ଅର୍ଗସ ବ୍ୟୁରୋ : କଟକରେ ରେମୁଭ-ଏବଲ ଅଟ୍ଟାଳିକା। ଇଚ୍ଛା ହେଲେ କୁଆଡେ ବି ନେଇ ପାରିବେ ଏହି ଅଟ୍ଟାଳିକା । ସଂପୂର୍ଣ୍ଣ ଲୁହା ବେଶ୍ ରେ ନିର୍ମାଣ ହେଉଛି ଏହି ରେମୁଭ-ଏବଲ ଅଟ୍ଟାଳିକା । ନା ଏଥିରେ ବ୍ୟବହାର ହୋଇଛି କୌଣସି ସିମେଣ୍ଟ ବିମ୍ । ନା ବ୍ୟବହାର ହୋଇଛି ଏଥିରେ କୌଣସି ସିମେଣ୍ଟ ପିଲର । ନା ବ୍ୟବହାର ହେବ କୌଣସି ଇଟା। ନା ଏଥିରେ ପଡ଼ିବ କୌଣସି ସିମେଣ୍ଟ ଢ଼ଳେଇ । କଟକ ସହରରେ ପ୍ରଥମ ଥର ପାଇଁ ଏହି ରେମୁଭ-ଏବଲ ଅଟ୍ଟାଳିକାର ନିର୍ମାଣ କାର୍ଯ୍ୟ ଆରମ୍ଭ ହୋଇଯାଇଛି । ରାଜା ବଗିଚା ସ୍ଥିତ କଠାଯୋଡ଼ି ନଦୀବନ୍ଧ ନିକଟରେ ଏହି ଅଟ୍ଟାଳିକାର ନିର୍ମାଣ କାର୍ଯ୍ୟ ଏବେ ଜୋରଦାର ଚାଲିଛି । କଲିକତା ଓ ଓଡ଼ିଶାର ଶ୍ରମିକ ଏହି ନିର୍ମାଣ କାର୍ଯ୍ୟରେ ନିୟୋଜିତ ହୋଇଛନ୍ତି ।
ଦେଖିବାକୁ ସୁନ୍ଦର ଓ ମଜବୁତ୍ ଏହି ଅଟ୍ଟାଳିକା ଭୂମିକମ୍ପ ପ୍ରବଣ ଅଞ୍ଚଳ ସହ ପାହାଡିଆ ଅଞ୍ଚଳରେ ଅଧିକାଂଶ ନିର୍ମାଣ ହୋଇଥାଏ । ଆବଶ୍ୟକୀୟ ପଡ଼ିଲେ ଏହାକୁ ମରାମତି ମଧ୍ୟ କରାଯାଇ ପାରିବ । ତେବେ କଟକରେ ପ୍ରଥମ ଥର ପାଇଁ ରିଂବନ୍ଧ ରାସ୍ତା ଉପରେ ଏହା ନିର୍ମାଣ କରାଯାଉଛି । ଏହା ନିର୍ମାଣ ପାଇଁ ସାଧାରଣ ଅଟ୍ଟାଳିକା ଠାରୁ ବହୁତ କମ୍ ସମୟ ଲାଗିଥାଏ । ବର୍ଷା, ପବନ ଓ ଭୂମିକମ୍ପ ହେଲେ ମଧ୍ୟ ଏହା ଉପରେ କୌଣସି ଅଧିକ ପ୍ରଭାବ ପଡ଼ିବ ନାହିଁ ବୋଲି କହିଛନ୍ତି ଏହା ଯନ୍ତ୍ରୀ ।
ଓଡ଼ିଶା ଖବର ଆହୁରି ପଢ଼ନ୍ତୁ ।
