳ ବାହାରିବ। ପରୀକ୍ଷାର୍ଥୀମାନେ ‘results.cbse.nic.in’ ଓ ‘cbseresults.nic.in’ ମାଧ୍ୟମରେ ସେମାନଙ୍କ ଫଳ ଜାଣିପାରିବେ। ଚଳିତଥର ଉଭୟ ଶ୍ରେଣୀରେ ୩୮ ଲକ୍ଷ ୩୮ ହଜାର ୭୧୦ ଛାତ୍ରଛାତ୍ରୀ ପରୀକ୍ଷା ଦେଇଛନ୍ତି। ସେଥିମଧ୍ୟରୁ ଦଶମରେ ୨୧ ଲକ୍ଷ ୮୬ ହଜାର ୯୪୦ ଓ ଦ୍ୱାଦଶରେ ୧୬ଲକ୍ଷ ୯୬ହଜାର ୭୭୦ଜଣ ପରୀକ୍ଷାର୍ଥୀ ରହିଛନ୍ତି। ଉଭୟ ଶ୍ରେଣୀରେ ଓଡ଼ିଶାରୁ ୪୫ହଜାର ଛାତ୍ରଛାତ୍ରୀ ରହିଥିବା ଜଣାପଡ଼ିଛି।
ଅଧିକ ପଢ଼ନ୍ତୁ ଶିକ୍ଷା ଖବର :
ଅର୍ଗସ ବ୍ୟୁରୋ: ଦେଖିଲେ , ଆଶ୍ଚର୍ଯ୍ୟ ହେଲେ ଓ ପ୍ରଶଂସାରେ ଶତମୁଖ ହେଲେ ଓଲିଉଡ଼ ଅଭିନେତ୍ରୀ ଅନୁ ଚୌଧୁରୀ। ଓଡ଼ିଶା ପ୍ରସିଦ୍ଧ ରୁପଦେଇପୁର ନାଗାଯାତ୍ରା ଉତ୍ସବରେ ଯୋଗ ଦେଇ ବିଭୋର ହେଲେ ଅନୁ। ପୁରୀ ଜିଲ୍ଲା ପିପିଲି ରୁପଦେଇପୁର ନାଗାଯାତ୍ରାର ରହିଛି ସ୍ଵତନ୍ତ୍ର ପରିଚୟ, କାରଣ ଏତେ ସଂଖ୍ୟାରେ ନାଗା ନାଚ ପ୍ରଦର୍ଶନ ହେବା ଅନ୍ୟ କେଉଁ ଠାରେ ଦେଖିବକୁ ମିଲେନି। ଏଠାରେ ଛୋଟ ପିଲାଙ୍କ ଠାରୁ ଆରମ୍ଭ କରି ୭୫ ବର୍ଷୀୟ ବୃଦ୍ଧ ମଧ୍ୟ ନାଗା ନାଚ କଳାରେ ପାରଙ୍ଗମ।
ପୁରୀ ଶ୍ରୀମନ୍ଦିର ଭଳି ପିପିଲି ରୁପଦେଇପୁର ସ୍ଥିତ ଶ୍ରୀଜଗନ୍ନାଥଙ୍କ ମନ୍ଦିରରେ ମଧ୍ୟ ସମାନ ପରମ୍ପରା ଅନୁଷ୍ଠିତ ହୁଏ। ସ୍ନାନପୂର୍ଣ୍ଣମୀ ଠାରୁ ତିନିଦିନ ଧରି ପ୍ରଚଳିତ ପରମ୍ପରା ଅନୁଯାୟୀ ଠାକୁରଙ୍କ ନୀତିକାନ୍ତି ହେଉଥିବା ବେଳେ ଶେଷ ଦିନରେ ନାଗାନାଚ ଅନୁଷ୍ଠିତ ହୁଏ। ଯାହାକି ଅନ୍ୟ ସବୁ ନାଗା ଯାତ୍ରା ଠାରୁ ଭିନ୍ନ। ଗୋଟିଏ ଗୋଟିଏ ବଡ଼ ନାଗା ରେ ପ୍ରାୟ ୭୦ରୁ ୮୦ କେଜି ରୂପା ଖଚିତ ହୋଇଥିଲା ବେଳେ ୨୨ ଗୋଟି ନାଗା ଭିନ୍ନ ଭିନ୍ନ କୌଶଳରେ ନାଗାକଳା ପ୍ରଦର୍ଶିତ କରିଥାନ୍ତି। ସ୍ଥାନୀୟ ପ୍ରଚଳିତ ଲୋକକଥା ଅନୁସାରେ ପ୍ରାୟ ୫୦୦ବର୍ଷ ରୁ ଉର୍ଦ୍ଧ୍ବ ସମୟ ଧରି ଏହି ପରମ୍ପରା ଚାଲି ଆସୁଥିବା ବେଳେ କାଳକ୍ରମେ ରୁପଦେଇପୁର ନାଗା ପ୍ରସିଦ୍ଧ ଲାଭ କରିଛି। ରୁପଦେଇପୁର ବ୍ରାହ୍ମଣ ଶାସନର ପ୍ରତ୍ୟକ୍ଷ ତତ୍ତ୍ଵାବଧାନରେ ଏହି ପ୍ରଥା ଦୀର୍ଘ ଦିନ ହେବ ଅନୁଷ୍ଠିତ ହେଉଥିଲେ ମଧ୍ୟ ଗ୍ରାମର ଅନ୍ୟ ସମସ୍ତ ଜାତିର ଲୋକେ ଭାଇଚାରା ସହ ଏହକୁ ପାଳନ କରିଥାନ୍ତି। ଚଳିତ ବର୍ଷ ହଜାର ହଜାର ଲୋକଙ୍କ ସମାଗମ ଦେଖିବାକୁ ମିଳିଛି। ସ୍ଥାନୀୟ ବିଧାୟକ ମଧ୍ୟ ଚଳିତ ବର୍ଷ ଉତ୍ସବରେ ଯୋଗଦେଇ ନାଗାଯାତ୍ରାକୁ ମନଭରି ଉପଭୋଗ କରିଥିବା ଦେଖା ଯାଇଛି।
ବିଶେଷକରି ପୁରୀ ଜିଲ୍ଲାରେ ପ୍ରଚଳିତ ପରମ୍ପରାକୁ ନେଇ କିଛି ପ୍ରମୁଖ ମେଲଣ ବା ଯାନିଯାତ୍ରାକୁ ନେଇ ଲୋକମତ ରହିଛି ଯାହାକି ହରିରାଜପୁର ବାଣ, ବଳଙ୍ଗା ଦୋଳ, ଓ ଘୋରଡିଆ ତଗା ସାଙ୍ଗକୁ ରୁପଦେଇପୁର ନାଗା ପାଇଛି ସ୍ଵତନ୍ତ୍ର ଖ୍ୟାତି।
ଅଧିକ ପଢ଼ନ୍ତୁ ଧର୍ମ ଓ ସଂସ୍କୃତି ଖବର
ଅନୁଗୁଳ: ପ୍ରଧାନମନ୍ତ୍ରୀଙ୍କ ସ୍ଲୋଗାନ ବେଟି ବଚାଓ ବେଟି ପଢାଓ ଆଜି ସଫଳ ରୂପାୟନ ବିଭିନ୍ନ ସ୍ଥାନରେ ଦେଖିବାକୁ ମିଳୁଛି । ଏହାକୁ ସାକାର କରିବା ନେଇ ବାଳିକା ମାନଙ୍କୁ ପ୍ରଶିକ୍ଷଣ ଦେଇ ପରିଚୟ ଦେଇଛି ରାଷ୍ଟ୍ରାୟତ ଉଦ୍ୟଗ ଏନଟିପିସି । ଅନୁଗୁଳ ଜିଲ୍ଲା କଣିହାଁ ସ୍ଥିତ ଏନଟିପିସି କେନ୍ଦ୍ରୀୟ ବିଦ୍ୟାଳୟରେ ଚଳିତ ବର୍ଷ ସାମାଜିକ ଦାଇତ୍ଵ ବୋଧ ବିକାଶ ବିଭାଗ(CSR) ପକ୍ଷରୁ ୧୨୦ ଜଣ ବାଳିକାଙ୍କୁ ଶିକ୍ଷା କ୍ଷେତ୍ରରେ ଅଗ୍ରଣୀ କରିବା ନେଇ ହୋଇଛି ସକ୍ଷମ । ଏନଟିପିସି ଆଖପାଖ ଅଞ୍ଚଳର କ୍ଷତିଗ୍ରସ୍ତ ୧୫ଟି ସରକାରୀ ବିଦ୍ୟାଳୟରୁ ଷଷ୍ଠ ଶ୍ରେଣୀର ଛାତ୍ରୀଙ୍କୁ ଚୟନ କରି ଏକ ମାସର ଶିକ୍ଷା ଦେବା ସହ ଛାତ୍ରୀ ମାନଙ୍କ ଅନ୍ତନିହିତ ଶକ୍ତି ବିକାଶ କାର୍ଯ୍ୟକ୍ରମ କରାଯାଇଛି। ୨୦୧୯ ମସିହାରେ ବାଳିକା ସଶକ୍ତିକରଣ ମିଶନ୍ ଆରମ୍ଭ ହୋଇଥିବା ବେଳେ ପ୍ରତ୍ୟେକ ବର୍ଷ ୧୨୦ ଜଣ ଛାତ୍ରୀଙ୍କୁ ସାମିଲ କରାଯାଇଛି।
ଛାତ୍ରୀ ମାନଙ୍କୁ ଦିନଚର୍ଯ୍ୟା,ପାଠପଢା, ଯୋଗ, ଆତ୍ମରକ୍ଷା ପ୍ରଶିକ୍ଷଣ, ଚିତ୍ରାଅଙ୍କନ, ଡ୍ୟାନ୍ସ ଓ କମ୍ପ୍ୟୁଟର ଶିକ୍ଷା, ଅଭିଜ୍ଞ ଶିକ୍ଷକ ଶିକ୍ଷୟିତ୍ରୀ ମାନଙ୍କ ଦ୍ଵାରା ଛାତ୍ରୀଙ୍କୁ ପ୍ରଦାନ କରି ପ୍ରତିଭାବାନ କରିଥାନ୍ତି। ଶିକ୍ଷା ଗ୍ରହଣ କରିଥିବା ଶ୍ରେଷ୍ଠ ବିବେଚିତ ୧୦ ଜଣ ଛାତ୍ରୀଙ୍କ ପାଠ ପଢାପାଇଁ ସମସ୍ତେ ଖର୍ଚ୍ଚ ମଧ୍ୟ ଏନଟିପିସି ବହନକରିଥାଏ । ଏହି ବାଳିକା ସଶକ୍ତିକରଣ ଅଭିଯାନ ଦ୍ୱାରା ଗ୍ରାମାଞ୍ଚଳର ବାଳିକା ମାନଙ୍କୁ ଦେଶ ତଥା ରାଜ୍ୟର ବିଭିନ୍ନ କ୍ଷେତ୍ରରେ ସାମିଲ ହୋଇପାରିବା ନେଇ ଲକ୍ଷ୍ୟରଖାଯାଇଛି ବୋଲି ଏନଟିପିସି କାର୍ଯ୍ୟନିର୍ବାହୀ ନିର୍ଦ୍ଦେଶକ କେ.ଏସ୍. ସୁନ୍ଦରମ୍ ସୂଚନା ଦେଇଛନ୍ତି । ଏହିଭଳି ଭାବରେ ବାଳିକା ମାନଙ୍କୁ ପ୍ରଶିକ୍ଷଣ ଦେବାରେ ସମସ୍ତ ରାଷ୍ଟ୍ରାୟତ ଉଦ୍ୟେଗ ଗୁଡିକ ପ୍ରୟାସ ଜାରୀରଖିଲେ ଆଗାମୀ ଦିନରେ ଛାତ୍ରୀଙ୍କ ସହ ଅଭିଭାବକ ମାନେ ପ୍ରେରିତ ହେବା ସହ ନିଜ ଲକ୍ଷ୍ୟ ପୁରଣ କରିପାରିବେ ।
ଅଧିକ ପଢନ୍ତୁ ଓଡ଼ିଶା ଖବର
ନୂଆଦିଲ୍ଲୀ: ଦିଲ୍ଲୀକୁ ଲାଗିଥିବା ଉତ୍ତର ପ୍ରଦେଶର ଗାଜିଆବାଦ ଠାରେ ଅନଲାଇନ ଗେମ ଜରିଆରେ କୋମଳମତି ପିଲା ମାନଙ୍କୁ ବ୍ରେନୱାସ କରି ଇସଲାମରେ କନଭର୍ଟ କରୁଥିବା ଘଟଣା ଆସିବା ପରେ ଏହାକୁ ନେଇ ଚର୍ଚା ଆରମ୍ଭ ହୋଇଯାଇଛି । ଏହାକୁ କିଛି ଲୋକ ଗେମିଂ ଜେହାଦ ବୋଲି କହିବା ଆରମ୍ଭ କରି ଦେଇଛନ୍ତି । ଏହି ମାମଲା ସାମନାକୁ ଆସିବା ପରେ ଏହାକୁ ନେଇ ପ୍ରବଳ ପ୍ରତିକ୍ରିୟା ପ୍ରକାଶ ପାଇଚି ।
ଏହି ମାମଲାରେ କିଛି ଲୋକଙ୍କୁ ଗିରଫ କରାଯିବା ପରେ ଏବେ ଜାତୀୟ ଶିଶୁ ଅଧିକାର ସଂରକ୍ଷଣ କମିଶନ ଏବେ ଏହି ପ୍ରସଙ୍ଗରେ କଡା ଆଭିମୁଖ୍ୟ ଗ୍ରହଣ କରିଛନ୍ତି । ଜାତୀୟ ଶିଶୁ ଅଧିକାର ସଂରକ୍ଷଣ କମିଶନ ବା ଏନସିପିସିଆର ର ଅଧ୍ୟକ୍ଷ ପ୍ରିୟଙ୍କ କାନୁନଗୋ ଏହାକୁ ନେଇ ପ୍ରତିକ୍ରିୟା ପ୍ରକାଶ କରିଛନ୍ତି । ଏନସିପିସିଆର ର ଅଧ୍ୟକ୍ଷ ପ୍ରିୟଙ୍କ କାନୁନଗୋ ଏହି ମାମଲାରେ ଇଲେକ୍ଟ୍ରୋନିକ ଓ ସୂଚନା ପ୍ରଯୁକ୍ତି ମନ୍ତ୍ରଣାଳୟ ର ସଚିବ ଅଲକେଶ କୁମାରଙ୍କୁ ପତ୍ର ଲେଖି ଛନ୍ତି । ଏହି ପତ୍ରରେ ସେ ଅଭିଯୁକ୍ତ ଅନ ଲାଇନ ଗେମିଂ କମ୍ପାନୀ ଫୋର୍ଟନାଇଟ ଓ ଡିସ୍କର୍ଡ ନାମରେ ଚାଟିଂ ଆପ ବିରୁଦ୍ଧରେ ଆଇଟି ନିୟମ ଅନୁଯାୟୀ ଜାଂଚ କରିବାକୁ କହିଛନ୍ତି । ଦଶ ଦିନ ମଧ୍ୟରେ ଏ ସମ୍ପର୍କରେ କାର୍ଯାନୁଷ୍ଠାନ ରିପୋର୍ଟ କମିଶନଙ୍କୁ ପ୍ରଦାନ କରିବାକୁ ସେ ଏହି ପତ୍ରରେ ଉଲ୍ଲେଖ କରିଛନ୍ତି ।
ଅନ୍ୟ ପକ୍ଷରେ ଓଡିଶା ଗସ୍ତରେ ଆସିଥିବା ବିଶ୍ୱ ହିନ୍ଦୁ ପରିଷଦର ରାଷ୍ଟ୍ରୀୟ ପ୍ରବକ୍ତା ବିଜୟ ଶଙ୍କର ତିୱାରୀ ଏହି ଘଟଣା ଉପରେ ପ୍ରତିକ୍ରିୟା ପ୍ରକାଶ କରି କହିଛନ୍ତି ଯେ ନାବାଳକ ପିଲା ମାନଙ୍କୁ ଇସଲାମରେ କନଭର୍ଟ କରିବାକୁ ଗେମିଂ ଆପର ବ୍ୟବହାର କରୁଥିବା ଘଟଣା ଅତ୍ୟନ୍ତ ନିନ୍ଦନୀୟ । ଏହା ପଛରେ ଥିବା ଇସଲାମୀ କଟ୍ଟରପନ୍ଥୀ ମାନଙ୍କର କୁତ୍ସିତ ମାନସିକତାକୁ ଏହା ପ୍ରଦର୍ଶିତ କରୁଛି । ଏଭଳି ଲୋକଙ୍କୁ କଠୋରରୁ କଠୋରତମ ଦଣ୍ଡ ଦେବାକୁ ବିଶ୍ୱ ହିନ୍ଦୁ ପରିଷଦ ଦାବି କରୁଛି ବୋଲି ସେ କହିଛନ୍ତି ।
ଏଠାରେ ଉଲ୍ଲେଖ କରାଯାଇ ପାରେ ଯେ ଗତ କିଛି ଦିନ ତଳେ ଏବେ ଇସଲାମୀ ଧର୍ମାନ୍ତରକାରୀ ଗ୍ୟାଙ୍ଗ ଅନ ଲାଇନ ଗେମ ଜରିଆରେ ମଧ୍ୟ ଛୋଟ ଛୋଟ ପିଲା ମାନଙ୍କୁ ବ୍ରେନ ୱାସ କରି ସେମାନଙ୍କୁ ଇସଲାମରେ କନଭର୍ଟ କରିବାର ଘଟଣା ସାମନାକୁ ଆସିଥିଲା । ଏହି ମାମଲାରେ ଉତ୍ତର ପ୍ରଦେଶର ଗାଜିଆବାଦ ପୋଲିସକୁ ଏକ ବଡ ସଫଳତା ମିଳିଥିଲା । ଗାଜିଆବାଦର ଜୈନ ସମାଜର ଏକ ପିଲାକୁ ଇସଲାମୀ ଧର୍ମାନ୍ତରୀକରଣ କରାଯିବା ଘଟଣା ସାମନାକୁ ଆସିବା ପରେ ପୋଲିସ ଜାଂଚରେ ବଡ ରହସ୍ୟୋଦଘାଟନ ହୋଇଥିଲା । ଏହି ମାମଲାରେ ମସଜିଦ କମିଟିର ପୂର୍ବତନ ସଦସ୍ୟ ଅବଦୁଲ ରହମାନକୁ ଗିରଫ କରାଯାଇଥିଲା । ସେ ଏକ ଇସଲାମୀ ଧର୍ମାନ୍ତରୀକରଣ ଗ୍ୟାଙ୍ଗ ସହ ଜଡିତ ଥିଲା । ଅନଲାଇନ ଗେମରେ ବିଜୟ ପାଇ ସେ ହିନ୍ଦୁ ପିଲାଙ୍କୁ କୁରାନର ଆୟାତ ଗୁଡିକୁ ପଢାଉଥିଲା । ଏହା ପରେ ପିଲା ମାନଙ୍କର ବ୍ରେନ ୱାସ କରି ସେମାନଙ୍କୁ ଇସଲାମରେ କନଭର୍ଟ କରୁଥିଲା ।
ଅବଦୁଲ ରହମାନର ମୋବାଇଲରୁ ପୋଲିସକୁ ଏ ସମ୍ପର୍କରେ ଅନେକ ପ୍ରମାଣ ମିଳିଥିଲା । ଗତ 30 ମଇରେ ସ୍ଥାନୀୟ ରାଜନଗରର ଜଣେ ବ୍ୟକ୍ତି ଧର୍ମାନ୍ତରୀକରଣକୁ ନେଇ ଏକ ମାମଲା ରୁଜୁ କରିଥିଲେ । କବିନଗର ପୋଲିସ ଥାନାରେ କରାଯାଇଥିବା ଏଫଆଇଆରରେ ସଂଜୟ ନଗର ସ୍ଥିତ ମସଜିଦର ଏକ ମୌଲାନା ଅବଦୁଲ ରହମାନ ଓ ମୁମ୍ବାଇ ବଦ୍ଦୋ ନାମକ ବ୍ୟକ୍ତିର ଉଲ୍ଲେଖ ଥିଲା । ପରେ ବଦ୍ଦୋ ନାମକ ବ୍ୟକ୍ତି ଶହନବାଜ ବୋଲି ଜଣା ପଡିଥିଲା । ଏମାନେ ହିନ୍ଦୁ ପିଲା ମାନଙ୍କୁ ବ୍ରେନ ୱାସ କରି ମୁସଲମାନ କରୁଥିଲେ । ଦୁଇ ଜଣ ନାବାଳକ ମାନଙ୍କୁ ବ୍ରେନ ୱାସ କରି ସେମାନେ କନଭର୍ଟ କରୁଥିଲେ ।
ଏହି ନାବାଳକ ମାନଙ୍କ ମଧ୍ୟରେ ଜଣେ ଜୈନ ସମାଜ ଓ ଅନ୍ୟ ଜଣେ ହିନ୍ଦୁ ସମାଜର ଥିଲା । ଏହି ପିଲା ମାନେ ଏହି ଇସଲାମୀ ଗ୍ୟାଙ୍ଗର ପ୍ରଭାବରେ ଆସି ନମାଜ ପଢିବା ଆରମ୍ଭ କରି ଦେଇଥିଲେ । ଜୈନ ପରିବାରକୁ ସେତେବେଳେ ଏ ସମ୍ପର୍କରେ ଜଣା ପଡିଲା ଯେତେବେଳେ ସଂପୃକ୍ତ ମୌଲବୀ ଭୟରେ ତାର ଫୋନର ଚାଟ ହିଷ୍ଟ୍ରିକୁ ଡିଲିଟ କରି ଦେଇଥିଲା ।
ଅଧିକ ପଢନ୍ତୁ ଭାରତ ଖବର
