ଅର୍ଗସ ବ୍ୟୁରୋ : କଟକ ଜିଲ୍ଲା ଟାଙ୍ଗୀ ବ୍ଲକ ଜରିପଡା ପଞ୍ଚାୟତ ଟିକିରା ଗ୍ରାମର ରାସ୍ତା ଶୋଚନୀୟ । ଏହି ରାସ୍ତା ଉପରେ ନିର୍ଭର କରନ୍ତି ୫ରୁ ଅଧିକ ପଞ୍ଚାୟତ ଲୋକ। ନିର୍ବାଚନ ବେଳେ ଭୋଟ ହାତେଇବାକୁ ରାସ୍ତା କାମ ଆରମ୍ଭ କରାଯିବା ସହିତ ମରାଯାଇଛି ଫଳକ । ଟିକିରା ଠାରୁ ଜଗନ୍ନାଥପୁର ପ୍ରାୟ ୬ କି. ମି ରାସ୍ତା ପାଇଁ ବ୍ୟୟ ଅଟକଳ ହୋଇଛି ୨କୋଟି ୯୦ ଲକ୍ଷ । ରାସ୍ତା ଉପରେ ବଜୁରୀଗୁଣ୍ଡ ପକାଇ କାମ ଆରମ୍ଭ ହୋଇଛି । ହେଲେ କାମ ଆଗକୁ ବଢ଼ୁନାହିଁ। ରାସ୍ତା କାମ କରୁଥିବା ଠିକାଦାରର ବି ଖୋଜଖବର ନାହିଁ । ରାତି ପାହିଲେ ଏହି ରାସ୍ତାରେ ଯାତାୟତ କରନ୍ତି ହଜାର ହଜାର ଲୋକ । ହେଲେ ରାସ୍ତା ଅବସ୍ଥା ଶୋଚନୀୟ ଥିବାରୁ ନାହିଁ ନଥିବା ସମସ୍ୟା ଭୋଗୁଥିବା ଅଭିଯୋଗ କରଛନ୍ତି ପଞ୍ଚାୟତବାସୀ ।
ଗତ ତିନି ବର୍ଷ ତଳେ ଏହି ରାସ୍ତା କାମ ହୋଇଥିଲା। ପୁଣି ଥରେ ଖରାପ ହେବାରୁ ୬ ମାସ ତଳେ ରାସ୍ତାକାମ ପୁନର୍ବାର ଆରମ୍ଭ ହୋଇଛି । ତେବେ ବିରୂପା ନଦୀ ଘାଟରୁ ବାଲି ଉଠାଉଥିବା ଭାରିଯାନ ଗୁଡିକ ଏହି ରାସ୍ତା ଉପରେ ଯାଉଥିବାରୁ ରାସ୍ତାର ଅବସ୍ଥା ଶୋଚନୀୟ ହେଉଥିବା ଲୋକେ ଅଭିଯୋଗ କରିଛନ୍ତି । ତେବେ ଏ ବାବଦରେ ପ୍ରଶାସନ ନିକଟରେ ବାରମ୍ବାର ଅଭିଯୋଗ ପରେବି କେହି ଶୁଣୁନଥିବା ଅଭିଯୋଗ ହୋଇଛି । ଏ ନେଇ RD ସହକାରୀ କାର୍ଯ୍ୟନିର୍ବାହୀ ଅଧିକାରୀ ଅର୍ଜୁନ କୁମାର ସାହୁ କହିଛନ୍ତି ଖୁବ୍ ଶୀଘ୍ର ଆରମ୍ଭ କରାଯିବ କାମ ।
ଓଡ଼ିଶା ଖବର ଆହୁରି ପଢ଼ନ୍ତୁ ।
