ଅର୍ଗସ ବ୍ୟୁରୋ : ଧର୍ମଶାଳା କଳାପଥର କେଳେଙ୍କାରୀ ମାମଲା । 9 ଲିଜଧାରୀଙ୍କ ଉପରେ 164 କୋଟି ଜୋରିମାନା । ଯାଜପୁର ଜିଲ୍ଲା ଧର୍ମଶାଳା ତହସିଲରେ କଳାପଥର କେଳେଙ୍କାରୀ ମାମଲାରେ ଆଉ ୯ ଜଣ ଲିଜ୍ଧାରୀଙ୍କୁ ମାତ୍ରାଧିକ ଖନନ ପାଇଁ ଜୋରିମାନା ଧାର୍ଯ୍ୟ କରାଯାଇଛି ।
ଅଧିକ ପଢନ୍ତୁ ଓଡ଼ିଶା ଖବର
୧୦ଟି ସୈରାତର ଏହି ଲିଜଧାରୀଙ୍କୁ ଧର୍ମଶାଳା ତହସିଲ ଆଜି ୧୬୪ କୋଟି ୫ଲକ୍ଷ ୭୦ହଜାର ୫୬୬ଟଙ୍କା ଜରିମାନା କରିଛନ୍ତି । ଧର୍ମଶାଳା ତହସିଲରେ ଲିଜଧାରୀଙ୍କ ଦ୍ବାରା ବେଆଇନ କଳାପଥର ଖନନ, ପରିବହନ ଓ ମାତ୍ରାଧିକ ଖଣି କାରବାର ପ୍ରମାଣିତ ହୋଇଥିଲା ।
ଡ୍ରୋନ୍ କ୍ୟାମେରା ଓ DGPS ଦ୍ବାରା ମାପଚୁପ ପରେ ଚୁକ୍ତିନାମାଠାରୁ ଅଧିକ କଳାପଥର ଖନନ କରିବା ସହିତ ପରିବେଶ ଓ ଖଣି ଆଇନ୍କୁ ଉଲଂଘନ କରଯାଇଥିବା ସ୍ପଷ୍ଟ ହୋଇଥିଲା । ଏଥିପାଇଁ ୧୦ଟି ସୈରାତର ୯ଜଣ ଲିଜ୍ଧାରୀଙ୍କୁ ଧର୍ମଶାଳା ତହସିଲ ପକ୍ଷରୁ କାରଣଦର୍ଶାଅ ନୋଟିସ ଲିଜଧାରୀଙ୍କୁ ଜରିମାନା ଡିମାଣ୍ଡ ନୋଟିସ ଜାରି କରଯାଇଛି ।
ଅର୍ଗସ ବ୍ୟୁରୋ : ପୁଣି ଥରେ ପାଲଲହଡାରେ ମୁକେଶ ହଟାଓ ନାରା । ଅନୁଗୋ ଜିଲ୍ଲା ପାଲଲହଡ଼ା ନିର୍ବାଚନ ମଣ୍ଡଳୀର ଶଙ୍ଖମୁର ପଞ୍ଚାୟତରେ ବିଜେଡ଼ି ବିଧାୟକ ମୁକେଶଚଦ୍ର ପାଲଙ୍କୁ ବିରୋଧ କରିଛନ୍ତି ପଞ୍ଚାୟତବାସୀ । ନିର୍ବାଚନ ପୂର୍ବରୁ ଭୋଟ ମାଗି ଯାଇଥିବା ବିଧାୟକ ସାଢେ଼ ୪ ବର୍ଷରେ ଥରୁଟିଏ ବି ଗାଁ ମାଟି ମାଡି ନାହାନ୍ତି । ଆଜି ଯାଏ ଗାଆଁରେ କୌଣସି ଉନ୍ନତି ମୂଳକ କାର୍ଯ୍ୟ ନ ହୋଇଥିବା ଯୋଗୁଁ ବିଧାୟକଙ୍କୁ ବିରୋଧ କରିଛନ୍ତି ନିଜ ଦଳର ଦଳୀୟ କର୍ମୀ ।
ଅଧିକ ପଢନ୍ତୁ ଓଡ଼ିଶା ଖବର
ପୂର୍ବରୁ ଏକାଧିକ ବିଜେଡ଼ି କର୍ମୀ ଏକାଠି ହୋଇ ଆଗମୀ ନିର୍ବାଚନରେ ବିଜେଡ଼ିର ଦଳୀୟ ଟିକେଟ ମୁକେଶଙ୍କୁ ନ ମିଳୁ ବୋଲି ମୁଖ୍ୟମନ୍ତ୍ରୀଙ୍କୁ ଅନୁରୋଧ କରିଥିବା ବେଳେ ବିଧାୟକ ବିରୋଧ କରୁଥିବା ବ୍ୟକ୍ତି ବିଜେଡ଼ି କର୍ମୀ ନୁହେଁ ବୋଲି କହିଥିଲେ । ଅନ୍ୟପଟେ ଆଗକୁ ହଜାର ହଜାର ସଂଖ୍ୟାରେ ବିଜେଡ଼ି କର୍ମୀ ଏକାଠି ହୋଇ ବିଧାୟକଙ୍କୁ ବିରୋଧ କରିବେ ବୋଲି କଡ଼ା ଚେତାବନୀ ଦେଇଛନ୍ତି
