Congress conspiracy

କଟକ ନଗର କଂଗ୍ରେସରେ କମ୍ପନ

by Jitendra Dash

ଅର୍ଗସ ବ୍ୟୁରୋ : ପଦାକୁ ଆସିଲା ପିସିସି ଓ ମୋକିମଙ୍କ ମଧ୍ୟରେ ଚାଲିଥିବା ଶୀତଳ ଯୁଦ୍ଧ। ପ୍ରଥମେ ମୋକିମଙ୍କ ଘନିଷ୍ଠ ସହଯୋଗୀ ପୂର୍ବତନ ପିସିସି ମୁଖପାତ୍ର ବିଶ୍ୱଜିତ୍ ଦାସ, ନିକୁଞ୍ଜ ପଶାୟତ, ଅଶୋକ ସାମଲଙ୍କ ଭଳି ୩୦ ଜଣ ନେତା କଂଗ୍ରେସରୁ ଇସ୍ତଫା ଦେବା ପରେ ଏବେ ଆକ୍ସନ ମୋଡରେ ପିସିସି । କଟକ ନଗର କଂଗ୍ରେସର ସଭାପତି ତଥା ମେୟର ପ୍ରାର୍ଥୀ ଗିରିବାଳା ବେହେରାଙ୍କୁ ବିନା କୌଣସି ନୋଟିସରେ ଦଳ ଓ ପଦରୁ ପିସିସି ବିଦା କରିଥିବା ବେଳେ ତାଙ୍କ ନେତୃତ୍ଵରେ ଥିବା କମିଟି ଭଙ୍ଗ କରିଛି । ନଗର କଂଗ୍ରେସ କମିଟି ସହ ଯୁବ କଂଗ୍ରେସ ଓ ମହିଳା କଂଗ୍ରେସକୁ ମଧ୍ୟ ଭଙ୍ଗ କରିଛି ପିସିସି । ତେବେ ପିସିସିର ନିଷ୍ପତ୍ତିକୁ ଅଗଣତାନ୍ତ୍ରିକ ବୋଲି କହିବା ସହ କଟକରେ କଂଗ୍ରେସକୁ ଦୁର୍ବଳ ପାଇଁ ଏହା କିଛି ଦଲାଲଙ୍କ ଷଡଯନ୍ତ୍ର ବୋଲି ପାଲଟା ଅଭିଯୋଗ କରିଛନ୍ତି । ତେବେ ପିସିସି ର ନିଷ୍ପତ୍ତି ନେଇ ବିଧାୟକ ମୁକିମ କିଛି କହି ନାହାଁନ୍ତି ।

କଟକ ନଗରର ନୂତନ କମିଟି ପୁଣି ତିଆରି କରିଛି ପିସିସି । ଏଥିପାଇଁ ବରିଷ୍ଠ ନେତା ତଥା ପୂର୍ବରୁ କଟକ ଜିଲ୍ଲାର କଂଗ୍ରେସ ସଭାପତି ଦାୟିତ୍ୱ ତୁଲାଇଥିବା ସୁରେଶ ମହାପାତ୍ରଙ୍କୁ ପୁଣି ଥରେ କଟକ ନଗର କଂଗ୍ରେସର ସଭାପତି ଭାବରେ ଦଳ ଘୋଷଣା କରିଛି । ବିଧାୟକ ମୋକିମଙ୍କ ସହ ଭଲ ସମ୍ପର୍କ ଥିବା ବେଳେ ସମସ୍ତଙ୍କୁ ନେଇ ସେ ଦଳକୁ ଆଗକୁ ବଢ଼େଇବେ ବୋଲି କହିଛନ୍ତି ସୁରେଶ ।

ରାଜନୀତି ଖବର ଆହୁରି ପଢନ୍ତୁ ।

ଜୱାନ ଲୁକରେ ଭାଇରାଲ ପ୍ରଶଂସକଙ୍କ ଭିଡିଓ

by Swayangprajna Mishra

fan-recreate-shahrukh-khan-look-of-jawan

ଅର୍ଗସ ବ୍ୟୁରୋ : ଜୱାନର ନିଶା ଏବେ ସମସ୍ତଙ୍କୁ ଘାରିଛି. ଫିଲ୍ମରେ ଶାହାରୁଖଙ୍କ ଲୁକ ଠାରୁ ଆରମ୍ଭ କରି ତାଙ୍କ ଆକ୍ସନ ସିନ ପର୍ଯ୍ୟନ୍ତ ଦର୍ଶକ ଖୁବ ପସନ୍ଦ କରିଛନ୍ତି. ବକ୍ସଅଫିସରେ ଏହି ଫିଲ୍ମ ବ୍ଲକବଷ୍ଟର ହିଟ କରିଛି. ଯାହାର ସମୁଦାୟ ଆୟ ରହିଛି ପାଖାପାଖି ୯୦୭ କୋଟି.ଫିଲ୍ମର କ୍ରେଜିନେସ ଏବେ ସମସ୍ତଙ୍କ ଭିତରେ ଦେଖିବାକୁ ମିଳିଛି . ତେବେ ଏହି ଫିଲ୍ମରେ ଶାହାରୁଖଙ୍କ ଲୁକ ରିକ୍ରିଏଟ କରିଥିବା ଜଣେ ପ୍ରଶଂସକଙ୍କ ଭିଡିଓ ଏବେ ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି.

View this post on Instagram

A post shared by Ak arbaz 01 (@_ak_arbaz_01)

ସେ ଟ୍ରେନରେ ଚଢୁଥିବା ବେଳେ ଶାହାରୁଖଙ୍କ ଜୱାନ ଲୁକରେ ନଜର ଆସିଥଇଲେ. ଏବଂ ଟ୍ରେନ ଭିତରେ ମଧ୍ୟ ସେହି ଲୁକରେ ଶୋଇଥିବାର ନଜର ଆସିଥିଲେ. ତାଙ୍କ ମୁହଁ ଏବଂ ମୁଣ୍ଡ ବ୍ୟାଣ୍ଡେଜରେ ଗୁଡା ହୋଇଥିବା ଦେଖାଯାଇଥିଲା. ଯାହାକୁ ଦେଖି ସେଠାରେ ଥିବା ଅନ୍ୟ ଯାତ୍ରୀମାନେ ମଧ୍ୟ ଆଶ୍ଚର୍ଯ୍ୟ ହୋଇ ଥିଲେ. ତାଙ୍କର ଏହି ଭିଡିଓ ଏବେ ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି.

ବିଶ୍ୱକପ ପୂର୍ଵରୁ ଭାରତ ଅଷ୍ଟ୍ରେଲିଆ ମୁହାଁ ମୁହିଁ

by Smruti Parija

India vs Australia 2023 full schedule: All you need to know about the ODI series

ଅର୍ଗସ ବ୍ୟୁରୋ: ବିଶ୍ୱକପ ପୂର୍ଵରୁ ଭାରତୀୟ ଦଳ ଆଜି ଅଷ୍ଟ୍ରେଲିଆ ସହ ମୁହାଁ ମୁହିଁ ହେବ । ୩ ମ୍ୟାଚ ବିଶିଷ୍ଟ ସିରିଜର ପ୍ରଥମ ମ୍ୟାଚ ଆଜି ମୋହାଲିରେ ଖେଳାଯିବ । ବିରାଟ କୋହିଲି, ରୋହିତ ଶର୍ମା ଓ ହାର୍ଦ୍ଧିକ ପାଣ୍ଡିଆଙ୍କ ଅନୁପସ୍ଥିତିରେ କେ ଏଲ ରାହୁଲ ପ୍ରଥମ ଦୁଇଟି ମ୍ୟାଚରେ ଭାରତୀୟ ଦଳର ନେତୃତ୍ଵ ନେବେ ।

ଅକ୍ଟୋବର ୫ ରୁ ଆରମ୍ଭ ହେଵାକୁ ଥିଵା ଆଇସିସି ୱାଲ୍ଡକପ ପୂର୍ଵରୁ ଅଷ୍ଟ୍ରେଲିଆ ଦଳକୁ ପରକ୍ଷିଵା ପାଇଁ ଏକ ଉତ୍ତମ ସୁଯୋଗ ହେଵ । ଦିନିକିଆ ସିରିଜିର ଅନ୍ୟ ଦୁଇଟି ମ୍ୟାଚ ସେପ୍ଟେମ୍ଵର ୨୪ ଓ ସେପ୍ଟେମ୍ଵର ୨୭ରେ ରାଜକୋଟରେ ଖେଳାଯିଵ ।

ଦୀର୍ଘ ୧୨ ବର୍ଷ ତଳେ ୨୦୧୧ ମସିହାରେ ଭାରତୀୟ ଦଳ ୱାଲ୍ଡକପ ଟ୍ରଫି ହାତେଇ ଥିଲା । ତେଣୁ ଟ୍ରଫି ହାତେଇଵା ପାଇଁ ଭାରତୀୟ ଦଳ ଵେଶ ଆଶାଵାଦୀ ରହିଥିଵାଵେଳେ ଆଗାମୀ ୱାଲ୍ଡକପ ସଂସ୍କରଣରେ ଭାରତୀୟ ଦଳ ଅକ୍ଟୋଵର ୮ରେ ଅଷ୍ଟ୍ରେଲିଆ ସହ ପ୍ରଥମ ମ୍ୟାଚ ଖେଳି ନିଜ ଅଭିଯାନ ଆରମ୍ଭ କରିଵ । ଏହି ମ୍ୟାଚ ଚେନ୍ନାଇରେ ଖେଳାଯିଵ ।

ଆହୁରି ପଢନ୍ତୁ ଖେଳ ଖବର...

ବିଦ୍ୟୁତ ବିଭାଗରେ ଡ୍ରାଇଭର ଭାବେ କାମ କରୁଥିଲେ ଯୁବକ

by Swayangprajna Mishra

A young man committed suicide by hanging himself by a fan

କଟକ : ଘର ଭିତରେ ବେକରେ ଗାମୁଛାରେ ରସି ଲଗାଇ ଫ୍ୟାନରେ ଝୁଲି ଯୁବକଙ୍କ ଆତ୍ମହତ୍ୟା। ଏଭଳି ଘଟଣା ଘଟିଛି କଟକ ଜିଲ୍ଲା ସାଲେପୁର ଥାନା ଶିଶୁଆ କଲ୍ୟାଣପୁର ଗ୍ରାମରେ। ମୃତ ଯୁବକ ଜଣକ ହେଲେ କଲ୍ୟାଣପୁର ଗ୍ରାମର ଚନ୍ଦନ ଭୋଇ। ଚନ୍ଦନ ଭୋଇକୁ ପରିବାରଲୋକେ ଉଦ୍ଧାର କରି ମେଡିକାଲକୁ ଆଣିଥିଲେ। ହେଲେ ଡାକ୍ତର ତାଙ୍କୁ ସେଠାରେ ମୃତ ଘୋଷଣା କରିଛନ୍ତି।

ଅଧିକ ପଢନ୍ତୁ ଓଡିଶା ଖବର

ଘଟଣା ସ୍ଥଳରେ ପୋଲିସ ପହଞ୍ଚି ଶବକୁ ଜବତ କରିବା ସହ ଏକ ଅପମୃତ ମାମଲା ରଜୁ କରି ଶବବ୍ୟବଚ୍ଛେଦ ପାଇଁ କଟକ ପଠାଇ ତଦନ୍ତ ଆରମ୍ଭ କରିଛି। ଶବ ବ୍ୟବଚ୍ଛେଦ ରିପୋର୍ଟ ଆସିବା ପରେ ମୃତ୍ୟୁର ପ୍ରକୃତ କାରଣ ଜଣାପଡିବ ବୋଲି ପୋଲିସ ସୂଚନା ଦେଇଛି। ସୂଚନା ମୁତାବକ ଚନ୍ଦନ ଭୋଇ ବିଦ୍ୟୁତ ବିଭାଗରେ ଡ୍ରାଇଭର ଭାବେ କାମ କରନ୍ତି।

Download Argus News App

Congress conspiracy

Download Mobile App