ଭୁବନେଶ୍ଵରର ଡେଲିଭରୀ ଗାର୍ଲ , ଘରେ ନିଜ ହାତରେ ରୋଷେଇ କରି ଘର ଘର ବୁଲି କରୁଛନ୍ତି ଖାଦ୍ୟ ଡେଲିଭରୀ..

 କସ୍ତୁରୀ ପଟ୍ଟନାୟକଙ୍କ ଘର ଭୁବନେଶ୍ଵରରେ । ସେ ପୂର୍ବରୁ ସ୍ପିଚ୍ ଥେରାପି ଶିକ୍ଷା ଦେଉଥିଲେ  । କରୋନା ମହାମାରୀ ପାଇଁ ସେହି କାର୍ଯ୍ୟ ବନ୍ଦ ରହିଲା  । ସେହି ସମୟରେ ଘର ଚଳାଇବା ଏବଂ ଆତ୍ମ ନିର୍ଭରଶୀଳ ହେବା ପାଇଁ ଖାଦ୍ୟ ହୋମ ଡେଲିଭରୀ ସେ ଆରମ୍ଭ କଲେ । ନିଜେ ରୋଷାଇ କରି ସେ ଡେଲିଭରୀ କରନ୍ତି। ଯାହା ତାଙ୍କୁ ସ୍ଵାବଲମ୍ବୀ ହେବାର ସହଯୋଗ କଲା ଏବଂ ସେ ପାଲଟି ଗଲେ ଡେଲିଭରୀ ଗାର୍ଲ  । ସେ ଏହି କାମ 5 ମାସ ହେବ ଆରମ୍ଭ କରିଛନ୍ତି  । ଆଗରୁ ଗୋଟିଏ ଗୋଟିଏ ଅର୍ଡର ଆସୁଥିବା ବେଳେ ଏବେ ଦିନକୁ 35ରୁ ଅଧିକ ଅର୍ଡର ଆସୁଛି  । ମିଳିଥିବା ଅର୍ଡରକୁ ଦିନ 12ଟା ଭିତରେ ନେଇ ବାହାରି ଯାଆନ୍ତି । ଲକଡାଉନରେ ତାଙ୍କର ଜଣେ ଭାଇ ଓ ସେ  ଘରେ ରହିଥିଲା ବେଳେ ସେ ଚାହିଁଥିଲେ ଲୋକଙ୍କୁ ଘର ଖାଦ୍ୟ ଦେବାପାଇଁ ଏବଂ ଧିରେ ଧିରେ ସେ ଏହି କାମ ଆରମ୍ଭ କରିଥିଲେ ବୋଲି ସେ କହିଛନ୍ତି। କସ୍ତୁରୀ କୁହନ୍ତି କେଉଁ କାମ ଛୋଟ ନୁହେଁ  । ପୁଅ ମାନଙ୍କ ପରି ଝିଅ ଟିଏ ମଧ୍ୟ ସବୁ କାମ କରିପାରିବ । ସେ ଆଜି ଯାହା ବି କରୁଛନ୍ତି ପରିବାରର ସହଯୋଗରେ ଏବଂ ଆଗକୁ ଏହାକୁ ବଢାଇ ମହିଳା ମାନଙ୍କୁ ସୁଯୋଗ ଦେବାକୁ ଲକ୍ଷ୍ୟ ରଖିଛନ୍ତି ।