Cuttack Commissionerate Police's new initiative to prevent cyber crime and ragging in colleges.

ପ୍ରତ୍ୟକ କଲେଜ ଓ ସ୍କୁଲରେ ଆଣ୍ଟି ରାଗିଙ୍ଗ ଓ ସାଇବର ଅପରାଧ ନେଇ କରାଯିବ ସଚେତନତା

by Jitendra Dash

Cuttack Commissionerate Police's new initiative to prevent cyber crime and ragging in colleges.

ଅର୍ଗସ ବ୍ୟୁରୋ : ସାଇବର ଅପରାଧ ଓ କଲେଜରେ ରାଗିଙ୍ଗକୁ ରୋକିବା ପାଇଁ କଟକ କମିଶନରେଟ ପୋଲିସର ନୂଆ ପଦକ୍ଷେପ । କଟକର ପ୍ରତ୍ୟକ କଲେଜ ଓ ସ୍କୁଲରେ ଆଣ୍ଟି ରାଗିଙ୍ଗ ଓ ସାଇବର ଅପରାଧ ନେଇ କରାଯିବ ସଚେତନତା । କାରଣ ଛାତ୍ରଛାତ୍ରୀ ଅଧିକ ମାତ୍ରାରେ ସାଇବର ଅପରାଧର ଶିକାର ହେଉଥିଲା ବେଳେ ରାଗିଙ୍ଗର ଶିକାର ମଧ୍ୟ ହେଉଛନ୍ତି । ଯାହାକୁ ନେଇ ଅନେକ ନିରୀହ ଛାତ୍ରଛାତ୍ରୀଙ୍କ ପ୍ରାଣ ଯାଉଥିଲା ବେଳେ ଅନେକ ନିଜ ଲକ୍ଷ୍ୟ ପଥରୁ ବିଚ୍ୟୁତ ହେଉଛନ୍ତି ।

ଏପରିସ୍ଥଳେ କଟକ କମିଶନରେଟ ପୋଲିସ ପକ୍ଷରୁ ଆରମ୍ଭ କରାଯାଇଛି ଏକ ସଚେତନତା କାର୍ଯ୍ୟ । ଯାହାର ଲକ୍ଷ୍ୟ କେବଳ ରାଗିଙ୍ଗ ଓ ସାଇବର ଅପରାଧ କଲେଜ ଓ ସ୍କୁଲ ସ୍ଥରରେ ଦମନ କରିବାର ଏକ ଜାଗରଣତା ସୃଷ୍ଟି କରିବା । ତେବେ ଏହାକୁକୁ ନଜରରେ ରଖି ପୋଲିସ ପକ୍ଷରୁ ଆଜି କଟକ ଶୈଳବାଳା ସ୍ୱୟଂଶାସିତ ମହିଳା ବିଦ୍ୟାଳୟରେ ସଚେତନତା କାର୍ଯ୍ୟକ୍ରମ ଆୟୋଜିତ ହୋଇଥିଲା । କଟକ ଡିସିପି ପିନାକ ମିଶ୍ର ଓ କ୍ରାଇମବ୍ରାଞ୍ଚ ସାଇବର ସେଲର ଅଧିକାରୀ ଏହି କାର୍ଯ୍ୟକ୍ରମରେ ଉପସ୍ଥିତ ରହି ସମସ୍ତ ଛାତ୍ରୀ ଓ ଅଧ୍ୟାପିକା ମାନଙ୍କୁ ଏହି ରାଗିଙ୍ଗ ଓ ସାଇବର ଅପରାଧରୁ ନିବୃତ ରହିବା ପାଇଁ ଉପଦେଶ ଦେଇଥିଲେ । ଏହାସହ ପ୍ରତି ସ୍କୁଲ ଓ କଲେଜରେ ଆଗମୀ ଦିନରେ ଗୋଟିଏ ଲେଖାଏଁ ସାଇବର କ୍ଳବ ଖୋଲିବା ନେଇ କମିଶନରେଟ ପୋଲିସର ଯୋଜନା ରହିଥିବା କହିଛନ୍ତି ଡିସିପି ।

ଓଡିଶା ଖବର ଆହୁରି ପଢ଼ନ୍ତୁ ।

ଅନୁଭବଙ୍କୁ ବଡ଼ ଝଟକା, ଛାଡ଼ପତ୍ର ଆବେଦନ ଖାରଜ୍ କଲେ ଫ୍ୟାମିଲି କୋର୍ଟ

by Jitendra Dash

Cuttack Family Court rejects Anubhav Mohanty’s divorce plea

ଅର୍ଗସ ବ୍ୟୁରୋ : ଅନୁଭବଙ୍କ ଡିଭୋର୍ସ ପାର୍ଟି ପ୍ଲାନିଂକୁ ଝଟକା । ୩ ବର୍ଷର ଆଇନଗତ ଲଢେଇ, ବିଜେଡି ସାଂସଦଙ୍କ ସୋସିଆଲ ମିଡିଆରେ ବାରମ୍ବାର ପୋଷ୍ଟ, ବିଭିନ୍ନ ସଭାରେ ବର୍ଷାଙ୍କ ଉଦ୍ଦେଶ୍ୟରେ ଆକ୍ଷେପ ଆଉ ଶେଷରେ ବିଜେଡି ସାଂସଦଙ୍କୁ ଲାଗିଛି କୋର୍ଟଙ୍କ ବଡ଼ ଝଟକା । କଟକ ପରିବାର ଅଦାଲତ ଅନୁଭବଙ୍କ ଡିଭୋର୍ସ ପିଟିସନକୁ ଖାରଜ କରିଛନ୍ତି । ଏଥିସହିତ ବର୍ଷାଙ୍କ ସେକସନ୍ ୯ ପିଟିସନ୍ ବି ଖାରଜ ହୋଇଛି ।

ଅଧିକ ପଢନ୍ତୁ : କଟକ ପରିବାର ଅଦାଲତରେ ଶେଷ ହେଲା ମାମଲା

୨୦୨୦ରେ କୋଭିଡ୍ ସମୟରେ ଚର୍ଚ୍ଚାକୁ ଆସିଥିଲେ ସେଲିବ୍ରିଟି କପଲ୍ । ଦିଲ୍ଲୀର କୋର୍ଟରେ ବିଜେଡି ସାଂସଦ ଅନୁଭବ ମହାନ୍ତି ଦାଖଲ କରିଥିଲେ ଡିଭୋର୍ସ ପିଟିସନ୍ । ମାମଲାକୁ ଦିଲ୍ଲୀକୁ କଟକ ଟ୍ରାନସଫର ପାଇଁ ଆବେଦନ କରିଥିଲେ ବର୍ଷା । ସୁପ୍ରିମକୋର୍ଟଙ୍କ ରାୟ ଯାଇଥିଲା ବର୍ଷାଙ୍କ ସପକ୍ଷରେ । ଅନୁଭବ ବିଭିନ୍ନ ସମୟରେ ବର୍ଷାଙ୍କୁ ନିର୍ଯାତନା ଦେଉଥିବା ହୋଇଥିଲା ଅଭିଯୋଗ ।

ଅନୁଭବ ଓ ତାଙ୍କ ଦୁଇ ସହଯୋଗୀଙ୍କ ନାଁରେ ୪୯୮ଏ, ୫୦୬, ୩୪୧ ରେ ମାମଲା ବି ରୁଜ୍ଜୁ ହୋଇଥିଲା । ହେଲେ ପୋଲିସ କାର୍ଯ୍ୟାନୁଷ୍ଠାନ ଗ୍ରହଣ କରିନଥିଲା । ଏହାଭିତରେ ବିଭିନ୍ନ ସମୟରେ ଅନୁଭବ ସୋସିଆଲ ମିଡିଆରେ ଭିଡିଓ ପୋଷ୍ଟ କରି ଟ୍ରୋଲ୍ ହୋଇଥିଲେ । ତେବେ ଅନୁଭବ ଜାଣିଥିଲେ କି କୋର୍ଟରେ ହାରିବେ, ତାଙ୍କ ଅଭିଯୋଗର ନାହିଁ ସତ୍ୟତା, ସେଥିପାଇଁ ବିଜେଡି ସାଂସଦ କରୁଥିଲେ କି ମିଛ ନାଟକ, କାରଣ ବର୍ଷା କେବେ ବି ଅନୁଭବଙ୍କୁ ନେଇ ମିଡିଆରେ କି ସୋସିଆଲ ମିଡିଆରେ କିଛି କହିନଥିଲେ ।

ଦେଶରେ ଏକକ ନିର୍ବାଚନ ନେଇ ଆଜି ଦିଲ୍ଲୀରେ ବସିବ ବୈଠକ

by Jitendra Dash

ଅର୍ଗସ ବ୍ୟୁରୋ : ଦେଶରେ ଏକକ ନିର୍ବାଚନ ନେଇ ଆଜି ଦିଲ୍ଲୀରେ ବସିବ ବୈଠକ । ଏକକ ନିର୍ବାଚନ ନେଇ ଦେଶର ବର୍ତ୍ତମାନର ଆଇନକୁ ତର୍ଜମା କରିବା ସହ ବିଭିନ୍ନ ଦିଗ ଉପରେ ହେବ ଆଲୋଚନା । ‘ଏକ ଦେଶ, ଏକ ନିର୍ବାଚନ’ ପ୍ରସଙ୍ଗରେ ବିଚାରବିମର୍ଶ ପାଇଁ ଏକ କମିଟି ଗଠନ କରିଛନ୍ତି କେନ୍ଦ୍ର ସରକାର । ଆଜି ଏହି କମିଟିର ପ୍ରଥମ ବୈଠକ ।

ଅଧିକ ପଢନ୍ତୁ ଭାରତ ଖବର

ଏକସଙ୍ଗେ ଲୋକସଭା ଓ ସବୁ ରାଜ୍ୟର ବିଧାନସଭା ନିର୍ବାଚନ ନେଇ ଏହି ବୈଠକରେ ଆଲୋଚନା କରାଯିବ । ପୂର୍ବତନ ରାଷ୍ଟ୍ରପତି ରାମନାଥ କୋବିନ୍ଦ ଏହି କମିଟିର ଅଧ୍ୟକ୍ଷ ଅଛନ୍ତି । ଏହି କମିଟି ଏକକ ନିର୍ବାଚନ ଉପରେ ବିଶ୍ଳେଷଣ କରିବା ସହ ସରକାରଙ୍କୁ ପରାମର୍ଶ ଦେବ ।

ଆଜି ପବିତ୍ର ରାଧାଷ୍ଟମୀ, ଶ୍ରୀମନ୍ଦିରରେ ହେବ ସ୍ବତନ୍ତ୍ର ନୀତିକାନ୍ତି

by Jitendra Dash

ଅର୍ଗସ ବ୍ୟୁରୋ : ଆଜି ପବିତ୍ର ରାଧାଷ୍ଟମୀ । ଶ୍ରୀମନ୍ଦିରରେ ହେବ ସ୍ବତନ୍ତ୍ର ନୀତିକାନ୍ତି । ନଗର ପରିକ୍ରମା ସହ ଚାରିଆଶ୍ରମ ବିଜେ କରିବେ ଚକ୍ରରାଜ ସୁଦର୍ଶନ । ଅପରାହ୍ନରେ ସୁଦର୍ଶନ ମହାପ୍ରଭୁ ଶ୍ରୀମନ୍ଦିର ବେଢା ପରିକ୍ରମା କରିବା ପରେ ବାହାରକୁ ତାଙ୍କ ବିମାନ ବାହାରି ନଗର ପରିକ୍ରମା କରିବ । ଏହାପରେ ପନ୍ତି ଭୋଗ ଖାଇ ଗୌଡ଼ବାଡ଼ ସାହିରେ ଥିବା ଜମ୍ବେଶ୍ବର ମହାଦେବ ମନ୍ଦିରକୁ ବିଜେ କରିବେ ।

ଅଧିକ ପଢନ୍ତୁ ଓଡ଼ିଶା ଖବର

ସେଠାରେ ଶୀତଳ ଭୋଗ ଓ ପ୍ରସାଦ ଲାଗି ନିତି ଅନୁଷ୍ଠିତ ହେବ । ଜମ୍ବେଶ୍ବରଙ୍କ ପକ୍ଷରୁ ଜଣେ ପୂଜାପଣ୍ଡା ସାମନ୍ତ ଶ୍ରୀମନ୍ଦିରର ବାର୍ଷିକ ଆୟବ୍ୟୟ ହିସାବ ସୁଦର୍ଶନଙ୍କ ସମୁଖରେ ପଢି ନିତି ସମ୍ପର୍ଣ୍ନ କରିବେ । ସୁଦର୍ଶନ ମହାପ୍ରଭୁ ଜମ୍ବେଶ୍ୱରଙ୍କ ଠାରୁ ଆୟବ୍ୟୟ ହିସାବ ଆଣିବା ପରେ ସେଠାରୁ ଶ୍ରୀମନ୍ଦିର ପ୍ରତ୍ୟାବର୍ତ୍ତନ କରିବେ । ତେବେ ଗତକାଲି ରାତିରେ ଶ୍ରୀମନ୍ଦିରରେ ଅନୁଷ୍ଠିତ ହୋଇଥିଲା କେକେସି ରାକ୍ଷସ ବଧ ନୀତି ।

Download Argus News App

Cuttack Commissionerate Police's new initiative to prevent cyber crime and ragging in colleges.

Download Mobile App