ବିନିକା ଡାକ୍ତରଖାନାରେ ମହାପ୍ରୟାଣ ଗାଡ଼ି ନଥିବାରୁ ଘରକୁ ମୃତଦେହ ନେବା ପାଇଁ ଅର୍ଥାଭାବ ଯୋଗୁଁ ବେସରକାରୀ ଗାଡି କରି ପାରିନଥିଲେ । ଶେଷରେ ବାଧ୍ୟ ହୋଇ ଘରକୁ ମୃତକଙ୍କ ସମ୍ପର୍କୀୟ ବାଇକରେ ନେଇଯାଇଥିଲେ । ବିନିକା ଡାକ୍ତରଖାନାରେ ଦୀର୍ଘ ବର୍ଷ ହେବ ଦାବି ହେଉଥିଲେ ମଧ୍ୟ ମହାପ୍ରୟାଣ ଗାଡ଼ି ନଥିବାରୁ ବାଧ୍ୟହୋଇ ବିନିକା ମେଡ଼ିକାଲରୁ ନିଜ ଘର ପାତିକାରପଡ଼ା ପର୍ୟ୍ୟନ୍ତ ବାଇକରେ ବୋହି ନେଇଥିଲେ । ଏହାକୁ ନେଇ ସ୍ଥାନୀୟ ଅଞ୍ଚଳରେ ଅସନ୍ତୋଷ ପ୍ରକାଶ ପାଇଛି ।
ବିନିକା ଡାକ୍ତରଖାନାରେ ମହାପ୍ରୟାଣ ଗାଡି ନଥିବାରୁ ଅନେକ ଏହିପରି ସାଇକେଲ, ବାଇକ ଓ ଖନ୍ଦରେ ବୋହି ନେଇଥିବା ନଜିର ରହିଛି । ଏଣୁ ପ୍ରଶାସନ ତୁରନ୍ତ ବିନିକାକୁ ମହାପ୍ରୟାଣ ଗାଡ଼ି ଯୋଗାଇ ଦେବାକୁ ସାଧାରଣରେ ଦାବି ହେଉଛି ।
