କଟକ ସାଲେପୁର କଲ୍ୟାଣପୁରର ଏକ ଜମିକୁ ନେଇ ଏବେ ବିବାଦରେ ସାଲେପୁର ବିଜେଡି ବିଧାୟକ ପ୍ରଶାନ୍ତ ବେହେରା । ଖାତା ନମ୍ବର 143, କିସମ-ଘରବାରି ଜମି ରହିଛି ସ୍ବର୍ଗତଃ ପରମାନନ୍ଦ ସେଠୀଙ୍କ ନାଁରେ । ଏବେ ପରମାନନ୍ଦଙ୍କ ଭୁବନେଶ୍ବରରେ ପାଠ ପଢୁଥିବା ଝିଅ ରଶ୍ମିତା ଓ ତାଙ୍କ ପତ୍ନୀ ବିଧାୟକଙ୍କ ବିରୋଧରେ ଆଣିଛନ୍ତି ସାଙ୍ଘାତିକ ଅଭିଯୋଗ । ସେମାନଙ୍କ ଅଭିଯୋଗ ହେଉଛି ଯେ, ତାଙ୍କ ଜମି ଉପରେ ଜବରଦଖଲ କରି ନିର୍ମାଣ ହେଉଛି ସରକାରୀ ଉପ-ସ୍ବାସ୍ଥ୍ୟକେନ୍ଦ୍ର । ଏପରିକି ନିର୍ମାଣ ବେଳେ ତାଙ୍କୁ ଏ ସଂପର୍କରେ ଜଣାଯାଇ ନାହିଁ । ସବୁଠୁ ବଡ଼ କଥା ହେଉଛି ରଶ୍ମିତା ଅମିନ ନେଇ ମାପଚୁପ ପାଇଁ ଗଲେ ତାଙ୍କୁ ଠିକାଦାର ଧମକ ଦେଉଛନ୍ତି । ସେ ବିଜେଡି ଲୋକ ଓ ପ୍ରଶାନ୍ତ ବେହେରାଙ୍କ ଲୋକ କହି ଦାଦାଗିରି ଦେଖାଉଛନ୍ତି । ଏପରିକି ଅଶ୍ଲୀଳ ଭାଷାରେ ଗାଳିଗୁଲଜ କରିଥିବା ନେଇେ ଥାନାରେ ଏତଲା ଦେଇଛନ୍ତି ରଶ୍ମିତା ।
ଖାଲି ସେତିକି ନୁହେଁ ସମସ୍ୟାର ସମାଧାନ ପାଇଁ ରଶ୍ମିତାଙ୍କୁ ଏକା ଆସିବାକୁ ଫୋନରେ କହୁଥିବା ଅଭିଯୋଗ କରିଛନ୍ତି ତାଙ୍କ ମା । ସେପଟେ ଅଭିଯୋଗକୁ ଖଣ୍ଡନ କରିଛନ୍ତି ସାଲେପୁର ବିଜେଡି ବିଧାୟକ ପ୍ରଶାନ୍ତ ବେହେରା । ଏବେ ବଡ଼ ପ୍ରଶ୍ନ କାହିଁକି ଆଲୋଚନା ପାଇଁ ରଶ୍ମିତାଙ୍କୁ ଏକାକୀ ଡାକିଥିଲେ ବିଧାୟକ, ଏହା ସତ ନା ମିଛ ପ୍ରଶ୍ନ ଉଠିଥିବା ବେଳେ ରଶ୍ମିତାଙ୍କୁ ଡାକିଥିବା ବେଳର ଅଡିଓ କଲର ଫୋରେନସିକ୍ ଯାଞ୍ଚ ହେଉ ବୋଲି ଦାବି କରାଯାଇଛି। ସେପଟେ କାହିଁକି ପୋଲିସ ଚୁପ୍ ବସିଛି? ପ୍ରଶାନ୍ତଙ୍କ ଚାପରେ ପୋଲିସ ଆକସନ୍ ନେଉ ନାହିଁ ବୋଲି ବଡ଼ ପ୍ରଶ୍ନବାଚୀ ସୃଷ୍ଟି ହୋଇଛି।
